ಕಾನ್ಪುರ್: ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವೆ ಇಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ 5ನೇ ದಿನದಾಟ ನಡೆಯುತ್ತಿದ್ದು, ಅಂತಿಮ ಘಟ್ಟಕ್ಕೆ ತಲುಪಿದೆ. ಉಭಯ ತಂಡಗಳು ಗೆಲುವಿಗಾಗಿ ಹೋರಾಟ ನಡೆಸುತ್ತಿದ್ದು, ಇಂದು ತೀರ್ಪು ಸಿಗಲಿದೆ. ಇಂದಿನ ದಿನದ ಆಟಕ್ಕೆ (ಊಟದ ಸಮಯ) 1 ವಿಕೆಟ್ ಕಳೆದುಕೊಂಡಿತ್ತು. ಸದ್ಯ ನ್ಯೂಜಿಲ್ಯಾಂಡ್ ತಂಡ 2 ವಿಕೆಟ್ ನಷ್ಟಕ್ಕೆ 84 ರನ್ ಗಳಿಸಿದೆ.
ನಿನ್ನೆಯ ದಿನದ ಆಟಕ್ಕೆ ನ್ಯೂಜಿಲ್ಯಾಂಡ್ ತಂಡ 1 ವಿಕೆಟ್ ಕಳೆದುಕೊಂಡು 4 ರನ್ ಕಲೆ ಹಾಕಿತ್ತು. ಇಂದು ಮತ್ತೆ ಆಟವನ್ನು ಮುಂದುವರೆಸಿರುವ ನ್ಯೂಜಿಲ್ಯಾಂಡ್ ಬಳಗ ಗೆಲುವಿಗಾಗಿ ಹೋರಾಟ ನಡೆಸಿದೆ.
ಭಾರತ ತಂಡ ಅದಕ್ಕೂ ಮುನ್ನ ಡಿಕ್ಲರ್ ಮಾಡಿಕೊಂಡಿದ್ದು 284 ರನ್ ಗುರಿ ನೀಡಿದೆ. ಈ ಗುರಿ ಬೆನ್ನು ಹತ್ತಿದ ನ್ಯೂಜಿಲ್ಯಾಂಡ್ ತಂಡ ಗೆಲುವಿಗಾಗಿ ಅವಿರತ ಹೋರಾಟ ನಡೆಸಿದೆ. ಊಟದ ಸಮಯಕ್ಕೂ ಮುನ್ನ ವೇಗಿ ಉಮೇಶ್ ಯಾದವ್ ಕಿವೀಸ್ ತಂಡದ ವಿಲಿಯಂ ಸೊಮರ್ವಿಲ್ಲೆ (36) ವಿಕೆಟ್ ಪಡೆದಿದ್ದು, ಟಾಮ್ ಲಾಥಮ್ ಮತ್ತು ಕೆನ್ ಕೇನ್ ವಿಲಿಯಮ್ಸನ್ ಕ್ರೀಸ್ನಲ್ಲಿದ್ದಾರೆ.
ಭಾರತದ ಸ್ಪಿನ್ನರ್‌ಗಳ ಮೋಡಿ ಕಿವೀಸ್ ಗೆಲುವಿನ ಹಾದಿ ಅಷ್ಟು ಸುಲಭವಲ್ಲ ಎಂದು ಹೇಳಲಾಗುತ್ತಿದ್ದು, ಹೀಗಾಗಿ ಈ ಪಂದ್ಯ ಸಾಕಷ್ಟು ಕುತೂಹಲ ಕೆರಳಿಸಿದೆ. ಗೆಲುವಿಗಾಗಿ ನ್ಯೂಜಿಲ್ಯಾಂಡ್ಗೆ ಇನ್ನೂ 200 ರನ್ ಬಾಕಿ ಇದೆ.
