IND VS NZ T20 : ದೀಪಕ್​ ಹೂಡ ಮಾರಕ ಬೌಲಿಂಗ್​.. ಭಾರತಕ್ಕೆ 65ರನ್​ಗಳ ಭರ್ಜರಿ ಗೆಲುವು

ನ್ಯೂಜಿಲೆಂಡ್​ ವಿರುದ್ಧ ಎರಡನೇ ಟಿ 20 ಪಂದ್ಯವನ್ನು ಭಾರತ ಗೆದ್ದು ಸರಣಿಯನ್ನು 1-0 ಸಾಧಿಸಿದೆ.

ಮೌಂಟ್ ಮೌಂಗನ್ಯುಯಿ:ಭಾರತ ನ್ಯೂಜಿಲೆಂಡ್​ ವಿರುದ್ಧ ಎರಡನೇ ಟಿ 20 ಪಂದ್ಯದಲ್ಲಿ ಕಿವೀಸ್​ನ್ನು 126ರನ್​ಗೆ ಆಲ್​ ಔಟ್​ ಮಾಡುವ ಮೂಲಕ 65 ರನ್​ಗಳಿಂದ ಭರ್ಜರಿ ಜಯ ಸಾಧಿಸಿದೆ. ದೀಪಕ್​ ಹೂಡ 2.5 ಓವರ್​ಗೆ 10 ಕೊಟ್ಟು 4 ವಿಕೆಟ್​ ಕಬಳಿಸಿ ಕೈ ಚಳಕಕ್ಕೆ ಮೆರೆದಿದ್ದಾರೆ.

ಭಾರತ ನೀಡಿದ್ದ 192 ರನ್​ನ ಗುರಿಯನ್ನು ಬೆನ್ನು ಹತ್ತಿದ ನ್ಯೂಜಿಲೆಂಡ್ 125ರನ್​ಗೆ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡಿತು. ನಾಯಕ ವಿಲಿಯಮ್​ಸನ್​ ಅರ್ಧ ಶತಕ(61) ಮತ್ತು ಡೆವೊನ್ ಕಾನ್ವೇ (25) ಸಾಧಾರಣ ಆಟ ಪ್ರದರ್ಶಿಸಿದರು. ನ್ಯೂಜಿಲೆಂಡ್​ ಪರ ಮತ್ತಾವ ಆಟಗಾರನೂ ಉತ್ತಮ ಆಟ ಪ್ರದರ್ಶಿಸಲಿಲ್ಲ. ಆರಂಭಿಕ ಫಿನ್ ಅಲೆನ್ ಡಕ್​ ಔಟ್​ ಆದರು. ಗ್ಲೆನ್ ಫಿಲಿಪ್ಸ್(12), ಡೇರಿಲ್ ಮಿಚೆಲ್(10) ಕೊಂಚ ಹೋರಾಡಿದರು.

ಭಾರತದ ಪರ ದೀಪಕ್​ ಹೂಡ 4 ವಿಕೆಟ್​ ಕಬಳಿಸಿದರು. ಸಿರಾಜ್​ ಮತ್ತು ಚಹಾಲ್​ ತಲಾ ಎರಡು ಮತ್ತು ಭೂವನೇಶ್ವರ್​ ಮತ್ತು ಸುಂದರ್​ ತಲಾ ಒಂದು ವಿಕೆಟ್​ ಪಡೆದರು.

ಮೊದಲ ಇನ್ನಿಂಗ್ಸ್​ :ಟಾಸ್​ ಸೋತು ಬ್ಯಾಟಿಂಗ್​ ಆರಂಭಿಸಿದ ಭಾರತಕ್ಕೆ ಸೂರ್ಯ ಕುಮಾರ್​ ಅವರ ಶತಕ ನೆರವಾಯಿತು. 51 ಬಾಲ್​ನಲ್ಲಿ 7 ಸಿಕ್ಸ್​ ಮತ್ತು 11 ಬೌಂಡರಿಯಿಂದ ಸ್ಕೈ ಅವರು 111 ರನ್​ ಗಳಿಸಿದ್ದರಿಂದ ಭಾರತ 192ರನ್​ಗಳ ಬೃಹತ್​ ಮೊತ್ತ ದಾಖಲಿಸಿತು.

ಆರಂಭಿಕ ಇಶಾನ್​ ಕಿಶನ್​ 36 ರನ್​, ಅಯ್ಯರ್​ ಮತ್ತು ನಾಯಕ ಹಾರ್ದಿಕ್​ 13 ರನ್​ ಗಳಿಸಿದ್ದು ಬಿಟ್ಟರೆ, ಮತ್ತಾರು ಉತ್ತಮ ಪ್ರದರ್ಶನ ನೀಡಲಿಲ್ಲ. ಆರಂಭಿಕರಾಗಿ ಪಂತ್​ ಕೂಡ ವಿಫಲತೆ ಕಂಡರು.

ನ್ಯೂಜಿಲೆಂಡ್ ಪರ ಸೌಥಿ 3, ಲಾಕಿ ಫರ್ಗುಸನ್ 2 ಮತ್ತು ಇಶ್ ಸೋಧಿ 1 ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ :ಸ್ಕೈ ಅಬ್ಬರದ ಶತಕ.. ಪಾಕಿಸ್ತಾನದ​ ಬಾಬರ್​ ದಾಖಲೆ ಹಿಂದಿಕ್ಕಿದ ಸೂರ್ಯ