ಅಹಮದಾಬಾದ್​ನಲ್ಲಿ ಅಂತಿಮ ಟೆಸ್ಟ್​: WTC ಫೈನಲ್​ ಪ್ರವೇಶಿಸಲು ಭಾರತಕ್ಕೆ ಗೆಲುವು ಅನಿವಾರ್ಯ

ನಾಳೆಯಿಂದ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಅಂತಿಮ ಟೆಸ್ಟ್​ ಹಣಾಹಣಿ - ಗೆದ್ದರೆ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್​ ಪಕ್ಕಾ - ಬ್ಯಾಟರ್​ಗಳನ್ನು ಕಾಡಲಿದೆಯೇ ಸ್ಪಿನ್ ಪಿಚ್?

ಅಹಮದಾಬಾದ್​ (ಗುಜರಾತ್​): ವಿಶ್ವ ಟೆಸ್ಟ್​ ಚಾಂಪಿನಯನ್​ಶಿಪ್​ ಫೈನಲ್​ ಪ್ರವೇಶಕ್ಕೆ ಆಸಿಸ್​ ಸರಣಿಯ ನಾಲ್ಕನೇ ಟೆಸ್ಟ್​ ಪಂದ್ಯದ ಗೆಲುವು ಭಾರತಕ್ಕೆ ಅಗತ್ಯವಾಗಿದೆ. ನಾಳೆಯಿಂದ ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಅಂತಿಮ ಟೆಸ್ಟ್​ ಪಂದ್ಯ ಆರಂಭವಾಗಲಿದ್ದು, ಸರಣಿ ಸಮಬಲದ ಸಾಧನೆಯತ್ತ ಕಾಂಗರೂ ಪಡೆಯ ಚಿತ್ತ ನೆಟ್ಟಿದೆ.

ಸ್ಮಿತ್​ ನಾಯಕತ್ವದಲ್ಲಿ ಇಂದೋರ್​ನ ಹೋಳ್ಕರ್​ ಸ್ಟೇಡಿಯಂನಲ್ಲಿ ನಡೆದ ಮೊರನೇ ಟೆಸ್ಟ್​ನ್ನು ಆಸಿಸ್​ ಗೆದ್ದುಕೊಂಡಿದೆ. ನಾಲ್ಕನೇ ಟೆಸ್ಟ್​ಗೂ ನಾಯಕ ಪ್ಯಾಟ್​ ಕಮಿನ್ಸ್​ ಅನುಪಸ್ಥಿತಿ ಇದ್ದು, ನಾಯಕತ್ವದ ಹೊಣೆ ಸ್ಟೀವ್​ ಸ್ಮಿತ್​ ಹೆಗಲ ಮೇಲೆಯೇ ಇದೆ. ಮೂರನೇ ಟೆಸ್ಟ್​ನಲ್ಲಿ ಗೆಲುವು ಸಾಧಿಸಿದ ಸ್ಮಿತ್​ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನ ಫೈನಲ್​ಗೆ ಪ್ರವೇಶ ಪಡೆದುಕೊಂಡಿದೆ.

ಬ್ಯಾಟರ್​ಗಳಿಗೆ ಕಾಡುತ್ತಿರುವ ಪಿಚ್​:ಮೂರು ಟೆಸ್ಟ್​ ಮ್ಯಾಚ್​ ಎರಡೂವರೆ ದಿನದಲ್ಲಿ ಮುಗಿದು ಹೋಗಿದೆ. ಸ್ಮಿನ್​ ಪಿಚ್​ನಲ್ಲಿ ಬ್ಯಾಟರ್​ಗಳು ರನ್​ ಗಳಿಸಲು ಕಷ್ಟಪಡುತ್ತಿದ್ದಾರೆ. ಮೊದಲ ಟೆಸ್ಟ್​ ಒಂದರಲ್ಲಿ ಮಾತ್ರ ಭಾರತ 400 ರನ್​ ಗಳಿಸಿದೆ. ಮಿಕ್ಕ ಪಂದ್ಯಗಳಲ್ಲಿ ಉಭಯ ತಂಡಗಳು 250+ ರನ್​ ಮಾಡುವಷ್ಟರಲ್ಲಿ ಸಂಪೂರ್ಣ ವಿಕೆಟ್​ ಕಳೆದುಕೊಳ್ಳುತ್ತಿದ್ದಾರೆ. ಹೆಚ್ಚಿನ ಇನ್ನಿಂಗ್ಸ್​ಗಳು ಲೋ-ಸ್ಕೋರ್​ ಆಗಿದ್ದರಿಂದಾಗಿ ಪಂದ್ಯ ಎರಡು ದಿನದಲ್ಲೇ ಮುಗಿದು ಹೋಗುತ್ತಿದೆ.

ಟೆಸ್ಟ್​ ಚಾಂಪಿಯನ್​ ಶಿಪ್​ಗೆ ಆಯ್ಕೆಗೆ ಗೆಲುವು ಅನಿವಾರ್ಯ:ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಪ್ರವೇಶಕ್ಕೆ ಭಾರತ ಈ ಟೆಸ್ಟ್​ ಪಂದ್ಯದಲ್ಲಿ ಗೆಲ್ಲಬೇಕಿದೆ. ಇಲ್ಲದಿದ್ದಲ್ಲಿ ಶ್ರೀಲಂಕಾ ಫೈನಲ್​ಗೆ ಹೋಗುವ ಅವಕಾಶ ಮಾಡಿಕೊಳ್ಳುವ ಸಾಧ್ಯತೆ ಇದೆ. ನಾಳೆಯಿಂದ ನ್ಯೂಜಿಲೆಂಡ್​ ಪ್ರವಾಸದಲ್ಲಿರುವ ಶ್ರೀಲಂಕಾಗೆ ಪಂದ್ಯ ಆರಂಭವಾಗಲಿದೆ. ಎರಡು ಟೆಸ್ಟ್​ ಪಂದ್ಯದ ಸರಣಿಯಲ್ಲಿ ಕಿವಿಸ್​ನ್ನು ತವರಿನಲ್ಲಿ ಕ್ಲೀನ್​ ಸ್ವೀಪ್​ ಮಾಡಿದರೆ ಲಂಕಾ WTC ಫೈನಲ್​ ಪ್ರವೇಶಿಸಲಿದೆ.

ಎರಡು ದಿನದ ಅಭ್ಯಾಸ ಪಂದ್ಯದಲ್ಲಿ ಲಂಕಾ ಉತ್ತಮವಾಗಿ ಬ್ಯಾಟ್​ ಮಾಡಿದ್ದು, ಅರ್ಧ ದಿನ ಆಡಿ 4 ವಿಕೆಟ್​ ನಷ್ಟಕ್ಕೆ 276 ರನ್​ಗೆ ಡಿಕ್ಲೇರ್​ ಮಾಡಿತ್ತು. ಎರಡನೇ ದಿನ ಮಳೆ ಬಂದ ಕಾರಣ ಪಂದ್ಯ ಡ್ರಾದಲ್ಲಿ ಅಂತ್ಯವಾಗಿದೆ. ಭಾರತ ಈ ಟೆಸ್ಟ್​ನಲ್ಲಿ ಗೆದ್ದರೆ ಫೈನಲ್​ ಟಿಕೆಟ್​ ಪಕ್ಕಾ ಆಗಲಿದ್ದು, ಫೈನಲ್ ಪಂದ್ಯ ಜೂನ್ 7 ರಿಂದ 11 ವರೆಗೆ ಲಂಡನ್‌ನ ಓವಲ್ ಮೈದಾನದಲ್ಲಿ ನಡೆಯಲಿದೆ. 2019-21ರ ಮೊದಲ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್​ನ್ನು ನ್ಯೂಜಿಲೆಂಡ್ ಗೆದ್ದುಕೊಂಡಿತ್ತು.

ಭಾರತ ತಂಡದಲ್ಲಿ ಬದಲಾವಣೆ ಸಾಧ್ಯತೆ:ಈ ಟೆಸ್ಟ್​ ಸರಣಿಯಲ್ಲಿ ಪದಾರ್ಪಣೆ ಮಾಡಿದ ವಿಕೆಟ್​ ಕೀಪರ್​ ಕೆಎಸ್​ ಭರತ್ ಅವರನ್ನು ತಂಡದಿಂದ ಕೈಬಿಟ್ಟು ಇಶನ್​ ಕಿಶನ್​ಗೆ ಅವಕಾಶ ಕೊಡುವ ಸಾಧ್ಯತೆ ಇದೆ. ಏಕದಿನ ಮತ್ತು ಟಿ20ಯಲ್ಲಿ ತಮ್ಮ ಫಾರ್ಮ್​ನ್ನು ತೋರಿರುವ ಕಿಶನ್​ ಅಂತಿಮ ಟೆಸ್ಟ್​ನಲ್ಲಿ ಡೆಬ್ಯೂ ಮಾಡುತ್ತಾರೆ ಎಂದು ಹೇಳಲಾಗುತ್ತಿದೆ.

ಭಾರತ - ಆಸಿಸ್​ ಮುಖಾಮುಖಿ: ಭಾರತ ಮತ್ತು ಆಸ್ಟ್ರೇಲಿಯಾ (IND VS AUS) ಇದುವರೆಗೆ 105 ಟೆಸ್ಟ್ ಪಂದ್ಯಗಳನ್ನು ಆಡಿದೆ. ಈ ಪಂದ್ಯಗಳಲ್ಲಿ ಆಸ್ಟ್ರೇಲಿಯಾದ ಪ್ರದರ್ಶನ ಅದ್ಭುತವಾಗಿದೆ. ಇದರಲ್ಲಿ ಕಾಂಗರೂ ಪಡೆ 44 ಮತ್ತು ಭಾರತ 32 ಪಂದ್ಯಗಳನ್ನು ಗೆದ್ದಿದೆ. ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 28 ಪಂದ್ಯಗಳು ಡ್ರಾ ಹಾಗೂ ಒಂದು ಪಂದ್ಯ ಟೈ ಆಗಿದೆ. ತವರಿನಲ್ಲಿ ಭಾರತ ಆಡಿದ 50 ಪಂದ್ಯಗಳಲ್ಲಿ 23ರಲ್ಲಿ ಗೆದ್ದಿದೆ. ಆಸಿಸ್​ ಭಾರತದ ನೆಲದಲ್ಲಿ 13 ಪಂದ್ಯದಲ್ಲಿ ಜಯ ಸಾಧಿಸಿದೆ.

ಇದನ್ನೂ ಓದಿ:ನಾಳೆ ಭಾರತ vs ಆಸ್ಟ್ರೇಲಿಯಾ 4ನೇ ಟೆಸ್ಟ್‌: ಇಶಾನ್ ಕಿಶನ್​ ಪದಾರ್ಪಣೆ ಸಾಧ್ಯತೆ