ಮೊದಲ ಟಿ-20 ಪಂದ್ಯ.. ಆಸ್ಟ್ರೇಲಿಯಾಗೆ ಸ್ಪರ್ಧಾತ್ಮಕ ಗುರಿ ನೀಡಿದ ಟೀಂ ಇಂಡಿಯಾ

ರಾಹುಲ್​ ಮತ್ತು ಜಡೇಜಾರನ್ನು ಹೊರತುಪಡಿಸಿದರೆ ನಾಯಕ ವಿರಾಟ್​ ಕೊಹ್ಲಿ (9), ಶಿಖರ್ ಧವನ್ (1), ಮನಿಷ್​ ಪಾಂಡೆ (2), ಸಂಜು ಸ್ಯಾಮ್ಸನ್​ (23), ಹಾರ್ದಿಕ್​ ಪಾಂಡ್ಯ (16) ನೀರಸ ಪ್ರದರ್ಶನ ತೋರಿದರು..

ಕ್ಯಾನ್​ಬೆರಾ :ಇಲ್ಲಿನ ಮಾನುಕ್​ ಓವೆಲ್​​ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಮೊದಲನೇ ಟಿ-20 ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಮಾಡಿದ ಭಾರತ ತಂಡ ಎದುರಾಳಿ ತಂಡಕ್ಕೆ 162 ರನ್​​ಗಳ ಸ್ಪರ್ಧಾತ್ಮಕ ಗುರಿ ನೀಡಿದೆ.

ಆರಂಭಿಕರಾಗಿ ಮೈದಾನಕ್ಕಿಳಿದ ಕೆ ಎಲ್ ರಾಹುಲ್​ ಅರ್ಧಶತಕ ಸಿಡಿಸಿದ್ರೆ (51) ಮತ್ತು ಕೊನೆಯ ಹಂತದಲ್ಲಿ ರವೀಂದ್ರ ಜಡೇಜಾ ಬಿರುಸಿನ ಬ್ಯಾಟಿಂಗ್​ ನಡೆಸಿ ಮಿಂಚಿದರು. ಈ ಮೂಲಕ ಟೀಂ ಇಂಡಿಯಾ 7 ವಿಕೆಟ್​ ನಷ್ಟಕ್ಕೆ 161 ರನ್​ ಪೇರಿಸಿತು.

ರಾಹುಲ್​ ಮತ್ತು ಜಡೇಜಾರನ್ನು ಹೊರತುಪಡಿಸಿದರೆ ನಾಯಕ ವಿರಾಟ್​ ಕೊಹ್ಲಿ (9), ಶಿಖರ್ ಧವನ್ (1), ಮನಿಷ್​ ಪಾಂಡೆ (2), ಸಂಜು ಸ್ಯಾಮ್ಸನ್​ (23), ಹಾರ್ದಿಕ್​ ಪಾಂಡ್ಯ (16) ನೀರಸ ಪ್ರದರ್ಶನ ತೋರಿದರು.

ಇನ್ನು ಮಾರಕ ದಾಳಿ ನಡೆಸಿ ಆಸೀಸ್​ ಬೌಲರ್​​​ಗಳು ಟೀಂ ಇಂಡಿಯಾ ಆಟಗಾರರನ್ನು ಕಟ್ಟಿ ಹಾಕುವಲ್ಲಿ ಯಶಸ್ವಿಯಾದರು. ಮೋಯಿಸ್ ಹೆನ್ರಿಕ್ಸ್​ 3, ಮಿಚೆಲ್​ ಸ್ಟಾರ್ಕ್​ 2, ಜಂಪಾ ಮತ್ತು ಮಿಚೆಲ್​ ಸ್ವೀಪನ್​ ತಲಾ ಒಂದು ವಿಕಟ್​ ಕಬಳಿಸಿದರು.