ODIನಲ್ಲಿ ಒಂದೇ ರಾಷ್ಟ್ರದ ವಿರುದ್ಧ ಅತಿ ಹೆಚ್ಚು ಗೆಲುವು ಪಡೆದ ವಿಶ್ವದಾಖಲೆ ಬರೆದ ಭಾರತ

ಪಾಕಿಸ್ತಾನ ತಂಡ ಶ್ರೀಲಂಕಾ ವಿರುದ್ಧವೇ 92 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ವಿಶ್ವದಾಖಲೆ ಬರೆದಿತ್ತು. ಇದೀಗ ಪಾಕಿಸ್ತಾನ 2ನೇ ಸ್ಥಾನಕ್ಕೆ ಕುಸಿದಿದೆ

ಕೊಲಂಬೊ: ಮಂಗಳವಾರ ನಡೆದ ಶ್ರೀಲಂಕಾ ವಿರುದ್ಧದ 2ನೇ ಏಕದಿನ ಪಂದ್ಯವನ್ನು ಗೆಲ್ಲುವ ಮೂಲಕ ಭಾರತ ತಂಡ ಒಂದೇ ರಾಷ್ಟ್ರದ ವಿರುದ್ಧ ಅತಿ ಹೆಚ್ಚು ಗೆಲುವು ಪಡೆದ ತಂಡ ಎಂಬ ವಿಶ್ವದಾಖಲೆಗೆ ಪಾತ್ರವಾಗಿದೆ.

ಶ್ರೀಲಂಕಾ ನೀಡಿದ 276 ರನ್​ಗಳ ಗುರಿಯನ್ನು ದೀಪಕ್​ ಚಹಾರ್​(69) ಸಹಾಸದಿಂದ ಭಾರತ ಇನ್ನು 5 ಎಸೆತಗಳಿರುವಂತೆ ಗೆದ್ದು ಬೀಗಿತ್ತು. ಇದು ಭಾರತ ತಂಡ ಶ್ರೀಲಂಕಾ ವಿರುದ್ಧ ಪಡೆದ 93ನೇ ಏಕದಿನ ಪಂದ್ಯದ ಗೆಲುವಾಗಿದೆ. ಈ ಮೂಲಕ ಏಕದಿನ ಕ್ರಿಕೆಟ್​ ಇತಿಹಾಸದಲ್ಲಿ ಒಂದೇ ಎದುರಾಳಿಯ ವಿರುದ್ಧ ಗರಿಷ್ಠ ಜಯ ಪಡೆದ ವಿಶ್ವದಾಖಲೆಗೆ ಟೀಮ್ ಇಂಡಿಯಾ ಪಾತ್ರವಾಗಿದೆ.

ಈ ಹಿಂದೆ ಪಾಕಿಸ್ತಾನ ತಂಡ ಶ್ರೀಲಂಕಾ ವಿರುದ್ಧವೇ 92 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ವಿಶ್ವದಾಖಲೆ ಬರೆದಿತ್ತು. ಇದೀಗ ಪಾಕಿಸ್ತಾನ 2ನೇ ಸ್ಥಾನಕ್ಕೆ ಕುಸಿದಿದೆ. 5 ಬಾರಿಯ ವಿಶ್ವಚಾಂಪಿಯನ್ ಆಸ್ಟ್ರೇಲಿಯಾ ಕೂಡ ನ್ಯೂಜಿಲೆಂಡ್ ವಿರುದ್ಧ 92 ಪಂದ್ಯಗಳನ್ನು ಗೆದ್ದು 2ನೇ ಸ್ಥಾನದಲ್ಲಿದೆ. ಅಲ್ಲದೆ ಆಸೀಸ್​ ಇಂಗ್ಲೆಂಡ್​ ವಿರುದ್ಧ 84 , ಭಾರತದ ವಿರುದ್ಧ 80 ಮತ್ತು ವಿಂಡೀಸ್​ ವಿರುದ್ಧ 74 ಗೆಲುವು ಪಡೆದ ದಾಖಲೆಯನ್ನು ಹೊಂದಿದೆ.

ಸತತ 9 ಸರಣಿ ಗೆದ್ದ ಭಾರತ

ಭಾರತ 3 ಪಂದ್ಯಗಳ ಸರಣಿಯನ್ನು 2-0 ಗೆಲ್ಲುತ್ತಿದ್ದಂತೆ ಶ್ರೀಲಂಕಾ ವಿರುದ್ಧ ಸತತ 9ನೇ ಸರಣಿ ಗೆಲುವು ಸಾಧಿಸಿತು. 2005ರಿಂದ 2021ರವರೆಗೆ ಭಾರತ ಆಡಿರುವ 11 ಸರಣಿಗಳಲ್ಲಿ 2006ರಲ್ಲಿ ಮಾತ್ರ ಡ್ರಾ ಸಾಧಿಸಿದ್ದರೆ ಉಳಿದೆಲ್ಲಾ ಸರಣಿಗಳನ್ನು ಭಾರತವೇ ಗೆದ್ದಿದೆ.

ಇದನ್ನು ಓದಿ:ICC Rankings: ಮೂರು ಮಾದರಿಯ ಕ್ರಿಕೆಟ್‌ನಲ್ಲೂ ಅಗ್ರ 5ರಲ್ಲಿರುವ ಏಕಮಾತ್ರ ಬ್ಯಾಟ್ಸ್​ಮನ್ ಕೊಹ್ಲಿ