IND vs SL 1ST Test: ಬ್ಯಾಟಿಂಗ್ ಬಳಿಕ ಬೌಲಿಂಗ್‌ನಲ್ಲೂ ಮಿಂಚಿದ ಜಡೇಜಾ, ಇನ್ನಿಂಗ್ಸ್‌ ಗೆಲುವಿನತ್ತ ಭಾರತ

ಬ್ಯಾಟಿಂಗ್ ಮಾತ್ರವಲ್ಲದೇ ಬೌಲಿಂಗ್​ನಲ್ಲೂ ಜಡೇಜಾ ಕಮಾಲ್ ಮಾಡಿದ್ದಾರೆ. ಪರಿಣಾಮ, 174 ರನ್ ಗಳಿಸಿ ಆಲ್​ಔಟ್ ಆಗಿದ್ದ ಶ್ರೀಲಂಕಾ ಫಾಲೋ ಆನ್​ ಕಾರಣದಿಂದ ಮತ್ತೆ ಬ್ಯಾಟಿಂಗ್ ಆರಂಭಿಸಿದ್ದು, ಇನ್ನಿಂಗ್ಸ್‌ ಸೋಲಿನ ಸುಳಿಯಲ್ಲಿದೆ.

ಮೊಹಾಲಿ(ಪಂಜಾಬ್): ಶ್ರೀಲಂಕಾ ಎದುರಿನ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ ಅತ್ಯದ್ಭುತ ಪ್ರದರ್ಶನ ತೋರುತ್ತಿದೆ.

ಮೊದಲ ಇನ್ನಿಂಗ್ಸ್​ನಲ್ಲಿ ರವೀಂದ್ರ ಜಡೇಜಾ ಅಜೇಯ 175 ರನ್​ಗಳ ಗಳಿಸಿದ್ದು ಟೀಂ ಇಂಡಿಯಾ ಬರೋಬ್ಬರಿ 574 ರನ್​ಗೆ ಡಿಕ್ಲೇರ್ ಘೋಷಿಸಿ ಬೃಹತ್ ಮೊತ್ತ ಕಲೆಹಾಕಿತು. ಮೊದಲ ಇನ್ನಿಂಗ್ಸ್​ನಲ್ಲಿ 65 ಓವರ್​ನಲ್ಲಿ 174 ರನ್ ಗಳಿಸಿದ ಶ್ರೀಲಂಕಾ ಆಲ್​ಔಟ್ ಆಗಿದೆ. ಬ್ಯಾಟಿಂಗ್ ಮಾತ್ರವಲ್ಲದೇ ಬೌಲಿಂಗ್​ನಲ್ಲೂ ರವೀಂದ್ರ ಜಡೇಜಾ ಕಮಾಲ್ ಮಾಡಿ 5 ವಿಕೆಟ್ ಕಬಳಿಸಿದರು.

ಈಗ ಟೀಂ ಇಂಡಿಯಾ ಫಾಲೋ ಆನ್ ಹೇರಿದ ಕಾರಣದಿಂದಾಗಿ ಮತ್ತೆ ಬ್ಯಾಟಿಂಗ್ ಆರಂಭಿಸಿರುವ ಶ್ರೀಲಂಕಾ 10 ರನ್​ಗೆ ಒಂದು ವಿಕೆಟ್​ ಕಳೆದುಕೊಂಡು 381 ರನ್‌ ಹಿನ್ನಡೆ ಅನುಭವಿಸಿದೆ.

ಇದನ್ನೂ ಓದಿ:ಮಹಿಳಾ ವಿಶ್ವಕಪ್‌: ಪೂಜಾ ವಸ್ತ್ರಾಕರ್, ಸ್ನೇಹ್ ರಾಣಾ ಉತ್ತಮ ಬ್ಯಾಟಿಂಗ್; ಪಾಕ್‌ಗೆ 245 ರನ್‌ ಗುರಿ