ಬಾಕ್ಸಿಂಗ್ ಡೇ ಟೆಸ್ಟ್​ ಗೆಲ್ಲಲು ಕೊನೆಯ ದಿನ ಭಾರತಕ್ಕೆ ಬೇಕು 6 ವಿಕೆಟ್

4ನೇ ದಿನ ಭಾರತ ತಂಡ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 174 ರನ್​ಗಳಿಗೆ ಆಲೌಟ್ ಆಯಿತು. ರಿಷಭ್ ಪಂತ್ 34 ರನ್​ಗಳಿಸಿದರೆ, ರಹಾನೆ 20, ಕೊಹ್ಲಿ 18, ರಾಹುಲ್ 23, ಪೂಜಾರ 16, ಅಶ್ವಿನ್​ 14 ರನ್​ಗಳಿಸಿದ್ದರು. ಆದರೆ 130 ರನ್​ಗಳ ಮೊದಲ ಇನ್ನಿಂಗ್ಸ್​ ಮುನ್ನಡೆ ಸಹಿತ 305 ರನ್​ಗಳ ಕಠಿಣ ಗುರಿ ನೀಡಿತ್ತು.

ಸೆಂಚುರಿಯನ್​: ಭಾರತ ನೀಡಿರುವ 305 ರನ್​ಗಳ ಕಠಿಣ ಗುರಿ ಬೆನ್ನಟ್ಟಿರುವ ಆತಿಥೇಯ ದಕ್ಷಿಣ ಆಫ್ರಿಕಾ ತಂಡ 4ನೇ ದಿನ 94 ರನ್​ಗಳಿಗೆ 4 ವಿಕೆಟ್ ಕಳೆದುಕೊಂಡಿದೆ. ಕೊನೆಯ ದಿನ ಎರಡೂ ತಂಡಕ್ಕೂ ನಿರ್ಣಾಯಕವಾಗಿದ್ದು, ಭಾರತಕ್ಕೆ ಗೆಲ್ಲಲು 6 ವಿಕೆಟ್ ಅಗತ್ಯವಿದ್ದರೆ, ದಕ್ಷಿಣ ಆಫ್ರಿಕಾಗೆ 211 ರನ್​ಗಳ ಅಗತ್ಯವಿದೆ.

4ನೇ ದಿನ ಭಾರತ ತಂಡ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 174 ರನ್​ಗಳಿಗೆ ಆಲೌಟ್ ಆಯಿತು. ರಿಷಭ್ ಪಂತ್ 34 ರನ್​ಗಳಿಸಿದರೆ, ರಹಾನೆ 20, ಕೊಹ್ಲಿ 18, ರಾಹುಲ್ 23, ಪೂಜಾರ 16, ಅಶ್ವಿನ್​ 14 ರನ್​ಗಳಿಸಿದ್ದರು. ಆದರೆ, 130 ರನ್​ಗಳ ಮೊದಲ ಇನ್ನಿಂಗ್ಸ್​ ಮುನ್ನಡೆ ಸಹಿತ 305 ರನ್​ಗಳ ಕಠಿಣ ಗುರಿ ನೀಡಿತ್ತು.

ಕಗಿಸೊ ರಬಾಡ 42ಕ್ಕೆ 4, ಮಾರ್ಕೊ ಜಾನ್ಸನ್​ 55ಕ್ಕೆ 4, ಲುಂಗಿ ಎಂಗುಡಿ 31ಕ್ಕೆ 2 ವಿಕೆಟ್ ಪಡೆದಿದ್ದರು. 305 ರನ್​ಗಳ ಗುರಿ ಬೆನ್ನಟ್ಟಿದ ಅತಿಥೇಯ ತಂಡಕ್ಕೆ ವೇಗಿ ಮೊಹಮ್ಮದ್ ಶಮಿ 2ನೇ ಓವರ್​ನಲ್ಲೇ ಐಡೆನ್ ಮಾರ್ಕ್ರಮ್(1) ವಿಕೆಟ್ ಪಡೆದು ಆಘಾತ ನೀಡಿದರು. ಯುವ ವೇಗಿ ಮೊಹಮ್ಮದ್ ಸಿರಾಜ್ ತಮ್ಮ ಮೊದಲ ಸ್ಪೆಲ್​ನಲ್ಲಿ 36 ಎಸೆತಗಳಲ್ಲಿ 17 ರನ್​ಗಳಿಸಿದ್ದ ಕೀಗನ್ ಪೀಟರ್ಸನ್​ ವಿಕೆಟ್ ಪಡೆಯುವ ಮೂಲಕ ಮತ್ತೊಂದು ಆಘಾತ ನೀಡಿದರು.

ಇದನ್ನೂ ಓದಿ:2021ರ ಟಾಪ್ ಸ್ಕೋರರ್:​ ಟೆಸ್ಟ್, ಟಿ-20ಯಲ್ಲಿ ರೋಹಿತ್, ಏಕದಿನದಲ್ಲಿ ಶಿಖರ್ ಧವನ್​ಗೆ ಅಗ್ರಸ್ಥಾನ

ಆದರೆ, ಈ ಹಂತರದಲ್ಲಿ ಒಂದಾದ ನಾಯಕ ಡೀನ್ ಎಲ್ಗರ್​(52) ಮತ್ತು ವ್ಯಾನ್ ಡರ್​ ಡಾಸೆನ್ 3ನೇ ವಿಕೆಟ್​ ಜೊತೆಯಾಟದಲ್ಲಿ 22.3 ಓವರ್​ಗಳನ್ನಾಡಿ 40 ರನ್​ ಸೇರಿಸಿ ಭಾರತೀಯರನ್ನು ಸ್ವಲ್ಪ ಸಮಯ ಸತಾಯಿಸಿದ್ದರು. ಆದರೆ, ಈ ಹಂತದಲ್ಲಿ ತಮ್ಮ ಎರಡನೇ ಸ್ಪೆಲ್​ ಎಸೆಯಲು ಬಂದ ಬುಮ್ರಾ ಡಾಸನ್​(11)ರನ್ನು ಮತ್ತು ನೈಟ್​ ವಾಚ್​ಮನ್ ಆಗಿರಲು ಕ್ರೀಸ್​ಗೆ ಬಂದಿದ್ದ ಕೇಶವ್ ಮಹಾರಾಜ್(8)​ರನ್ನ ಕ್ಲೀನ್​ ಬೌಲ್ಡ್​ ಮಾಡಿದರು.

4ನೇ ದಿನದಾಟದಂತ್ಯಕ್ಕೆ 40.5 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ದಕ್ಷಿಣ ಆಫ್ರಿಕಾ 94 ರನ್​ಗಳಿಸಿದೆ. ನಾಯಕ ಡೀನ್​ 3 ಎಲ್ಗರ್​ 122 ಎಸೆತಗಳಲ್ಲಿ 7 ಬೌಂಡರಿ ಸಹಿತ 52 ರನ್​ಗಳಿಸಿ ಕೊನೆಯ ದಿನಕ್ಕೆ ಬ್ಯಾಟಿಂಗ್ ಉಳಿಸಿಕೊಂಡಿದ್ದಾರೆ.

ಇದನ್ನೂ ಓದಿ:ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ ಜಯ ಕಟ್ಟಿಟ್ಟ ಬುತ್ತಿ ಎನ್ನುತ್ತಿವೆ ಈ ಹಿಂದಿನ ದಾಖಲೆಗಳು!