ಸೂರ್ಯಕುಮಾರ್ ಅರ್ಧ ಶತಕ: ವಿಂಡೀಸ್​ಗೆ 238 ರನ್​ಗಳ ಸಾಧಾರಣ ಗುರಿ ನೀಡಿದ ಭಾರತ

ವೆಸ್ಟ್​ ಇಂಡೀಸ್​ ವಿರುದ್ಧದ 2ನೇ ಏಕದಿನ ಪಂದ್ಯಲ್ಲಿ ಸೂರ್ಯಕುಮಾರ್ ಯಾದವ್ ಮತ್ತು ಉಪನಾಯಕ ಕೆಎಲ್ ರಾಹುಲ್​ ಅವರು ಅತ್ಯುತ್ತಮ ಬ್ಯಾಟಿಂಗ್ ಹೊರತಾಗಿಯೂ ಭಾರತ ತಂಡ ಕೇವಲ 137 ರನ್​ಗಳಿಸಲು ಮಾತ್ರ ಶಕ್ತವಾಗಿದೆ.

ಅಹ್ಮದಾಬಾದ್​: ವೆಸ್ಟ್​ ಇಂಡೀಸ್​ ವಿರುದ್ಧದ 2ನೇ ಏಕದಿನ ಪಂದ್ಯಲ್ಲಿ ಸೂರ್ಯಕುಮಾರ್ ಯಾದವ್ ಅವರ ಅರ್ಧಶತಕದ ನೆರವಿನಿಂದ ಭಾರತ ತಂಡ ಎದುರಾಳಿಗೆ 234 ರನ್​ಗಳ ಸಾಧಾರಣ ಗುರಿ ನೀಡಿದೆ.

ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ 2ನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡ ಬ್ಯಾಟಿಂಗ್ ವೈಫಲ್ಯಕ್ಕೆ ಒಳಗಾಯಿತು. ಕೇವಲ 43 ರನ್​ಗಳಿಸುವಷ್ಟರಲ್ಲಿ ನಾಯಕ ರೋಹಿತ್ ಶರ್ಮಾ(5), ರಿಷಭ್​ಪಂತ್ (18) ಮತ್ತು ವಿರಾಟ್​ ಕೊಹ್ಲಿ(18) ರನ್​ಗಳಿಸಿ ವಿಕೆಟ್​ ಒಪ್ಪಿಸಿದರು.

ಸಂಕಷ್ಟದ ಪರಿಸ್ಥಿತಿಯಲ್ಲಿ ಒಂದಾದ ಕೆಎಲ್ ರಾಹುಲ್​ ಮತ್ತು ಸೂರ್ಯಕುಮಾರ್ ಯಾದವ್​ 4ನೇ ವಿಕೆಟ್ ಜೊತೆಯಾಟದಲ್ಲಿ 91 ರನ್​ಗಳ ಜೊತೆಯಾಟ ನೀಡಿದರು. 48 ಎಸೆತಗಳಲ್ಲಿ 4 ಬೌಂಡರಿ ಮತ್ತು 2 ಸಿಕ್ಸರ್​ ಸಹಿತ 49 ರನ್​ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ರಾಹುಲ್ 2 ರನ್​ ಕದಿಯುವ ಯತ್ನದಲ್ಲಿ​ ರನ್​ಔಟ್​ ಆದರು.

ರಾಹುಲ್​ ವಿಕೆಟ್​ ಪತನದೊಂದಿಗೆ ಭಾರತದ ಬೃಹತ್​ ಮೊತ್ತದ ಕನಸು ಕೂಡ ನುಚ್ಚುನೂರಾಯಿತು. ಸೂರ್ಯಕುಮಾರ್ ಯಾದವ್​ 83 ಎಸೆತಗಳಲ್ಲಿ 5 ಬೌಂಡರಿ ಸಹಿತ 64, ವಾಷಿಂಗ್ಟನ್​ ಸುಂದರ್​ 41 ಎಸೆತಗಳಲ್ಲಿ 24 , ದೀಪಕ್​ ಹೂಡ 25 ಎಸೆತಗಳಲ್ಲಿ 29, ಚಹಲ್​ ಅಜೇಯ 11 ರನ್​ಗಳಿಸಿದರು.

ವಿಂಡೀಸ್​ ಪರ ಅಲ್ಜಾರಿ ಜೋಶಫ್ 36ಕ್ಕೆ2, ಒಡೆನ್ ಸ್ಮಿತ್ 29ಕ್ಕೆ 2, ಕೆಮರ್​ ರೋಚ್​, ಅಲೆನ್​, ಹೋಲ್ಡರ್​ ಮತ್ತು ಹೊಸೇನ್​ ತಲಾ ಒಂದು ವಿಕೆಟ್​ ಪಡೆದು ಭಾರತವನ್ನು ಸಾಧಾರಣ ಮೊತ್ತಕ್ಕೆ ನಿಯಂತ್ರಿಸಿದರು.

ಇದನ್ನೂ ಓದಿ:ನಾಯಕತ್ವದಲ್ಲಿ ಧೋನಿ ಮಾರ್ಗ ಅನುಸರಿಸಿ ವಿಫಲರಾದ ರೋಹಿತ್ ಶರ್ಮಾ