ಐತಿಹಾಸಿಕ 1000ನೇ ODIಕ್ಕಾಗಿ ಸಜ್ಜುಗೊಂಡ ಟೀಂ ಇಂಡಿಯಾ.. ಕ್ರಿಕೆಟ್ ದೇವರು ಸಚಿನ್ ಹೇಳಿದ್ದೇನು?

1974ರಲ್ಲಿ ಇಂಗ್ಲೆಂಡ್ ವಿರುದ್ಧ ಮೊದಲ ಏಕದಿನ ಪಂದ್ಯವನ್ನಾಡಿದ್ದ ಟೀಂ ಇಂಡಿಯಾ ಇದೀಗ ಸಾವಿರನೇ ಪಂದ್ಯವನ್ನಾಡುತ್ತಿದ್ದು, 958 ಪಂದ್ಯಗಳನ್ನಾಡಿರುವ ಆಸ್ಟ್ರೇಲಿಯಾ ಎರಡನೇ ಸ್ಥಾನ, 936 ಪಂದ್ಯಗಳನ್ನಾಡಿರುವ ಪಾಕ್​ ಮೂರನೇ ಸ್ಥಾನ, 870 ಪಂದ್ಯಗಳನ್ನಾಡಿರುವ ಶ್ರೀಲಂಕಾ 4ನೇ ಸ್ಥಾನದಲ್ಲಿವೆ..

ಅಹ್ಮದಾಬಾದ್​(ಗುಜರಾತ್​) :ರೋಹಿತ್​ ಶರ್ಮಾ ನೇತೃತ್ವದ ಟೀಂ ಇಂಡಿಯಾ ವೆಸ್ಟ್​ ಇಂಡೀಸ್ ವಿರುದ್ಧ ಭಾನುವಾರ ಐತಿಹಾಸಿಕ 1000ನೇ ಏಕದಿನ ಪಂದ್ಯವನ್ನಾಡಲು ಸಜ್ಜಾಗಿದೆ. ಈ ಮೂಲಕ ಇಷ್ಟೊಂದು ಪಂದ್ಯಗಳನ್ನಾಡಿರುವ ವಿಶ್ವದ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.

ಗುಜರಾತ್​ನ ಅಹ್ಮದಾಬಾದ್​​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಐತಿಹಾಸಿಕ ಸಾವಿರನೇ ಪಂದ್ಯ ನಡೆಯಲಿದೆ. 48 ವರ್ಷಗಳ ಬಳಿಕ ಸಾವಿರ ಪಂದ್ಯ ಆಡಲು ಟೀಂ ಇಂಡಿಯಾ ಸಜ್ಜಾಗಿದೆ. ಐತಿಹಾಸಿಕ ಮೈಲುಗಲ್ಲು ಸೃಷ್ಟಿ ಮಾಡಲು ಸಜ್ಜುಗೊಂಡಿರುವ ಟೀಂ ಇಂಡಿಯಾ ಶುಭಾಶಯ ತಿಳಿಸಿರುವ ಮಾಸ್ಟರ್​ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್​, 1000ನೇ ಏಕದಿನ ಪಂದ್ಯ ಆಡುತ್ತಿರುವುದು ಒಂದು ದೊಡ್ಡ ಮೈಲಿಗಲ್ಲು.

ಭಾರತದ ಪರ ಕ್ರಿಕೆಟ್​ ಆಡಿರುವ ಪ್ಲೇಯರ್ಸ್​​​, ಮಂಡಳಿ ಸದಸ್ಯರಿಂದ ಮಾತ್ರ ಇಂತಹ ಸಾಧನೆ ಸಾಧ್ಯವಾಗಿದೆ. ಈ ವೇಳೆ ಭಾರತೀಯ ಕ್ರಿಕೆಟ್​ ತಂಡದ ಹಿತೈಷಿ ಮರೆಯಲು ಸಾಧ್ಯವಿಲ್ಲ ಎಂದಿದ್ದಾರೆ.

ಇದು ನಮ್ಮೆಲ್ಲರ ಸಾಧನೆಯಾಗಿದ್ದು, ಇಡೀ ರಾಷ್ಟ್ರ ಹೆಮ್ಮೆ ಪಡಬೇಕು. ಮುಂಬರುವ ಸರಣಿ ಹಾಗೂ 1000ನೇ ಪಂದ್ಯಕ್ಕಾಗಿ ನಾನು ತಂಡಕ್ಕೆ ಶುಭ ಹಾರೈಕೆ ಮಾಡುತ್ತೇನೆ ಎಂದು ತೆಂಡೂಲ್ಕರ್ ಹೇಳಿದ್ದಾರೆ.

ವೆಸ್ಟ್​ ಇಂಡೀಸ್ ವಿರುದ್ಧ ನಡೆಯಲಿರುವ ಮೂರು ಏಕದಿನ ಪಂದ್ಯಗಳಿಗೆ ಕ್ರೀಡಾಭಿಮಾನಿಗಳಿಗೆ ಅವಕಾಶ ನೀಡಿಲ್ಲ. ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಈ ಪಂದ್ಯಗಳು ನಡೆಯಲಿವೆ. ಈಗಾಗಲೇ ಉಭಯ ತಂಡಗಳು ಮೈದಾನದಲ್ಲಿ ಅಭ್ಯಾಸ ಆರಂಭ ಮಾಡಿವೆ.

1974ರಲ್ಲಿ ಇಂಗ್ಲೆಂಡ್ ವಿರುದ್ಧ ಮೊದಲ ಏಕದಿನ ಪಂದ್ಯವನ್ನಾಡಿದ್ದ ಟೀಂ ಇಂಡಿಯಾ ಇದೀಗ ಸಾವಿರನೇ ಪಂದ್ಯವನ್ನಾಡುತ್ತಿದ್ದು, 958 ಪಂದ್ಯಗಳನ್ನಾಡಿರುವ ಆಸ್ಟ್ರೇಲಿಯಾ ಎರಡನೇ ಸ್ಥಾನ, 936 ಪಂದ್ಯಗಳನ್ನಾಡಿರುವ ಪಾಕ್​ ಮೂರನೇ ಸ್ಥಾನ, 870 ಪಂದ್ಯಗಳನ್ನಾಡಿರುವ ಶ್ರೀಲಂಕಾ 4ನೇ ಸ್ಥಾನದಲ್ಲಿವೆ.

ವಿಶೇಷವೆಂದರೆ ಟೀಂ ಇಂಡಿಯಾ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್​ ಭಾರತದ ಪರ 200,300,400,500,600,700 ಮತ್ತು 800ನೇ ಪಂದ್ಯಗಳಲ್ಲಿ ಆಡಿದ್ದರು ಎಂಬುದು ಗಮನಾರ್ಹ ಸಂಗತಿ. ಸಾವಿರ ಪಂದ್ಯಗಳನ್ನಾಡಲು ಸಜ್ಜಾಗಿರುವ ಟೀಂ ಇಂಡಿಯಾ ಪರ 26 ನಾಯಕರು ತಂಡ ಮುನ್ನಡೆಸಿದ್ದು, 242 ಪ್ಲೇಯರ್ಸ್​ ಭಾರತದ ಪರ ಏಕದಿನ ಪಂದ್ಯಗಳನ್ನಾಡಿದ್ದಾರೆ.