Eng vs Ind 4th Test: 146 ರನ್‌ಗಳಿಗೆ 6 ವಿಕೆಟ್​ ಕಳೆದುಕೊಂಡು ಸೋಲಿನ ಸುಳಿಯಲ್ಲಿ ಇಂಗ್ಲೆಂಡ್!

ಟೀಂ ಇಂಡಿಯಾ ವಿರುದ್ಧ ನಡೆಯುತ್ತಿರುವ 4ನೇ ಟೆಸ್ಟ್​ ಪಂದ್ಯದ ಕೊನೆಯ ದಿನವಾದ ಇಂದು ಇಂಗ್ಲೆಂಡ್​ ನಿಧಾನಗತಿ ಬ್ಯಾಟಿಂಗ್ ಮೊರೆ ಹೋಗಿದ್ದು, 6 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೊಳಗಾಗಿದೆ.

ಓವಲ್​(ಲಂಡನ್​):ಆತಿಥೇಯ ಇಂಗ್ಲೆಂಡ್​ ವಿರುದ್ಧ ನಡೆಯುತ್ತಿರುವ 4ನೇ ಟೆಸ್ಟ್​​ ಪಂದ್ಯದ ಕೊನೆಯ ದಿನವಾಗಿರುವ ಇಂದು ಭಾರತ ಗೆಲುವಿನ ಸನಿಹ ಬಂದು ತಲುಪಿದೆ. ಭೋಜನ ವಿರಾಮದ ವೇಳೆಗೆ 2 ವಿಕೆಟ್​ ಕಳೆದುಕೊಂಡಿದ್ದ ಇಂಗ್ಲೆಂಡ್​ ಇದೀಗ 6 ವಿಕೆಟ್‌ ನಷ್ಟಕ್ಕೆ 147 ರನ್​ಗಳಿಕೆ ಮಾಡಿದೆ.

60ರನ್​ಗಳಿಸಿರುವ ಆರಂಭಿಕ ಆಟಗಾರ ಬರ್ನ್ಸ್​​

ಯಾವುದೇ ವಿಕೆಟ್​ ನಷ್ಟವಿಲ್ಲದೇ ನಿನ್ನೆ 77 ರನ್​ಗಳಿಕೆ ಮಾಡಿದ್ದ ಇಂಗ್ಲೆಂಡ್ ಇಂದು ತನ್ನ ಬ್ಯಾಟಿಂಗ್ ಮುಂದುವರೆಸಿತು. ಆರಂಭಿಕರಾದ ರೋರಿ ಬರ್ನ್ಸ್​​​ 50 ರನ್​ ಹಾಗೂ ಡೇವಿಡ್ ಮಲನ್​ 5 ರನ್​ಗಳಿಕೆ ಮಾಡಿ ವಿಕೆಟ್​ ಒಪ್ಪಿಸಿದರು. ಬರ್ನ್ಸ್​​ ವಿಕೆಟ್​ ಪಡೆದುಕೊಳ್ಳುವಲ್ಲಿ ಶಾರ್ದೂಲ್ ಠಾಕೂರ್ ಯಶಸ್ವಿಯಾಗಿದ್ದು, ಮಲನ್​ ರನೌಟ್ ಬಲೆಗೆ ಬಿದ್ದರು. ಇದಾದ ಬಳಿಕ ಡೇವಿಡ್ ಮಲನ್ ರನೌಟ್‌ ಹಾಗೂ ಒಲ್ಲಿ ಪೋಪ್‌(0) ಬೂಮ್ರಾಗೆ ವಿಕೆಟ್ ಒಪ್ಪಿಸಿದರು.

ಬೋಜನದ ಬೆನ್ನಲ್ಲೇ ಟೀಂ ಇಂಡಿಯಾ ಮೇಲುಗೈ

ಬೋಜನ ವಿರಾಮದ ವೇಳೆಗೆ ಎರಡು ವಿಕೆಟ್ ಕಳೆದುಕೊಂಡು ಸುಭದ್ರ ಸ್ಥಿತಿಯಲ್ಲಿದ್ದ ಇಂಗ್ಲೆಂಡ್​ಗೆ ಟೀಂ ಇಂಡಿಯಾ ಆಘಾತ ನೀಡಿತು. ಲಂಚ್‌ಬ್ರೇಕ್​ ಬಳಿಕ ಮೈದಾನಕ್ಕೆ ಬಂದ ಹಮೀದ್​ 63 ರನ್​, ಪೋಪ್​​ 2ರನ್​ ಹಾಗೂ ಬೈರ್​​ಸ್ಟೋವ್​​​​ 0 ಹಾಗೂ ಮೊಯಿನ್​ ಅಲಿ 0 ವಿಕೆಟ್​ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಯಿತು.

ಟೀಂ ಇಂಡಿಯಾ ಗೆಲುವಿಗೆ 8 ವಿಕೆಟ್​ ಅವಶ್ಯ

ಹಮೀದ್, ಮೊಯಿನ್​​ ವಿಕೆಟ್​ ಜಡೇಜಾ ಕಿತ್ತರೆ, ಪೂಪ್ ಹಾಗೂ ಬೈರ್​ಸ್ಟೋವ್ ವಿಕೆಟ್​ ಪಡೆದುಕೊಳ್ಳುವಲ್ಲಿ ಬಮ್ರಾ ಯಶಸ್ವಿಯಾದರು. ಸದ್ಯ ತಂಡ 147ರನ್​​ಗಳಿಗೆ 6 ವಿಕೆಟ್​ ಕಳೆದುಕೊಂಡಿದ್ದು, ಗೆಲುವಿಗೆ 221ರನ್​ಗಳ ಅವಶ್ಯಕತೆ ಇದೆ.

​​​ಇಂಗ್ಲೆಂಡ್​ ವಿರುದ್ಧದ 4ನೇ ಟೆಸ್ಟ್​​​ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್​​ನಲ್ಲಿ ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿದ್ದ ಟೀಂ ಇಂಡಿಯಾ ಎರಡನೇ ಇನ್ನಿಂಗ್ಸ್​​ನಲ್ಲಿ ಅದ್ಭುತವಾಗಿ ಕಮ್​ಬ್ಯಾಕ್ ಮಾಡಿದ್ದು, 466 ರನ್​ಗಳಿಕೆ ಮಾಡಿದೆ. ತಂಡದ ಪರ ರೋಹಿತ್ ಶರ್ಮಾ 127 ಹಾಗೂ ಶಾರ್ದೂಲ್ ಠಾಕೂರ್​​ 60, ರಿಷಭ್ ಪಂತ್​ 50 ರನ್​ಗಳಿಕೆ ಮಾಡಿದ್ದಾರೆ.

ಐದು ಟೆಸ್ಟ್​ ಪಂದ್ಯಗಳ ಸರಣಿಯಲ್ಲಿ ಉಭಯ ತಂಡಗಳು ಈಗಾಗಲೇ 1-1 ಅಂತರದಲ್ಲಿ ಸಮಬಲ ಸಾಧಿಸಿದ್ದು, ಇಂದು ಗೆಲ್ಲುವ ತಂಡ ಮೇಲುಗೈ ಸಾಧಿಸಲಿದೆ.