ಭಾರತ ವನಿತೆಯೆ ಕ್ರಿಕೆಟ್ ತಂಡ ಇಂಗ್ಲೆಂಡ್ ವನಿತೆಯರನ್ನು ಅವರದ್ದೇ ನೆಲದಲ್ಲಿ ಸೋಲಿಸಿ ಏಕದಿನ ಸರಣಿಯನ್ನು 3-0 ಯಿಂದ ವೈಟ್ವಾಷ್ ಮಾಡಿ ಐತಿಹಾಸಿಕ ದಾಖಲೆ ಮಾಡಿದೆ. ಮೂರನೇ ಏಕದಿನ ಪಂದ್ಯದಲ್ಲಿ ಕೊನೆಯಲ್ಲಿ ಭಾರತದ ದೀಪ್ತಿ ಶರ್ಮಾ ಅವರು ಇಂಗ್ಲೆಂಡ್ ಆಟಗಾರ್ತಿಯನ್ನು ಮಂಕಡಿಂಗ್ ಮೂಲಕ ಔಟ್ ಮಾಡಿರುವುದು ಭಾರೀ ಚರ್ಚೆ ನಡೆದಿರುವ ಮಧ್ಯೆಯೇ ತಾನಿಯಾ ಭಾಟಿಯಾ ಅವರ ಹೋಟೆಲ್ ಕೊಠಡಿಯಿಂದ ಬ್ಯಾಗ್ ಕದ್ದಿರುವ ಘಟನೆ ನಡೆದಿದೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ತಾನಿಯಾ ಭಾಟಿಯಾ, "ನಾನು ಉಳಿದುಕೊಂಡಿದ್ದ ಲಂಡನ್ನ ಮ್ಯಾರಿಯಟ್ ಹೋಟೆಲ್ನ ಕೊಠಡಿಗೆ ಯಾರೋ ನುಗ್ಗಿ ನಗದು ಹಣ, ಕಾರ್ಡ್‌ಗಳು, ಕೈಗಡಿಯಾರಗಳು ಮತ್ತು ಆಭರಣಗಳಿರುವ ನನ್ನ ಬ್ಯಾಗ್ ಅನ್ನು ಕದ್ದಿದ್ದಾರೆ. ಎಂಥಾ ಅಸುರಕ್ಷಿತ ಸ್ಥಳ ಎಂದು ಹೋಟೆಲ್ ಅನ್ನು ಟ್ಯಾಗ್ ಮಾಡಿದ್ದಾರೆ.