ಕನ್ನಡಿಗ ರಾಹುಲ್​ ವಿಕೆಟ್​ ಪಡೆದು ಅನಿಲ್​ ಕುಂಬ್ಳೆ ದಾಖಲೆ ಬ್ರೇಕ್​ ಮಾಡಿದ ಆ್ಯಂಡರ್ಸನ್​!

ಭಾರತ ತಂಡದ ವಿರುದ್ಧ ಮೊದಲ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ 4ವಿಕೆಟ್ ಪಡೆದುಕೊಂಡು ಮಿಂಚಿರುವ ವೇಗಿ ಆ್ಯಂಡರ್ಸನ್​ ಹೊಸದೊಂದು ದಾಖಲೆ ನಿರ್ಮಾಣ ಮಾಡಿದ್ದಾರೆ.

ನ್ಯಾಟಿಂಗ್​ಹ್ಯಾಮ್​:ಪ್ರವಾಸಿ ಭಾರತ ಹಾಗೂ ಆತಿಥೇಯ ಇಂಗ್ಲೆಂಡ್ ನಡುವೆ ಮೊದಲ ಟೆಸ್ಟ್​ ಪಂದ್ಯ ನಡೆಯುತ್ತಿದ್ದು, ಮೊದಲ ಇನ್ನಿಂಗ್ಸ್​​ನಲ್ಲಿ ಆಂಗ್ಲರ ಪಡೆ 95ರನ್​ಗಳ ಹಿನ್ನಡೆ ಅನುಭವಿಸಿದೆ. ಇದರ ಮಧ್ಯೆ ವೇಗದ ಬೌಲರ್​​ ಜೆಮ್ಸ್​​ ಆ್ಯಂಡರ್​ಸನ್​​(James Anderson) ಹೊಸ ದಾಖಲೆ ನಿರ್ಮಿಸಿದ್ದು, ಕನ್ನಡಿಗ ಅನಿಲ್​ ಕುಂಬ್ಳೆ ಹೆಸರಿನಲ್ಲಿದ್ದ ರೆಕಾರ್ಡ್​ ಬ್ರೇಕ್ ಮಾಡಿದ್ದಾರೆ.

ಮೊದಲ ಇನ್ನಿಂಗ್ಸ್​ನಲ್ಲಿ ಚೇತೇಶ್ವರ್​ ಪೂಜಾರಾ ಹಾಗೂ ವಿರಾಟ್​ ಕೊಹ್ಲಿ ವಿಕೆಟ್ ಪಡೆದುಕೊಂಡು ಟೀಂ ಇಂಡಿಯಾ ಮಾಜಿ ಆಟಗಾರ ಅನಿಲ್​ ಕುಂಬ್ಳೆ ದಾಖಲೆ ಸರಿಗಟ್ಟಿದ್ದ 39 ವರ್ಷದ ಆ್ಯಂಡರ್ಸನ್​ ಇದೀಗ ಕನ್ನಡಿಗನಾದ ಕೆ.ಎಲ್​. ರಾಹುಲ್​ ವಿಕೆಟ್​ ಪಡೆದುಕೊಳ್ಳುವ ಮೂಲಕ ಅವರ ದಾಖಲೆ ಬ್ರೇಕ್​ ಮಾಡಿದ್ದಾರೆ.

ನ್ಯಾಟಿಂಗ್​ಹ್ಯಾಮ್​ನಲ್ಲಿ ನಡೆದ ಮೊದಲ ಟೆಸ್ಟ್​​ ಪಂದ್ಯದ ಮೊದಲ ಇನ್ನಿಂಗ್ಸ್​​ನಲ್ಲಿ ನಾಲ್ಕು ವಿಕೆಟ್​ ಪಡೆದುಕೊಂಡು ಮಿಂಚಿರುವ ಆ್ಯಂಡರ್ಸನ್​​​ ಟೆಸ್ಟ್​ ಕ್ರಿಕೆಟ್​ನಲ್ಲಿ ಗರಿಷ್ಠ ವಿಕೆಟ್​ ಪಡೆದ ಪಟ್ಟಿಯಲ್ಲಿ ಕನ್ನಡಿಗ ಹಾಗೂ ಭಾರತದ ಮಾಜಿ ಸ್ಪಿನ್ನರ್​ ಅನಿಲ್ ಕುಂಬ್ಳೆ ದಾಖಲೆ ಮುರಿದಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್​​ 800 ವಿಕೆಟ್ ಪಡೆದುಕೊಂಡು ಮೊದಲ ಸ್ಥಾನದಲ್ಲಿದ್ದರೆ, ಶೇನ್​ ವಾರ್ನ್​​​ 708 ವಿಕೆಟ್​ನೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. 620 ವಿಕೆಟ್​ ಪಡೆದುಕೊಂಡಿರುವ ಆ್ಯಂಡರ್ಸನ್​​ ಮೂರನೇ ಸ್ಥಾನಕ್ಕೆ ಲಗ್ಗೆ ಹಾಕಿದ್ದಾರೆ. ಟೀಂ ಇಂಡಿಯಾದ ಅನಿಲ್​ ಕುಂಬ್ಳೆ 619 ವಿಕೆಟ್​ಗಳೊಂದಿಗೆ 4ನೇ ಸ್ಥಾನ ಹಾಗೂ 563 ವಿಕೆಟ್​ ಕಿತ್ತಿರುವ ಗ್ಲೇನ್​ ಮೆಗ್ರಾತ್​ 5ನೇ ಸ್ಥಾನದಲ್ಲಿದ್ದಾರೆ.

ಇನ್ನು ಟೀಂ ಇಂಡಿಯಾ ಪರ ತವರು ನೆಲದಲ್ಲೇ ಆ್ಯಂಡರ್​ಸನ್​ ಅತಿ ಹೆಚ್ಚು ವಿಕೆಟ್​ ಪಡೆದುಕೊಂಡಿರುವ ದಾಖಲೆ ಸಹ ಬರೆದಿದ್ದು, ಒಟ್ಟು 87ವಿಕೆಟ್ ಪಡೆದುಕೊಂಡಿದ್ದಾರೆ. ನಂತರದ ಸ್ಥಾನದಲ್ಲಿ ಭಾರತದ ಸ್ಪಿನ್ನರ್ ಹರ್ಭಜನ್ ಸಿಂಗ್​ ಇದ್ದು, ಆಸ್ಟ್ರೇಲಿಯಾದ ವಿರುದ್ಧ 86 ವಿಕೆಟ್​ ಕಿತ್ತಿದ್ದಾರೆ. ಉಳಿದಂತೆ ಇಂಗ್ಲೆಂಡ್​ನ ಸ್ಟುವರ್ಟ್​ ಬ್ರಾಡ್​​ ಆಸ್ಟ್ರೇಲಿಯಾ ವಿರುದ್ಧ 84 ವಿಕೆಟ್ ಪಡೆದುಕೊಂಡಿದ್ದಾರೆ.