ನ್ಯಾಟಿಂಗ್ಹ್ಯಾಮ್:ಆತಿಥೇಯ ಇಂಗ್ಲೆಂಡ್ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ 278 ರನ್ಗಳಿಗೆ ಆಲೌಟ್ ಆಗಿದ್ದು, ಈ ಮೂಲಕ ಮೊದಲ ಇನ್ನಿಂಗ್ಸ್ನಲ್ಲಿ 95 ರನ್ಗಳ ಮುನ್ನಡೆ ಪಡೆದು ಕೊಂಡಿದೆ.
ಕೆ.ಎಲ್. ರಾಹುಲ್ ಬ್ಯಾಟಿಂಗ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ್ದ ಇಂಗ್ಲೆಂಡ್ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ ಕ್ಯಾಪ್ಟನ್ ರೂಟ್ 64ರನ್ಗಳ ನೆರವಿನಿಂದ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 183ರನ್ಗಳಿಕೆ ಮಾಡಿತ್ತು. ಮೊದಲ ಇನ್ನಿಂಗ್ಸ್ನಲ್ಲಿ ಮಿಂಚು ಹರಿಸಿದ ಭಾರತದ ಬೌಲರ್ಗಳಾದ ಜಸ್ಪ್ರೀತ್ ಬುಮ್ರಾ 4ವಿಕೆಟ್, ಮೊಹಮ್ಮದ್ ಶಮಿ 3, ಶಾರ್ದೂಲ್ ಠಾಕೂರ್ 2 ಹಾಗೂ ಮೊಹಮ್ಮದ್ ಸಿರಾಜ್ 1 ವಿಕೆಟ್ ಪಡೆದುಕೊಂಡು ಮಿಂಚಿದರು.
ತಂಡಕ್ಕೆ ಬದ್ರಬುನಾದಿ ಹಾಕಿದ್ದ ರಾಹುಲ್-ರೋಹಿತ್ ಮೊದಲ ಇನ್ನಿಂಗ್ಸ್ನಲ್ಲಿ ಬ್ಯಾಟಿಂಗ್ ಆರಂಭಿಸಿದ್ದ ಭಾರತಕ್ಕೆ ಆರಂಭಿಕರಾದ ರೋಹಿತ್ ಶರ್ಮಾ ಹಾಗೂ ಕನ್ನಡಿಗ ಕೆ.ಎಲ್ ರಾಹುಲ್ ಭದ್ರ ಬುನಾದಿ ಹಾಕಿದರು. ಮೊದಲ ವಿಕೆಟ್ನಷ್ಟಕ್ಕೆ 97ರನ್ಗಳಿಕೆ ಮಾಡಿದ್ದರು. 36ರನ್ಗಳಿಕೆ ಮಾಡಿದ್ದ ಸಂದರ್ಭದಲ್ಲಿ ರೋಹಿತ್ ಶರ್ಮಾ ವಿಕೆಟ್ ಒಪ್ಪಿಸಿದ್ದರು. ಇದಾದ ಬಳಿಕ ಬಂದ ಪೂಜಾರಾ 4ರನ್, ಕ್ಯಾಪ್ಟನ್ ವಿರಾಟ್ 0ರನ್, ರಹಾನೆ 5ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿ ನಿರಾಸೆ ಅನುಭವಿಸಿದರು.
ಐದು ವಿಕೆಟ್ ಪಡೆದು ಮಿಂಚಿದ ರಾಬಿನ್ಸನ್ ಇದನ್ನೂ ಓದಿರಿ: ಟೋಕಿಯೋ ಒಲಿಂಪಿಕ್ಸ್: ನಾಳೆ ಕನ್ನಡತಿ ಆದಿತಿ, ರೈತನ ಮಗ ನೀರಜ್ ಚೋಪ್ರಾ ಫೈನಲ್ ಪಂದ್ಯ
ಇದಾದ ಬಳಿಕ ಬಂದ ವಿಕೆಟ್ ಕೀಪರ್ ಬ್ಯಾಟ್ಸಮನ್ ಪಂತ್ ಸ್ಫೋಟಕ ಆಟವಾಡಿ 20 ಎಸೆತಗಳಲ್ಲಿ 25ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರು. ಇದಾದ ಬಳಿಕ ರಾಹುಲ್ ಜೊತೆಗೂಡಿದ ಆಲ್ರೌಂಡರ್ ಜಡೇಜಾ ಉತ್ತಮ ಆಟವಾಡಿದರು.
ಬ್ಯಾಟಿಂಗ್ನಲ್ಲಿ ಮಿಂಚಿದ ಜಡೇಜಾ ರಾಹುಲ್- ಜಡೇಜಾ ಜೊತೆಯಾಟ
ಮಳೆಯ ಆರ್ಭಟದಿಂದಾಗಿ ಇಂದು ಪಂದ್ಯ ತಡವಾಗಿ ಆರಂಭಗೊಂಡಿತು. ಟೀಂ ಇಂಡಿಯಾ ಮಧ್ಯಮ ಕ್ರಮಾಂಕದಲ್ಲಿ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡರೂ, ರಾಹುಲ್ ಜೊತೆಯಾದ ಜಡೇಜಾ ತಂಡಕ್ಕೆ ಆಸರೆಯಾದರು. ಆದರೆ 84 ರನ್ಗಳಿಕೆ ಮಾಡಿದ್ದ ವೇಳೆ ರಾಹುಲ್ ಆ್ಯಂಡರ್ಸನ್ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರು. ಇದಾದ ಬಳಿಕ ರವೀಂದ್ರ ಜಡೇಜಾ ಆಕರ್ಷಕ ಅರ್ಧಶತಕ(56ರನ್) ಸಿಡಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. ಇದಾದ ಬಳಿಕ ಶಾರ್ದೂಲ್ ಠಾಕೂರ್(0)ವಿಕೆಟ್ ಒಪ್ಪಿಸಿದರು.
ಸ್ಪೋಟಕ ಆಟವಾಡಿದ ರಿಷಭ್ ಪಂತ್ ಬಾಲಗೋಚಿಗಳ ಉತ್ತಮ ಪ್ರದರ್ಶನ
ಟೀಂ ಇಂಡಿಯಾಗೆ ಬಾಲಗೋಚಿಗಳು ಉತ್ತಮ ಪ್ರದರ್ಶನ ನೀಡಿದರು. ಕೊನೆ ಕ್ಷಣದಲ್ಲಿ ಬ್ಯಾಟ್ ಬೀಸಿದ ಮೊಹಮ್ಮದ್ ಶಮಿ 13ರನ್ಗಳಿಸಿದ್ರೆ, ವೇಗದ ಬೌಲರ್ ಬುಮ್ರಾ 28 ರನ್ ಹಾಗೂ ಸಿರಾಜ್ 7 ರನ್ಗಳಿಕೆ ಮಾಡಿದರು. ಇಂಗ್ಲೆಂಡ್ ಪರ ಮಿಂಚಿದ ರಾಬಿನ್ಸನ್ 5 ವಿಕೆಟ್ ಪಡೆದುಕೊಂಡರೆ, ಜೆಮ್ಸ್ ಆ್ಯಂಡರ್ಸನ್ 4 ವಿಕೆಟ್ ಪಡೆದುಕೊಂಡರು.
