WTC: ಅತಿ ಹೆಚ್ಚು ವಿಕೆಟ್​ ಪಡೆದ ಬೌಲರ್​ಗಳಿವರು.. ಮೂರನೇ ಪಂದ್ಯ ಸೋತ ಭಾರತಕ್ಕೆ ಫೈನಲ್​ ಹಾದಿ ಹೇಗಿದೆ?

ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಮೂರನೇ ಪಂದ್ಯದಲ್ಲಿ ಭಾರತಕ್ಕೆ ಸೋಲು - ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್ ಫೈನಲ್​ ಟಿಕೆಟ್​ ಪಕ್ಕಾ ಮಾಡಿಕೊಂಡ ಆಸಿಸ್​​ - WTCಯಲ್ಲಿ ಲಿಯಾನ್​ ಅತೀ ಹೆಚ್ಚು ವಿಕೆಟ್​ ಟೇಕರ್ ಬೌಲರ್​​

ನವದೆಹಲಿ:ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಮೂರನೇ ಪಂದ್ಯದಲ್ಲಿ ಭಾರತ 9 ವಿಕೆಟ್​ಗಳಿಂದ ಸೋತು ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ ಫೈನಲ್​ಗೆ ತಲುಪುವ ಸಾಧ್ಯತೆಯನ್ನು ಕಳೆದುಕೊಂಡಿದೆ. ಮುಂದಿನ ಪಂದ್ಯ ನಿರ್ಣಾಯಕವಾಗಿದ್ದು, ಅಹಮದಾಬಾದ್​ನಲ್ಲಿ ಕಾಂಗರೂ ಪಡೆಯನ್ನು ಕಟ್ಟಿಹಾಕಿ ಗೆದ್ದು, ಜೂನ್ 7 ರಂದು ಲಂಡನ್‌ನ ಓವಲ್ ಗ್ರೌಂಡ್​ನಲ್ಲಿ ಮತ್ತೆ ಆಸಿಸ್​ನ್ನು ಎದುರಿಸಿ ಚಾಪಿಯನ್​ ಶಿಪ್​ನ ಗದೆ ಗೆಲ್ಲ ಬೇಕಿದೆ. ಕಳೆದು ಬಾರಿ ನ್ಯೂಜಿಲ್ಯಾಂಡ್​ ​​ ವಿರುದ್ಧ ಸೋತು ರನ್ನರ್​ ಅಪ್​ ಆಗಿದ್ದ ಭಾರತಕ್ಕೆ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯುವ ಪಂದ್ಯ ಪ್ರಮುಖವಾಗಿದೆ.

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಅಂತಿಮ ಟೆಸ್ಟ್ ಪಂದ್ಯ ಮಾರ್ಚ್ 9-13 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಆಸ್ಟ್ರೇಲಿಯಾದ ನಾಥನ್ ಲಿಯಾನ್ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಅತ್ಯಂತ ಯಶಸ್ವಿ ಬೌಲರ್ ಆಗಿದ್ದಾರೆ. ಅವರು ಗರಿಷ್ಠ 136 ವಿಕೆಟ್ ಪಡೆದಿದ್ದಾರೆ. ಅವರ ನಂತರದ ಸ್ಥಾನದಲ್ಲಿ 124 ವಿಕೆಟ್‌ ಪಡೆದ ರವಿಚಂದ್ರನ್ ಅಶ್ವಿನ್​ ಇದ್ದಾರೆ. ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ 123 ವಿಕೆಟ್‌ಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಇಂಗ್ಲೆಂಡ್‌ನ ಸ್ಟುವರ್ಟ್ ಬೋರ್ಡ್ 112 ವಿಕೆಟ್‌ಗಳೊಂದಿಗೆ ನಾಲ್ಕನೇ ಮತ್ತು ದಕ್ಷಿಣ ಆಫ್ರಿಕಾದ ಕಗಿಸೊ ರಬಾಡ 100 ವಿಕೆಟ್‌ಗಳೊಂದಿಗೆ ಐದನೇ ಸ್ಥಾನದಲ್ಲಿದ್ದಾರೆ.

ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್ ತಂಡಗಳ ಶ್ರೇಯಾಂಕ ಪಟ್ಟಿ

ನಾಥನ್​ ಲಿಯಾನ್​ ಮೂರನೇ ಟೆಸ್ಟ್​ನಲ್ಲಿ 11 ವಿಕೆಟ್​ ಪಡೆದು ಮಿಂಚಿದ್ದಾರೆ. ಟೆಸ್ಟ್​​ ವೃತ್ತಿ ಜಿವನದಲ್ಲಿ 118 ಪಂದ್ಯದಲ್ಲಿ 222 ಇನ್ನಿಂಗ್ಸ್​ ಬೌಲಿಂಗ್​ ಮಾಡಿದ ಲಿನಯಾನ್​ ಅವರು 14,904 ರನ್​ ಬಿಟ್ಟುಕೊಟ್ಟು 479 ವಿಕೆಟ್‌ ಕಬಳಿಸಿದ್ದಾರೆ. ನಾಲ್ಕು ಬಾರಿ 10 ವಿಕೆಟ್ ಉರುಳಿಸಿದ್ದಾರೆ. ಆರ್​ ಅಶ್ವಿನ್​ 91 ಪಂದ್ಯಗಳಲ್ಲಿ 172 ಇನ್ನಿಂಗ್ಸ್​ಗಳನ್ನು ಆಡಿದ್ದು 467 ವಿಕೆಟ್​ ಪಡೆದಿದ್ದು, 31 ಬಾರಿ ಐದು ವಿಕೆಟ್​ ಮತ್ತು 7 ಬಾರಿ 10 ವಿಕೆಟ್ ಕಬಳಿಸಿದ ಸಾಧನೆ ಮಾಡಿದ್ದಾರೆ.

ಚಾಂಪಿಯನ್​ ಶಿಪ್​ ಪಟ್ಟಿ ನವೀಕರಣ:ಮೂರನೇ ಟೆಸ್ಟ್​ ಪಂದ್ಯದ ನಂತರ ಆಸ್ಟ್ರೇಲಿಯಾ ಚಾಂಪಿಯನ್​ ಶಿಪ್​ನ ಪಟ್ಟಿಯಲ್ಲಿ 68.52 ಅಂಕಗಳಿಂದ ಅಗ್ರ ಸ್ಥಾನನ ಗಳಿಸಿ ಫೈನಲ್​ ಪ್ರವೇಶ ಪಡೆದಿದೆ. ಭಾರತ ಎರಡನೇ ಸ್ಥಾನದಲ್ಲಿದ್ದು 60.29 ಅಂಕ ಹೊಂದಿದೆ. ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಮಾರ್ಚ್​ 9 ರಿಂದ 13ರ ವರೆಗೆ ನಡೆಯಲಿರುವ ಪಂದ್ಯದಲ್ಲಿ ಭಾರತ ಗೆದ್ದರೆ ಫೈನಲ್​ ಹಾದಿ ಸುಗಮವಾಗಲಿದೆ. ಸೋತಲ್ಲಿ ಲಂಕಾಗೆ ಅವಕಾಶ ತೆರೆದುಕೊಳ್ಳಲಿದೆ. 53.33 ಅಂಕದಿಂದ ಮೂರನೇ ಸ್ಥಾನದಲ್ಲಿ ಲಂಕಾ ಇದೆ. ಶ್ರೀಲಂಕಾ ಮತ್ತು ನ್ಯೂಜಿಲ್ಯಾಂಡ್​ ನಡುವೆ ಎರಡು ಟೆಸ್ಟ್​ ಪಂದ್ಯಗಳ ಸರಣಿ ನಡೆಯಲಿದ್ದು, ಅದರಲ್ಲಿ ಸಿಂಹಳೀಯರು 2-0 ಯಿಂದ ಕಿವೀಸ್​ ಮಣಿಸಿದರೆ WTC ಫೈನಲ್​ ಅವಕಾಶ ಸಿಗಲಿದೆ.

ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್​ನ ಬಾಕಿ ಪಂದ್ಯಗಳು:

2 ನೇ ಟೆಸ್ಟ್ - ದಕ್ಷಿಣ ಆಫ್ರಿಕಾ v ವೆಸ್ಟ್ ಇಂಡೀಸ್ - ಜೋಹಾನ್ಸ್‌ಬರ್ಗ್, ದಕ್ಷಿಣ ಆಫ್ರಿಕಾ, 8-12 ಮಾರ್ಚ್
1 ನೇ ಟೆಸ್ಟ್ - ನ್ಯೂಜಿಲ್ಯಾಂಡ್​ v ಶ್ರೀಲಂಕಾ - ಕ್ರೈಸ್ಟ್‌ಚರ್ಚ್, ನ್ಯೂಜಿಲೆಂಡ್, 9-13 ಮಾರ್ಚ್
4 ನೇ ಟೆಸ್ಟ್ - ಭಾರತ v ಆಸ್ಟ್ರೇಲಿಯಾ - ಅಹಮದಾಬಾದ್, ಭಾರತ, 9-13 ಮಾರ್ಚ್
2 ನೇ ಟೆಸ್ಟ್ - ನ್ಯೂಜಿಲ್ಯಾಂಡ್​ ವಿರುದ್ಧ ಶ್ರೀಲಂಕಾ - ವೆಲ್ಲಿಂಗ್ಟನ್, ನ್ಯೂಜಿಲ್ಯಾಂಡ್​ , ಮಾರ್ಚ್ 17-21

ಇದನ್ನೂ ಓದಿ:ಇದೊಂದು ಕಠಿಣ ಸವಾಲಿನ ಪಂದ್ಯ.. ಬ್ಯಾಟಿಂಗ್​ ವೈಫಲ್ಯ ಸೋಲಿಗೆ ಕಾರಣ: ರೋಹಿತ್​ ಶರ್ಮಾ