2023ರ ಮಹಿಳಾ ಟಿ-20 ವಿಶ್ವಕಪ್ - ಭಾರತ ತಂಡಕ್ಕೆ ಹರ್ಮನ್‌ಪ್ರೀತ್ ಕೌರ್ ಸಾರಥಿ

2023ರ ಮಹಿಳಾ ಟಿ-20 ವಿಶ್ವಕಪ್​ನ ಎಂಟನೇ ಆವೃತ್ತಿಯು ಫೆಬ್ರವರಿ 10ರಿಂದ ಆರಂಭವಾಗಲಿದೆ. ಮೊದಲ ಪಂದ್ಯ ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆಯಲಿದೆ. 17 ದಿನಗಳ ವಿಶ್ವಕಪ್‌ನ ಅಂತಿಮ ಪಂದ್ಯ ಫೆಬ್ರವರಿ 26ರಂದು ನಡೆಯಲಿದೆ.

ನವದೆಹಲಿ: ಐಸಿಸಿ ಮಹಿಳಾ ಟಿ-20 ವಿಶ್ವಕಪ್‌ಗೆ ದಕ್ಷಿಣ ಆಫ್ರಿಕಾ ಆತಿಥ್ಯ ವಹಿಸಲಿದೆ. ವಿಶ್ವದ ಹತ್ತು ಪ್ರಮುಖ ತಂಡಗಳು ಇದರಲ್ಲಿ ಭಾಗವಹಿಸಲಿವೆ. ಎಲ್ಲಾ ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ಹಾಗೂ ಆತಿಥೇಯ ದಕ್ಷಿಣ ಆಫ್ರಿಕಾ, ನ್ಯೂಜಿಲ್ಯಾಂಡ್​ , ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ತಂಡವು ಎ ಗುಂಪಿನಲ್ಲಿ ಇವೆ. ಭಾರತ, ಪಾಕಿಸ್ತಾನ, ಇಂಗ್ಲೆಂಡ್, ಐರ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ಬಿ ಗುಂಪಿನಲ್ಲಿ ಸೇರಿವೆ. ಇಂಗ್ಲೆಂಡ್ ವಿಶ್ವಕಪ್ 2020ರ ರನ್ನರ್ ಅಪ್ ಆಗಿ ಹೊರಹೊಮ್ಮಿತ್ತು.

ಹತ್ತು ತಂಡಗಳ ಟಿ-20 ಶ್ರೇಯಾಂಕ

ಮೊದಲ ಸ್ಥಾನದಲ್ಲಿದೆ ಆಸ್ಟ್ರೇಲಿಯಾ ತಂಡ:ಆಸ್ಟ್ರೇಲಿಯಾ ವಿಶ್ವದ ನಂಬರ್ 1 ತಂಡವಾಗಿದೆ. ವಿಶ್ವದಲ್ಲಿ 50ಕ್ಕೂ ಹೆಚ್ಚು ದೇಶಗಳ ಮಹಿಳಾ ಕ್ರಿಕೆಟ್ ತಂಡಗಳಿವೆ. ಆದರೆ, 10 ದೇಶಗಳು ಮಾತ್ರ ಟಿ-20 ವಿಶ್ವಕಪ್ 2023ಗೆ ಅರ್ಹತೆ ಪಡೆದಿವೆ. ವಿಶ್ವಕಪ್‌ನಲ್ಲಿ ಭಾಗವಹಿಸುವ ತಂಡಗಳು ಐಸಿಸಿ ಟಾಪ್ ಟೆನ್ ರ‍್ಯಾಂಕಿಂಗ್‌ನಲ್ಲಿವೆ. ವಿಶ್ವದ ನಂಬರ್ 1 ತಂಡ ಆಸ್ಟ್ರೇಲಿಯಾ ಆಗಿದ್ದು, ಇದರ 'ಕಮಾಂಡ್ ಮ್ಯಾಗ್ ಲ್ಯಾನಿಂಗ್' ಕೈಯಲ್ಲಿರಲಿದೆ. ಅದೇ ಸಮಯದಲ್ಲಿ ಭಾರತ ವಿಶ್ವ ರ‍್ಯಾಂಕಿಂಗ್‌ನಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಹರ್ಮನ್‌ಪ್ರೀತ್ ಕೌರ್ ನಾಯಕತ್ವದಲ್ಲಿ ಭಾರತ ತಂಡವು ವಿಶ್ವಕಪ್‌ನಲ್ಲಿ ಭಾಗವಹಿಸುತ್ತಿದೆ. ಟಿ-20 ಶ್ರೇಯಾಂಕದ ಹತ್ತು ತಂಡಗಳ ಬಗ್ಗೆ ತಿಳಿಯೋಣ.

2009, 2010, 2012, 2014, 2016, 2018 ಮತ್ತು 2020ರಲ್ಲಿ ಮಹಿಳಾ ಟಿ-20 ವಿಶ್ವಕಪ್‌ನ ಏಳು ಆವೃತ್ತಿಗಳನ್ನು ಇಂಗ್ಲೆಂಡ್ ಗೆದ್ದುಕೊಂಡಿದೆ. ಮಹಿಳಾ ಟಿ-20 ವಿಶ್ವಕಪ್‌ನ ಮೊದಲ ಆವೃತ್ತಿಯು 2009ರಲ್ಲಿ ಇಂಗ್ಲೆಂಡ್‌ನಲ್ಲಿ ನಡೆದಿತ್ತು. ನ್ಯೂಜಿಲೆಂಡ್ ತಂಡವನ್ನು ಆರು ವಿಕೆಟ್‌ಗಳಿಂದ ಸೋಲಿಸಿದ ಇಂಗ್ಲೆಂಡ್ ಪ್ರಶಸ್ತಿ ಗೆದ್ದುಕೊಂಡಿತು. 2012ರವರೆಗೆ, ಎಂಟು ತಂಡಗಳು ಪಂದ್ಯಾವಳಿಯಲ್ಲಿ ಆಡುತ್ತಿದ್ದವು. ಅವರ ಸಂಖ್ಯೆ 2014ರಲ್ಲಿ 10ಕ್ಕೆ ಏರಿತು.

ಮಹಿಳೆಯರ ಟಿ-20 ವಿಶ್ವಕಪ್‌ನಲ್ಲಿ ಭಾರತದ ವೇಳಾಪಟ್ಟಿ

• ಭಾರತ ವಿರುದ್ಧ ಪಾಕಿಸ್ತಾನ (ಕೇಪ್ ಟೌನ್) 12 ಫೆಬ್ರವರಿ ಸಂಜೆ 6.30.
• ಭಾರತ ಮತ್ತು ವೆಸ್ಟ್ ಇಂಡೀಸ್ (ಕೇಪ್ ಟೌನ್) 15 ಫೆಬ್ರವರಿ ಸಂಜೆ 6.30.
• ಭಾರತ ಮತ್ತು ಇಂಗ್ಲೆಂಡ್ (ಗೆಕೆಬೆರಾ) 18 ಫೆಬ್ರವರಿ 6.30.
• ಭಾರತ ಹಾಗೂ ಐರ್ಲೆಂಡ್ (ಗೆಕೆಬೆರ) 20 ಫೆಬ್ರವರಿ ಸಂಜೆ 6.30.

ಇದನ್ನೂ ಓದಿ:WT20 World Cup: ಇಲ್ಲಿದೆ ಮಹಿಳೆಯರ ಟಿ20 ವಿಶ್ವಕಪ್​ ಸಾಧನೆ, ಆಸ್ಟ್ರೇಲಿಯಾ ವನಿತೆಯರ ಪ್ರಾಬಲ್ಯ

ಇತ್ತೀಚಿಗಷ್ಟೇ ಐಸಿಸಿ ಅಂಡರ್​ 19 ಮಹಿಳಾ ವಿಶ್ವಕಪ್​​ ನಲ್ಲಿ ಭಾರತದ ಮಹಿಳಾ ತಂಡ ವಿಕ್ರಮ ಮೆರೆದು ಮೊದಲ ವಿಶ್ವಕಪ್​ ಗೆದ್ದಿದೆ. ಇದು ಮಹಿಳಾ ಕ್ರಿಕೆಟ್​​ಗೆ ಭಾರಿ ಬೂಸ್ಟ್​ ನೀಡಿದೆ. ಮಹಿಳಾ ಕಿರಿಯರ ತಂಡ ವಿಶ್ವಕಪ್ ಎತ್ತಿ ಹಿಡಿದಿರುವುದು, ಹಿರಿಯ ಮಹಿಳಾ ಭಾರತೀಯ ತಂಡದ ಮೇಲೆ ಹೆಚ್ಚಿನ ಒತ್ತಡ ತಂದಿದೆ. ಈ ಬಾರಿಯಾದರೂ ಭಾರತೀಯ ಹಿರಿಯರ ಮಹಿಳಾ ತಂಡ ಪ್ರಮುಖ ಟೂರ್ನಿಯಲ್ಲಿ ಕಪ್​ ಎತ್ತಿ ಹಿಡಿಯಲಿ ಎಂದು ಬಹುತೇಕ ಭಾರತೀಯ ಕ್ರಿಕೆಟ್​ ಅಭಿಮಾನಿಗಳ ಆಶಯವಾಗಿದೆ.