ಐಸಿಸಿ ಟೆಸ್ಟ್​ ಶ್ರೇಯಾಂಕ : 4ನೇ ಸ್ಥಾನಕ್ಕೆ ಬಡ್ತಿ ಪಡೆದ ಕೊಹ್ಲಿ, ಅಗ್ರಸ್ಥಾನದಿಂದ ಕೆಳಗಿಳಿದ ವಿಲಿಯಮ್ಸನ್​

ಬೌಲಿಂಗ್ ಶ್ರೇಯಾಂಕದಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್​ ಕಮ್ಮಿನ್ಸ್​ ಮತ್ತು ಅಶ್ವಿನ್ ಅಗ್ರ 2 ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ನಂತರದ ಸ್ಥಾನದಲ್ಲಿ ಕಿವೀಸ್​ನ ಸೌಥಿ, ಆಸ್ಟ್ರೇಲಿಯಾದ ಹೆಜಲ್​ವುಡ್​ ಇದ್ದಾರೆ. ವಿಂಡೀಸ್ ವಿರುದ್ಧ ಮಿಂಚಿನ ದಾಳಿ ನಡೆಸಿದ್ದ ರಬಾಡ 2ನೇ ಶ್ರೇಯಾಂಕ ಮೇಲೇರಿ ಆ್ಯಂಡರ್ಸನ್​ ಜೊತೆ 7ನೇ ಸ್ಥಾನ ಹಂಚಿಕೊಂಡಿದ್ದಾರೆ..

ದುಬೈ :ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಐಸಿಸಿ ಟೆಸ್ಟ್​ ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಒಂದು ಸ್ಥಾನ ಮೇಲೇರಿದ್ದಾರೆ. ಕಿವೀಸ್ ವಿರುದ್ಧದ ಸರಣಿಯಲ್ಲಿ ವೈಫಲ್ಯ ಅನುಭವಿಸಿದ ಜೋ ರೂಟ್ ಒಂದು ಸ್ಥಾನ ಕುಸಿದಿದ್ದರಿಂದ ಕೊಹ್ಲಿ ನಿರಾಯಾಸವಾಗಿ 4ನೇ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.

ವಿರಾಟ್​ ಕೊಹ್ಲಿ (814) ರೇಟಿಂಗ್ ಅಂಕ ಹೊಂದಿದ್ದಾರೆ. ಅಗ್ರಸ್ಥಾನದಲ್ಲಿದ್ದ ಕೇನ್ ವಿಲಿಯಮ್ಸನ್(886)​ ಕೂಡ 2ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಆಸ್ಟ್ರೇಲಿಯಾದ ಮಾಜಿ ನಾಯಕ ಸ್ಟೀವ್​ ಸ್ಮಿತ್(891) ಅಗ್ರಸ್ಥಾನದಲ್ಲಿದ್ದರೆ, ಲಾಬುಶೇನ್(878) 3ನೇ ಸ್ಥಾನದಲ್ಲಿದ್ದಾರೆ.

ಭಾರತದ ರಿಷಭ್ ಪಂತ್ ಮತ್ತು ರೋಹಿತ್ ಶರ್ಮಾ ಕೂಡ ಟಾಪ್​ 10ರಲ್ಲಿದ್ದು, ಅವರಿಬ್ಬರು 747 ಅಂಕಗಳೊಂದಿಗೆ ಜಂಟಿ 6ನೇ ಸ್ಥಾನದಲ್ಲಿದ್ದಾರೆ. ಹೆನ್ರಿ ನಿಕೋಲ್ಸ್(732), ಡೇವಿಡ್ ವಾರ್ನರ್​(724) ಮತ್ತು ಬಾಬರ್​ ಅಜಮ್(714) ಕ್ರಮವಾಗಿ 8,9 ಮತ್ತು 10ನೇ ಸ್ಥಾನದಲ್ಲಿದ್ದಾರೆ. ಚೇತೇಶ್ವರ್​ ಪೂಜಾರ 12 ಮತ್ತು ರಹಾನೆ 17ನೇ ಶ್ರೇಯಾಕಕ್ಕೆ ಕುಸಿದಿದ್ದಾರೆ.

ಬೌಲಿಂಗ್ ಶ್ರೇಯಾಂಕದಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್​ ಕಮ್ಮಿನ್ಸ್​ ಮತ್ತು ಅಶ್ವಿನ್ ಅಗ್ರ 2 ಸ್ಥಾನದಲ್ಲಿ ಮುಂದುವರಿದಿದ್ದಾರೆ. ನಂತರದ ಸ್ಥಾನದಲ್ಲಿ ಕಿವೀಸ್​ನ ಸೌಥಿ, ಆಸ್ಟ್ರೇಲಿಯಾದ ಹೆಜಲ್​ವುಡ್​ ಇದ್ದಾರೆ. ವಿಂಡೀಸ್ ವಿರುದ್ಧ ಮಿಂಚಿನ ದಾಳಿ ನಡೆಸಿದ್ದ ರಬಾಡ 2ನೇ ಶ್ರೇಯಾಂಕ ಮೇಲೇರಿ ಆ್ಯಂಡರ್ಸನ್​ ಜೊತೆ 7ನೇ ಸ್ಥಾನ ಹಂಚಿಕೊಂಡಿದ್ದಾರೆ.

ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ 11ರಲ್ಲಿ, ಜಡೇಜಾ,ಇಶಾಂತ್ ಮತ್ತು ಶಮಿ ಕ್ರಮವಾಗಿ 16,17, ಮತ್ತು 18ನೇ ಶ್ರೇಯಾಂಕ ಪಡೆದಿದ್ದಾರೆ.

ಇದನ್ನು ಓದಿ:ಈ ಕಾರಣದಿಂದ ಸೌತಾಂಪ್ಟನ್​ನಲ್ಲಿ ಅಶ್ವಿನ್-ಜಡೇಜಾ ಇಬ್ಬರೂ ಆಡ್ಬೇಕು : ಸುನೀಲ್ ಗವಾಸ್ಕರ್​