ಧರ್ಮಶಾಲಾ (ಹಿಮಾಚಲ ಪ್ರದೇಶ):ಏಕದಿನ ಕ್ರಿಕೆಟ್ವಿಶ್ವಕಪ್ನಲ್ಲಿ ಈವರೆಗೆ ಸತತ ಮೂರು ಬೃಹತ್ ಗೆಲುವು ದಾಖಲಿಸಿರುವ ದಕ್ಷಿಣ ಆಫ್ರಿಕಾ ವಿರುದ್ಧ ಇಂದು ನೆದರ್ಲೆಂಡ್ ತನ್ನ ಸಾಮರ್ಥ್ಯಕ್ಕೆ ತಕ್ಕ ಬ್ಯಾಟಿಂಗ್ ಪ್ರದರ್ಶನ ನೀಡಿತು. ಪಂದ್ಯಾರಂಭದಿಂದ ಎಲ್ಲಾ ಬ್ಯಾಟರ್ಗಳು ರನ್ ಗಳಿಸುವಲ್ಲಿ ಪರದಾಡಿದರೆ ಕೆಳ ಕ್ರಮಾಂಕದಲ್ಲಿ ನಾಯಕ ಸ್ಕಾಟ್ ಎಡ್ವರ್ಡ್ಸ್ ಗಳಿಸಿದ ಜವಾಬ್ದಾರಿಯುತ ಅರ್ಧಶತಕದ ನೆರವಿನಿಂದ ತಂಡ ನಿಗದಿತ 43 ಓವರ್‌ಗಳ ಮುಕ್ತಾಯಕ್ಕೆ 8 ವಿಕೆಟ್ ಕಳೆದುಕೊಂಡು 245 ರನ್ ಗಳಿಸಿತು.
ಭಾರತದ ಅತ್ಯಂತ ಸುಂದರ ಮೈದಾನ ಹಿಮಾಚಲದ ಧರ್ಮಾಶಾಲಾದಲ್ಲಿ ಪಂದ್ಯ ನಡೆಯುತ್ತಿದೆ. ಮಳೆಯಿಂದಾಗಿ ಪಂದ್ಯ ಎರಡು ಗಂಟೆ ತಡವಾಗಿ ಶುರುವಾಯಿತು. ಎರಡೂ ಇನ್ನಿಂಗ್ಸ್‌ನಿಂದ ತಲಾ 7 ಓವರ್ ಕಡಿತ ಮಾಡಿ ಪಂದ್ಯ ಆಡಿಸಲಾಗುತ್ತಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನೆದರ್ಲೆಂಡ್ ಮುಂದೆ ಎರಡು ಅವಕಾಶವಿತ್ತು. ಒಂದು ವಿಕೆಟ್ ಕಾಯ್ದುಕೊಳ್ಳುವುದು, ಮತ್ತೊಂದು ರನ್ ಗಳಿಕೆ. ಡಚ್ಚರು ವಿಕೆಟ್ ಕಾಯ್ದುಕೊಳ್ಳುವ ಪ್ರಯತ್ನದಲ್ಲಿ ರನ್ ಕದಿಯಲಾಗದೇ ವಿಕೆಟ್ ಕೈಚೆಲ್ಲುತ್ತಾ ಸಾಗಿದರು. ಆರಂಭದಲ್ಲಿ ಆಟಗಾರರಿಗೆ ಜೊತೆಯಾಟ ನೀಡಲು ದಕ್ಷಿಣ ಆಫ್ರಿಕಾ ಬೌಲರ್ಗಳು ಬಿಡಲಿಲ್ಲ. ಹೀಗಿದ್ದರೂ ಬ್ಯಾಟರ್ಗಳು ಸಿಕ್ಕ ಅವಕಾಶಗಳನ್ನು ಬಳಸಿಕೊಂಡು ರನ್ ಕದಿಯಲು ಪ್ರಯತ್ನಿಸಿದರು. ಅಂತಿಮವಾಗಿ ನಾಯಕನ ಏಕಾಂಗಿ ಪ್ರದರ್ಶನದ ನೆರವಿನಿಂದ ತಂಡ 200 ರನ್ಗಳ ಗಡಿ ದಾಟಿತು.