ಲಂಡನ್:ಮುಂದೂಡಲ್ಪಟ್ಟಿರುವ ಐಪಿಎಲ್ ಮತ್ತೆ ಪುನಾರಂಭವಾದಾಗ ಬಹುಶಃ ತಾನು ಸೇರಿದಂತೆ ಇಂಗ್ಲೆಂಡ್ ಆಟಗಾರರು ಆಡುವುದು ಅನುಮಾನ ಎಂದು ಇಂಗ್ಲೆಂಡ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಹೇಳಿದ್ದಾರೆ.
ಬಯೋ ಬಬಲ್ನಲ್ಲಿ ಕೋವಿಡ್ ಪ್ರಕರಣಗಳು ಕಾಣಿಸಿಕೊಂಡ ಹಿನ್ನೆಲೆ 2021ರ ಐಪಿಎಲ್ಅನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿದೆ. ಆದರೆ ಬಿಸಿಸಿಐ ಇನ್ನೂ ಅದರ ಮುಂದುವರಿದ ಭಾಗ ನಡೆಯುವುದೇ ಅಥವಾ ಇಲ್ಲವೇ ಎನ್ನುವ ಬಗ್ಗೆ ಯಾವುದೇ ನಿರ್ಧಾರ ಪ್ರಕಟಿಸಿಲ್ಲ.
ಟೂರ್ನಮೆಂಟ್ ಮತ್ತೆ ಎಲ್ಲಿ ಪುನಃ ಆಯೋಜಿಸಲಾಗುತ್ತದೆ ಎನ್ನುವುದು ನಮಗೆ ತಿಳಿದಿಲ್ಲ. ಆದರೆ ಇಸಿಬಿ ಮತ್ತೆ ಐಪಿಎಲ್ನಲ್ಲಿ ಪಾಲ್ಗೊಳ್ಳುವುದಕ್ಕೆ ಇಂಗ್ಲೆಂಡ್ ಆಟಗಾರರು ಬಿಡುವು ಮಾಡಿಕೊಳ್ಳುವುದು ಅನುಮಾನ ಎಂದು ತಿಳಿಸಿದೆ ಎಂದು ಪತ್ರಿಕೆಯೊಂದಕ್ಕೆ ಬರೆದಿರುವ ಲೇಖನದಲ್ಲಿ ತಿಳಿಸಿದ್ದಾರೆ.
ಆದರೆ ಈ ವರ್ಷದ ನಂತರ ಭವಿಷ್ಯದಲ್ಲಿ ಸಂಪೂರ್ಣ ಲೀಗ್ನಲ್ಲಿ ಆಡುವುದಕ್ಕೆ ತಾನು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದ್ದಾರೆ. ಇನ್ನು ಗಾಯದಿಂದ ಚೇತರಿಸಿಕೊಂಡಿರುವ ಅವರು ಇನ್ನು 7 ಅಥವಾ 8 ವಾರಗಳಲ್ಲಿ ಮೈದಾನಕ್ಕೆ ಮರಳಲಿದ್ದೇನೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಐಪಿಎಲ್ ಆಡುವ ವೇಳೆ ಸ್ಟೋಕ್ಸ್ ಗಾಯಕ್ಕೊಳಗಾಗಿದ್ದರು.
ಇದನ್ನು ಓದಿ: ಭಾರತ ತಂಡ ಆಸ್ಟ್ರೇಲಿಯಾ ಹಿಂದಿಕ್ಕಲು ದ್ರಾವಿಡ್ ಕಾರಣ: ಗ್ರೇಗ್ ಚಾಪೆಲ್