ಮುಂಬೈ :ಸತತ ಎರಡು ಸೋಲುಗಳ ನಂತರ ಗೆಲುವಿನ ಹಳಿಗೆ ಮರಳಿರುವ ಸನ್ರೈಸರ್ಸ್ ಹೈದರಾಬಾದ್ ತಂಡ 15ನೇ ಆವೃತ್ತಿಯಲ್ಲಿ ಸೋಲೇ ಕಾಣದೇ ಮುನ್ನುಗ್ಗುತ್ತಿರುವ ಗುಜರಾತ್ ಟೈಟನ್ಸ್ ತಂಡವನ್ನು ಇಂದು ಎದುರಿಸಲಿದೆ. ಕಳೆದ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಗೆದ್ದು ಬೀಗಿರುವ ಸನ್ರೈಸರ್ಸ್ ತಂಡಕ್ಕೆ ಬೌಲರ್ಗಳ ಪ್ರದರ್ಶನ ಸಮಾಧನ ತಂದಿದೆ.
ಆದರೆ, ತಂಡದಲ್ಲಿ ಟಿ20 ಸ್ಪೆಷಲಿಸ್ಟ್ ಎಂದು ಕರೆಸಿಕೊಳ್ಳುವ ಯಾವುದೇ ಬ್ಯಾಟರ್ ಇಲ್ಲ. ವಿಂಡೀಸ್ ತಂಡದ ನಿಕೋಲಸ್ ಪೂರನ್ ಇದ್ದರೂ ಅವರ ಬ್ಯಾಟಿಂಗ್ ಪ್ರದರ್ಶನ ಸ್ಥಿರವಾಗಿಲ್ಲ. ಕೇನ್ ವಿಲಿಯಮ್ಸ್ ಅಂತೂ ಟಿ20 ಕ್ರಿಕೆಟ್ ಅನ್ನುವುದನ್ನು ಮರೆತಂತೆ ಬ್ಯಾಟ್ ಮಾಡುತ್ತಿದ್ದಾರೆ.
ಯುವ ಬ್ಯಾಟರ್ ಅಭಿಷೇಕ್ ಶರ್ಮಾ, ರಾಹುಲ್ ತ್ರಿಪಾಠಿ ಉತ್ತಮ ಲಯದಲ್ಲಿದ್ದಾರೆ. ಆದರೆ, ಈ ಜೋಡಿ ಟೈಟನ್ಸ್ ತಂಡದ ಶಮಿ, ರಶೀದ್ ಮತ್ತು ಫರ್ಗ್ಯುಸನ್ ಅಂತಹ ಮಾರಕ ಬೌಲರ್ಗಳನ್ನು ಯಾವ ರೀತಿ ಎದುರಿಸುತ್ತಾರೆ ಎನ್ನುವುದು ಕುತೂಹಲ ಮೂಡಿಸಿದೆ. ಇತ್ತ ಟೈಟನ್ಸ್ ಆಡಿರುವ ಮೂರು ಪಂದ್ಯಗಳಲ್ಲೂ ಅದ್ಭುತ ಜಯ ಸಾಧಿಸಿದೆ.
ಉತ್ತಮ ಆರಂಭ ಪಡೆಯಲು ವಿಫಲರಾದರೂ, ಗಿಲ್ ಕಳೆದ 2 ಪಂದ್ಯಗಳಲ್ಲಿ 84 ಮತ್ತು 96 ರನ್ ಸಿಡಿಸಿ ತಂಡದ ಬಹುಪಾಲು ರನ್ಗಳನ್ನು ತಾವೇ ಸಿಡಿಸಿದ್ದಾರೆ. ನಾಯಕ ಹಾರ್ದಿಕ್, ರಾಹುಲ್ ತೆವಾಟಿಯಾ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಒಟ್ಟಾರೆ ತಂಡವಾಗಿ ಉತ್ತಮ ಸಂಯೋಜನೆ ಹೊಂದಿರುವ ಗುಜರಾತ್ ತನ್ನ ಅಜೇಯ ಓಟವನ್ನು ಮುಂದುವರಿಸಲು ಎದುರು ನೋಡುತ್ತಿದೆ.
ಹೈದರಾಬಾದ್ ಸಂಭಾವ್ಯ XI : ಅಭಿಷೇಕ್ ಶರ್ಮಾ, ಕೇನ್ ವಿಲಿಯಮ್ಸನ್ (ನಾಯಕ), ರಾಹುಲ್ ತ್ರಿಪಾಠಿ, ಐಡೆನ್ ಮಾರ್ಕ್ರಾಮ್, ನಿಕೋಲಸ್ ಪೂರನ್, ಶಶಾಂಕ್ ಸಿಂಗ್, ವಾಷಿಂಗ್ಟನ್ ಸುಂದರ್, ಭುವನೇಶ್ವರ್ ಕುಮಾರ್, ಮಾರ್ಕೊ ಜಾನ್ಸೆನ್, ಟಿ ನಟರಾಜನ್, ಉಮ್ರಾನ್ ಮಲಿಕ್/ಕಾರ್ತಿಕ್ ತ್ಯಾಗಿ
ಗುಜರಾತ್ ಟೈಟನ್ಸ್ ಸಂಭಾವ್ಯ XI :ಶುಭಮನ್ ಗಿಲ್, ಮ್ಯಾಥ್ಯೂ ವೇಡ್ (ವಿಕೆಟ್ ಕೀಪರ್), ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ (ನಾಯಕ), ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ, ಅಭಿನವ್ ಮನೋಹರ್, ರಶೀದ್ ಖಾನ್, ಲಾಕಿ ಫರ್ಗುಸನ್, ಮೊಹಮ್ಮದ್ ಶಮಿ, ದರ್ಶನ್ ನಲ್ಕಂಡೆ
ಇದನ್ನೂ ಓದಿ:ಲಖನೌ ವಿರುದ್ಧ ಆರ್ಆರ್ಗೆ ರೋಚಕ ಗೆಲುವು.. ಕನ್ನಡಿಗ ರಾಹುಲ್ ಪಡೆಗೆ ಎರಡನೇ ಸೋಲು
