ಮೊದಲ ಪಂದ್ಯದಲ್ಲೇ ಮ್ಯಾಕ್ಸ್​ವೆಲ್​ ಕಮಾಲ್.. ಅದ್ಭುತ ರನ್​ಔಟ್​ಗೆ ಆರ್​ಸಿಬಿ ಫ್ಯಾನ್ಸ್​ ಫಿದಾ..

ಶನಿವಾರ ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್​ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮುಂಬೈ ತಂಡದ ಯುವ ಬ್ಯಾಟರ್​ ತಿಲಕ್ ವರ್ಮಾ ಅವರನ್ನು ಡೈವ್​ ಮೂಲಕ ರನ್​ಔಟ್ ಮಾಡಿದ್ದು, ಟ್ವಿಟರ್​​ನಲ್ಲಿ ಇದರ ಫೋಟೋ ಮತ್ತು ವಿಡಿಯೋಗಳನ್ನು ಭಾರಿ ಸದ್ದು ಮಾಡುತ್ತಿವೆ..

ಪುಣೆ :ಇಂಡಿಯನ್​ನ ಪ್ರೀಮಿಯರ್​ ಲೀಗ್​ನ 15ನೇ ಆವೃತ್ತಿಯಲ್ಲಿ ಮೊದಲ ಪಂದ್ಯವನ್ನಾಡುತ್ತಿರುವ ಗ್ಲೇನ್​ ಮ್ಯಾಕ್ಸ್​ವೆಲ್​ ತಮ್ಮ ಆಗಮನವನ್ನು ವಿಶೇಷ ರೀತಿಯಲ್ಲಿ ಐಪಿಎಲ್ ಅಭಿಮಾನಿಗಳಿಗೆ ತೋರಿಸಿಕೊಟ್ಟಿದ್ದಾರೆ. ಶನಿವಾರ ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್​ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮುಂಬೈ ತಂಡದ ಯುವ ಬ್ಯಾಟರ್​ ತಿಲಕ್ ವರ್ಮಾ ಅವರನ್ನು ಡೈವ್​ ಮೂಲಕ ರನ್​ಔಟ್ ಮಾಡಿದ್ದು, ಟ್ವಿಟರ್​​ನಲ್ಲಿ ಇದರ ಫೋಟೋ ಮತ್ತು ವಿಡಿಯೋಗಳನ್ನು ಭಾರಿ ಸದ್ದು ಮಾಡುತ್ತಿವೆ.

ಆಕಾಶ್ ದೀಪ್​ ಎಸೆದ 9ನೇ ಓವರ್​ನಲ್ಲಿ 5ನೇ ಎಸೆತದಲ್ಲಿ ತಿಲಕ್​ ವರ್ಮಾ ಶಾರ್ಟ್​ ಕವರ್​​ನತ್ತ ಚೆಂಡನ್ನು ಹೊಡೆದು ರನ್​ ಕದಿಯಲು ಯತ್ನಿಸಿದರು. ಆದರೆ, ವೇಗವಾಗಿ ಓಡಿ ಚೆಂಡನ್ನು ಪಡೆದ ಮ್ಯಾಕ್ಸ್​ವೆಲ್ ಡೈವ್​ ಮಾಡಿ ಅಂಡರ್​ ಆರ್ಮ್​ನಲ್ಲಿ ಚೆಂಡನ್ನು ಸ್ಟಂಪ್​ಗೆ ಗುರಿಯಿಟ್ಟು ಹೊಡೆದರು. 3 ಎಸೆತಗಳನ್ನು ಎದುರಿಸಿದ್ದ ತಿಲಕ್​ ರನ್​ಔಟ್​ ಆಗಿ ಬೇಸರದಿಂದ ಪೆವಿಲಿಯನ್​ಗೆ ಮರಳಿದರು.

ಇನ್ನು ಈ ಪಂದ್ಯದಲ್ಲಿ ಸತತ ಸೋಲುಗಳಿಂದ ಕಂಗೆಟ್ಟಿದ್ದ 5 ಬಾರಿಯ ಚಾಂಪಿಯನ್​ ಮುಂಬೈ ಇಂಡಿಯನ್ಸ್ ಟಾಸ್​ ಸೋತು ಬ್ಯಾಟಿಂಗ್ ಮಾಡುತ್ತಿದೆ. 50 ರನ್​ಗಳ ಭರ್ಜರಿ ಆರಂಭ ಪಡೆದರೂ ನಂತರ ದಿಢೀರ್ ಕುಸಿತ ಕಂಡಿತು. ಒಂದು ಅಂತದಲ್ಲಿ ವಿಕೆಟ್​ ನಷ್ಟವಿಲ್ಲದೆ 50 ರನ್​ಗಳಿಸಿದ್ದ ಮುಂಬೈ 62 ರನ್​ಗಳಾಗುವಷ್ಟರಲ್ಲಿ 5 ವಿಕೆಟ್​ ಕಳೆದುಕೊಂಡು ಆಘಾಕ್ಕೀಡಾಗಿದೆ.

ಇದನ್ನೂ ಓದಿ:ಅಭಿಷೇಕ್ ಅಬ್ಬರ: ಹೈದರಾಬಾದ್ ಆಲ್​ರೌಂಡ್​​ ಆಟದ ಮುಂದೆ ಮಂಕಾದ ಸಿಎಸ್​ಕೆಗೆ 4ನೇ ಸೋಲು