ಮಾಜಿ ಕ್ರಿಕೆಟಿಗ ಗಂಭೀರ್​ಗೆ ಕರಾಚಿಯಿಂದ ಜೀವ ಬೆದರಿಕೆ ಇಮೇಲ್

ಐಸಿಸ್‌ ಕಾಶ್ಮೀರ್​ ಎಂಬ ಇಮೇಲ್ ಐಡಿಯಿಂದ ಬೆದರಿಕೆ ಬಂದಿದೆ. ಅದರಲ್ಲಿ ಡೆಲ್ಲಿ ಪೊಲೀಸ್​ ಮತ್ತು ಕೇಂದ್ರ ಡೆಲ್ಲಿ ಡಿಸಿಪಿ ಶ್ವೇತಾ ಚೌಹಾಣ್ ಹೆಸರನ್ನು ಕೂಡ ಪ್ರಸ್ತಾಪಿಸಲಾಗಿದೆ. ನಿಮ್ಮಿಂದ ಮತ್ತು ನಿಮ್ಮ ಭದ್ರತಾ ಪಡೆಗಳಿಂದ ನಮ್ಮನ್ನೇನೂ ಮಾಡಲಾಗುವುದಿಲ್ಲ ಎಂದು ದುಷ್ಕರ್ಮಿಗಳು ಸವಾಲು ಹಾಕಿದ್ದಾರೆ.

ನವದೆಹಲಿ: ಭಾರತ ತಂಡದ ಮಾಜಿ ಕ್ರಿಕೆಟಿಗ ಗೌತಮ್ ಗಂಭೀರ್​ ಮತ್ತು ಬಿಜೆಪಿ ಸಂಸದ ಗೌತಮ್​ ಗಂಭೀರ್​ ಮತ್ತು ಅವರ ಕುಟುಂಬಕ್ಕೆ ಇಮೇಲ್​ ಮೂಲಕ ಜೀವ ಬೆದರಿಕೆಯೊಡ್ಡಲಾಗಿದೆ. ಈ ಬಾರಿ ಪಾಕಿಸ್ತಾನದ ಕರಾಚಿಯಿಂದ ಇಮೇಲ್ ಬಂದಿದೆ.

ಐಸಿಸ್ ಕಾಶ್ಮೀರ್​ ಎಂಬ ಇಮೇಲ್ ಐಡಿಯಿಂದ ಬೆದರಿಕೆ ಬಂದಿದೆ. ಅದರಲ್ಲಿ ಡೆಲ್ಲಿ ಪೊಲೀಸ್​ ಮತ್ತು ಕೇಂದ್ರ ಡೆಲ್ಲಿ ಡಿಸಿಪಿ ಶ್ವೇತಾ ಚೌಹಾಣ್ ಹೆಸರನ್ನು ಕೂಡ ಪ್ರಸ್ತಾಪಿಸಿದ್ದಾರೆ. ನಿಮ್ಮಿಂದ ಮತ್ತು ನಿಮ್ಮ ಭದ್ರತಾ ಪಡೆಗಳಿಂದ ನಮ್ಮನ್ನೇನೂ ಮಾಡಲಾಗುವುದಿಲ್ಲ ಎಂದು ದುಷ್ಕರ್ಮಿಗಳು ಸವಾಲು ಹಾಕಿದ್ದಾರೆ.

ಈ ಸಂದೇಶ ಭಾನುವಾರ ಮಧ್ಯರಾತ್ರಿ 1:37ರ ಸುಮಾರಿಗೆ isiskasmir@yahoo.com ಎಂಬ ಇಮೇಲ್​ನಿಂದ ಬಂದಿದೆ. ನವೆಂಬರ್​ 24ರ ಬೆಳಿಗ್ಗೆ ಗೌತಮ್​ ಗಂಭೀರ್​ ಅವರ ಅಧಿಕೃತ ಇಮೇಲ್​ ಐಡಿಗೆ, ಗಂಭೀರ್‌ ಕುಟುಂಬವನ್ನು ಹತ್ಯೆ ಮಾಡುವ ಬೆದರಿಕೆ ಸಂದೇಶ ಬಂದಿತ್ತು. ನಂತರ ಅವರ ಪಿಎ ಗೌರವ್​ ಅರೋರ ಡಿಸಿಪಿ ಚೌಹಾಣ್​ಗೆ ಎಫ್​ಐಆರ್ ದಾಖಲಿಸಲು ಮತ್ತು ಹೆಚ್ಚಿನ ಭದ್ರತೆ ಒದಗಿಸಲು ಪತ್ರ ಬರೆದಿದ್ದರು.

ಆದರೆ, ಅದೇ ದಿನ ಸಂಜೆ ಐಸಿಸ್‌ನಿಂದ ಮತ್ತೊಂದು ಬೆದರಿಕೆ ಇಮೇಲ್​ ಸಂದೇಶ ಬಂದಿದೆ. ಇದರಲ್ಲಿ ಗಂಭೀರ್​ಗೆ ರಾಜಕೀಯದಿಂದ ದೂರ ಉಳಿಯಲು ಮತ್ತು ಕಾಶ್ಮೀರ ಸಂಬಂಧಿತ ವಿಷಯಗಳ ಬಗ್ಗೆ ಮಾತನಾಡದಂತೆ ಎಚ್ಚರಿಕೆ ನೀಡುವ ಜೊತೆಗೆ, ಗಂಭೀರ್​ ಮನೆಯ ವಿಡಿಯೋವೊಂದನ್ನು ಕಳುಹಿಸಲಾಗಿತ್ತು.

ಸೆಂಟ್ರಲ್ ಡಿಸ್ಟ್ರಿಕ್ಟ್ ಪೊಲೀಸರ ಸೈಬರ್ ಸೆಲ್ ತಂಡ, ಈ ಇಮೇಲ್ ಪಾಕಿಸ್ತಾನದ ಕರಾಚಿ ಮೂಲದ ವ್ಯಕ್ತಿಯೊಬ್ಬರು ಕಳುಹಿಸಿದ್ದಾರೆ ಎಂದು ಖಚಿತಪಡಿಸಿದೆ.

ಇದನ್ನೂ ಓದಿ:ಮಾಜಿ ಕ್ರಿಕೆಟಿಗ ಗೌತಮ್ ಗಂಭೀರ್​​​ಗೆ ಇ-ಮೇಲ್ ಮೂಲಕ ಜೀವ ಬೆದರಿಕೆ