ನವದೆಹಲಿ: ಆಸ್ಟ್ರೇಲಿಯಾದ ಮಾಜಿ ಟೆಸ್ಟ್ ನಾಯಕ ಟಿಮ್ ಪೈನ್ 18 ವರ್ಷಗಳ ದೇಶೀಯ ವೃತ್ತಿಜೀವನದ ನಂತರ ಪ್ರಥಮ ದರ್ಜೆ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಕ್ವೀನ್ಸ್‌ಲ್ಯಾಂಡ್ ವಿರುದ್ಧ ಮಾರ್ಷ್ ಶೆಫೀಲ್ಡ್ ಶೀಲ್ಡ್ ಪಂದ್ಯದ ಅಂತ್ಯದ ನಂತರ ಟಿಮ್ ಪೈನ್ ಈ ಘೋಷಣೆ ಮಾಡಿದರು. ಪೆನ್ 2018 ರಿಂದ 2021 ರವರೆಗೆ 23 ಟೆಸ್ಟ್‌ಗಳಲ್ಲಿ ಆಸ್ಟ್ರೇಲಿಯಾದ ನಾಯಕರಾಗಿದ್ದರು.
ಆಸ್ಟ್ರೇಲಿಯಾದ 46ನೇ ಟೆಸ್ಟ್ ನಾಯಕ:ಅವರು ಒಟ್ಟು 35 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಆಸ್ಟ್ರೇಲಿಯಾದ 2018 ರ ದಕ್ಷಿಣ ಆಫ್ರಿಕಾ ಪ್ರವಾಸದ ನಂತರ ಸ್ಟೀವ್ ಸ್ಮಿತ್ ನಾಯಕತ್ವವನ್ನು ತ್ಯಜಿಸಿದಾಗ ಅವರು ಆಸ್ಟ್ರೇಲಿಯಾದ 46 ನೇ ಟೆಸ್ಟ್ ನಾಯಕರಾದರು. ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಆಕ್ಷೇಪಾರ್ಹ ಸಂದೇಶಗಳನ್ನು ಕಳುಹಿಸಿದ್ದಾರೆ ಎಂದು ಬಹಿರಂಗವಾದ ನಂತರ 2021 ರಲ್ಲಿ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ್ದರು.
ಪೆನ್ 2005 ರಲ್ಲಿ ಪದಾರ್ಪಣೆ ಮಾಡಿದ ನಂತರ 18 ವರ್ಷಗಳ ಕಾಲ ಟ್ಯಾಸ್ಮೆನಿಯಾವನ್ನು ಪ್ರತಿನಿಧಿಸಿದ್ದರು. 153 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿ ಗಮನ ಸೆಳೆದಿದ್ದರು. ತಮ್ಮ ಕೊನೆಯ ಪಂದ್ಯದಲ್ಲಿ, ಟ್ಯಾಸ್ಮೆನಿಯಾ ಮತ್ತು ಕ್ವೀನ್ಸ್‌ಲ್ಯಾಂಡ್‌ನ ನಾಯಕರು ಹೋಬರ್ಟ್‌ನಲ್ಲಿ ನಾಲ್ಕನೇ ದಿನದಂದು ಚಹಾ ವಿರಾಮದ ವೇಳೆ ಪಂದ್ಯವನ್ನು ಡ್ರಾ ಎಂದು ಘೋಷಿಸಿದ್ದರು.
38 ವರ್ಷ ವಯಸ್ಸಿನ ಪೈನ್ ಅವರು 35 ಟೆಸ್ಟ್‌ಗಳು ಮತ್ತು 95 ಶೆಫೀಲ್ಡ್ ಶೀಲ್ಡ್ ಪ್ರದರ್ಶನಗಳನ್ನು ಒಳಗೊಂಡಂತೆ 154 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದಾರೆ. ಪೈನ್ 2010ರಲ್ಲಿ ಪಾಕಿಸ್ತಾನದ ವಿರುದ್ಧ ಲಾರ್ಡ್ಸ್‌ನಲ್ಲಿ ಪದಾರ್ಪಣೆ ಮಾಡಿದ್ದರು. ಅವರು ಟೆಸ್ಟ್ ಪಂದ್ಯಗಳಲ್ಲಿ 32.63 ಸರಾಸರಿಯಲ್ಲಿ 1534 ರನ್ ಗಳಿಸಿದ್ದು, 157 ವಿಕೆಟ್ಗಳನ್ನು ಪಡೆದಿದ್ದಾರೆ.
ಪೈನ್ ಅವರು ಆಸ್ಟ್ರೇಲಿಯಾ ಪರ 35 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಅದರಲ್ಲಿ ಅವರು 2018 ರ ಇಂಗ್ಲೆಂಡ್ ಪ್ರವಾಸದಲ್ಲಿ ಐದು ಪಂದ್ಯಗಳಿಗೆ ನಾಯಕರಾಗಿದ್ದರು. ಅವರು ಏಕದಿನ ಪಂದ್ಯಗಳಲ್ಲಿ ಒಂದು ಶತಕವನ್ನೂ ದಾಖಲಿಸಿದ್ದಾರೆ. 2010 ರಲ್ಲಿ ಎಮ್ಸಿಜಿನಲ್ಲಿ ವಿಕ್ಟೋರಿಯಾ ವಿರುದ್ಧ 118 ಎಸೆತಗಳಲ್ಲಿ 100 ರನ್ ಗಳಿಸಿದ್ದರು. ಆಸ್ಟ್ರೇಲಿಯ ಪರ 12 ಟಿ20 ಪಂದ್ಯಗಳನ್ನೂ ಪೆನ್ ಆಡಿದ್ದಾರೆ. 35 ಅಂತರಾಷ್ಟ್ರೀಯ ಟೆಸ್ಟ್ ಪಂದ್ಯಗಳ 57 ಇನ್ನಿಂಗ್ಸ್‌ಗಳಲ್ಲಿ 1534 ರನ್ ಗಳಿಸಿದ್ದಾರೆ. ಇದರಲ್ಲಿ ಅವರ ಗರಿಷ್ಠ ಸ್ಕೋರ್ 92 ರನ್.
"ಅವರು ಅದ್ಭುತ ಆಟಗಾರರಾಗಿದ್ದಾರೆ, ದೇಶೀಯ ಕ್ರಿಕೆಟ್ನಲ್ಲಿ ಅವರ ಸುದೀರ್ಘ ಪಯಣಕ್ಕೆ ಅವರು ವಿದಾಯ ಹೇಳಿರುವುದು ನಂಬಲಾಗುತ್ತಿಲ್ಲ. ಆಸ್ಟ್ರೇಲಿಯಾದಲ್ಲಿ ಟಿಮ್ ಪೈನ್‌ನಷ್ಟು ಉತ್ತಮ ಕೀಪರ್ ಎಂದಿಗೂ ಇರಲಿಲ್ಲ ಎಂದು ಬಹಳಷ್ಟು ಹುಡುಗರು ಹೇಳುತ್ತಾರೆಂದು ನನಗೆ ಖಾತ್ರಿಯಿದೆ" ಎಂದು ಟ್ಯಾಸ್ಮೆನಿಯಾ ನಾಯಕ ಜೋರ್ಡಾನ್ ಸಿಲ್ಕ್ ಹೇಳಿದ್ದಾರೆ.
ಇದನ್ನೂ ಓದಿ:"ಚಾಂಪಿಯನ್ ರೈಸ್ ಅಗೈನ್", ಪಂತ್ ಭೇಟಿಯಾದ ಯುವರಾಜ್ ಸಿಂಗ್
