ಮುಂಬೈ ಸೇರಿಕೊಂಡ ಇಂಗ್ಲೆಂಡ್​ಗೆ ತೆರಳಲಿರುವ ಟೀಮ್ ಇಂಡಿಯಾದ ಮೊದಲ ಬ್ಯಾಚ್​​

ಭಾರತ ಮಹಿಳಾ ಮತ್ತು ಪುರುಷರ ತಂಡ ಜೂನ್ 2ರಂದು ಇಂಗ್ಲೆಂಡ್​ಗೆ ವಿಶೇಷ ವಿಮಾನದ ಮೂಲಕ ತೆರಳಲಿದೆ. ಅದಕ್ಕೂ ಮೊದಲು ಮುಂಬೈನಲ್ಲಿ ಎರಡು ವಾರಗಳ ಕ್ವಾರಂಟೈನ್ ಮುಗಿಸಬೇಕಿದೆ. ಈ ಅವಧಿಯಲ್ಲಿ 3 ಆರ್​ಟಿಪಿಸಿಆರ್ ಟೆಸ್ಟ್​ನಲ್ಲಿ ನೆಗೆಟಿವ್ ವರದಿ ಪಡೆಯಬೇಕಿದೆ.

ಮುಂಬೈ: ಹಿರಿಯ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಸೇರಿದಂತೆ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿರುವ ಭಾರತೀಯ ಮಹಿಳಾ ಮತ್ತು ಪುರುಷ ಕ್ರಿಕೆಟಿಗರ ಮೊದಲ ಬ್ಯಾಚ್​ನಲ್ಲಿ ವಿಶೇಷ ವಿಮಾನದ ಮೂಲಕ​ ಮುಂಬೈಗೆ ಬಂದಿಳಿದಿದೆ.

ಭಾರತ ಮಹಿಳಾ ಮತ್ತು ಪುರುವಷರ ತಂಡ ಜೂನ್ 2ರಂದು ಇಂಗ್ಲೆಂಡ್​ಗೆ ವಿಶೇಷ ವಿಮಾನದ ಮೂಲಕ ತೆರಳಲಿದೆ. ಅದಕ್ಕೂ ಮೊದಲು ಮುಂಬೈನಲ್ಲಿ ಎರಡು ವಾರಗಳ ಕ್ವಾರಂಟೈನ್ ಮುಗಿಸಬೇಕಿದೆ. ಈ ಅವಧಿಯಲ್ಲಿ 3 ಆರ್​ಟಿಪಿಸಿಆರ್ ಟೆಸ್ಟ್​ನಲ್ಲಿ ನೆಗೆಟಿವ್ ವರದಿ ಪಡೆಯಬೇಕಿದೆ.

ಇದೀಗ ಮೊದಲ ಬ್ಯಾಚ್​ನಲ್ಲಿ ಅಶ್ವಿನ್ ಜೊತೆಗೆ ವಾಷಿಂಗ್ಟನ್ ಸುಂದರ್​, ಮಯಾಂಕ್​ ಅಗರ್​ವಾಲ್, ಮೊಹಮ್ಮದ್ ಸಿರಾಜ್, ಮಿಥಾಲಿ ರಾಜ್​ ಇಂದು ಮುಂಬೈಗೆ ಧಾವಿಸಿದ್ದಾರೆ.

ಇನ್ನು ಈಗಷ್ಟೇ ಕೋವಿಡ್​ನಿಂದ ಚೇತರಿಸಿಕೊಂಡಿರುವ ವೃದ್ಧಿಮಾನ್ ಸಹಾ ಹಾಗೂ ಮುಂಬೈನಲ್ಲೇ ವಾಸಿಸುವ ನಾಯಕ ವಿರಾಟ್ ಕೊಹ್ಲಿ ಮೇ 24 ರಂದು ಮುಂಬೈನಲ್ಲಿ ಟೀಮ್ ಇಂಡಿಯಾ ಸೇರಿಕೊಳ್ಳಲಿದ್ದಾರೆ.

ಮಹಿಳಾ ತಂಡ ಮತ್ತು ಪುರುಷರ ತಂಡ ಒಂದೇ ಚಾರ್ಟೆಡ್ ಫ್ಲೈಟ್​ನಲ್ಲಿ ಜೂನ್​ 2 ರಂದು ಇಂಗ್ಲೆಂಡ್​ಗೆ ಪ್ರಯಾಣಿಸುವ ನಿರೀಕ್ಷೆಯಿದೆ. ಕೊಹ್ಲಿ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ವಿರುದ್ಧ 5 ಪಂದ್ಯಗಳ ಟೆಸ್ಟ್​ ಸರಣಿಯನ್ನಾಡಿದರೆ, ಮಹಿಳಾ ತಂಡ ಒಂದು ಟೆಸ್ಟ್​, ತಲಾ 3 ಏಕದಿನ ಮತ್ತು ಟಿ-20 ಪಂದ್ಯಗಳನ್ನಾಡಲಿದೆ.

ಇದನ್ನು ಓದಿ:ವಾಷಿಂಗ್ಟನ್​ ಸುಂದರ್​ಗೆ ತನ್ನಿಂದ ಸೋಂಕು ತಗುಲಬಾರದೆಂಬ ಕಾರಣಕ್ಕೆ ತಂದೆಯಿಂದ ಈ ತ್ಯಾಗ!