ಸೌತಾಂಪ್ಟನ್:ಬುಧವಾರ ಭಾರತ ತಂಡ ನ್ಯೂಜಿಲ್ಯಾಂಡ್ ವಿರುದ್ಧದ ವಿಶ್ವಟೆಸ್ಟ್ ಫೈನಲ್ ಪಂದ್ಯದಲ್ಲಿ ಸೋಲು ಕಂಡ ನಂತರ ವಿರಾಟ್ ಕೊಹ್ಲಿ ಅತ್ಯುತ್ತಮ ತಂಡವನ್ನು ಒಂದು ಪಂದ್ಯದಲ್ಲಿ ಅಳೆಯಲಾಗುವುದಿಲ್ಲ. ಹಾಗಾಗಿ ಮೂರು ಪಂದ್ಯಗಳು ಫೈನಲ್ ಇದ್ದರೆ ಉತ್ತಮ ಎಂದು ಹೇಳಿದ್ದರು. ಆದರೆ, ಕೊಹ್ಲಿಯ ಈ ಸಲಹೆಯನ್ನು ಇಂಗ್ಲೆಂಡ್ ಮಾಜಿ ನಾಯಕ ಮೈಕಲ್ ವಾನ್ ಒಪ್ಪುವಂತದ್ದಲ್ಲ, ಫೈನಲ್ ಎಂದರೆ ಒಂದೇ ಪಂದ್ಯ ಎಂದಿದ್ದಾರೆ.
ಬುಧವಾರ ಬೌಲರ್ಗಳು ಮತ್ತು ವಿಲಿಯಮ್ಸನ್ ಹಾಗೂ ರಾಸ್ ಟೇಲರ್ ಅದ್ಭುತ ಪ್ರದರ್ಶನದ ನೆರವಿನಿಂದ ಭಾರತ ತಂಡವನ್ನು ಕಿವೀಸ್ 8 ವಿಕೆಟ್ಗಳಿಂದ ಮಣಿಸಿ ಚೊಚ್ಚಲ ಟೆಸ್ಟ್ ಚಾಂಪಿಯನ್ಶಿಪ್ ಗೆದ್ದಿತ್ತು. ಈ ಸೋಲಿನ ನಂತರ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಅತ್ಯುತ್ತಮ ಟೆಸ್ಟ್ ತಂಡವನ್ನು ಒಂದು ಪಂದ್ಯದ ಫಲಿತಾಂಶದ ಮೂಲಕ ಆಯ್ಕೆ ಮಾಡುವುದರ ನಾನಿಲ್ಲ ಎಂದಿದ್ದರು. ಜೊತೆಗೆ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ 3 ಪಂದ್ಯಗಳಲ್ಲಿರಬೇಕೆಂದು ಸಲಹೆ ನೀಡಿದ್ದರು.
ಆದರೆ ಮೈಕಲ್ ವಾನ್ ಫೈನಲ್ಸ್ ಎಂಬುದು ಒಂದು ಪಂದ್ಯವಷ್ಟೇ, ತಂಡಗಳು ಅದರಲ್ಲಿ ಟ್ರೋಫಿ ಎತ್ತಿ ಹಿಡಿಯಬೇಕು ಎಂದು ತಿಳಿಸಿದ್ದರು. ಅದಕ್ಕೆ(3 ಪಂದ್ಯಗಳಿಗೆ) ವೇಳಾಪಟ್ಟಿ ಎಲ್ಲಿ ಹೊಂದಿಕೊಳ್ಳುತ್ತದೆ ?? ಐಪಿಎಲ್ ತನ್ನ ಪಂದ್ಯಾವಳಿಯಲ್ಲಿ 2 ವಾರಗಳವರೆಗೆ ಕಡಿಮೆಗೊಳಿಸಲಿದೆಯೇ? ಖಂಡಿತ ಅನುಮಾನ.