ರಾಂಚಿ : ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವಿನ 2ನೇ ಟಿ20 ಪಂದ್ಯದ ವೇಳೆ ರೋಹಿತ್ ಶರ್ಮಾ ಅಭಿಮಾನಿಯೊಬ್ಬ ಭದ್ರತಾ ಸಿಬ್ಬಂದಿಯ ಕಣ್ತಪ್ಪಿಸಿ ಮೈದಾನಕ್ಕೆ ನುಗ್ಗಿದ ಘಟನೆ ನಡೆದಿದೆ.
ಶುಕ್ರವಾರ ರಾಂಚಿಯಲ್ಲಿ ನಡೆದ 2ನೇ ಟಿ20 ಪಂದ್ಯದ ವೇಳೆ ಈ ಘಟನೆ ನಡೆದಿದೆ. ನ್ಯೂಜಿಲ್ಯಾಂಡ್ ಬ್ಯಾಟಿಂಗ್ ವೇಳೆ ಅಭಿಮಾನಿ ಮೈದಾನಕ್ಕೆ ಓಡಿ ಬಂದು ರೋಹಿತ್ ಕಾಲಿಗೆ ಬೀಳಲು ಪ್ರಯತ್ನಸಿದ್ದಾನೆ. ಆದರೆ, ಕೋವಿಡ್-19 ನಿಯಮಾವಳಿಗಳಿರುವುದರಿಂದ ರೋಹಿತ್ ಅಭಿಮಾನಿಯಿಂದ ದೂರ ಸರಿದಿದ್ದಾರೆ. ಸ್ವಲ್ಪ ದೂರದಿಂದಲೇ ನಮಸ್ಕರಿಸಿದ್ದಾನೆ.
ಈ ಘಟನೆಯಿಂದ ವಿಚಲಿತರಾದ ಭದ್ರತಾ ಸಿಬ್ಬಂದಿ ಆತನನ್ನು ಹಿಡಿಯಲು ತಕ್ಷಣ ಮೈದಾನಕ್ಕೆ ನುಗ್ಗಿದ್ದಾರೆ. ಈ ಘಟನೆ ಪಂದ್ಯವನ್ನು ನೋಡುತ್ತಿದ್ದ ವೀಕ್ಷಕರ ಮೊಬೈಲ್ನಲ್ಲಿ ಸೆರೆಯಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಈ ಹಿಂದೆ ಧೋನಿ, ವೀರೇಂದ್ರ ಸೆಹ್ವಾಗ್ ಹಾಗೂ ಸಚಿನ್ ಬ್ಯಾಟಿಂಗ್ ಮಾಡುವಾಗಲೂ ಈ ತರಹದ ಘಟನೆ ನಡೆದಿವೆ. ಈ ಹಿಂದೆಯೂ ರೋಹಿತ್ ಅಭಿಮಾನಿಗಳು ಹಲವು ಬಾರಿ ಮೈದಾನಕ್ಕೆ ನುಗ್ಗಿ ಕೈಕುಲುಕಿದ ಮತ್ತು ಕಾಲಿಗೆ ಬಿದ್ದ ಹಲವು ಪ್ರಸಂಗ ನಡೆದಿದೆ. ಆದರೆ, ಕೋವಿಡ್ ಪ್ರೋಟೋಕಾಲ್ಗಳಿದ್ದರೂ ಮೈದಾನಕ್ಕೆ ನುಗ್ಗಿದ್ದರಿಂದ ಆ ವ್ಯಕ್ತಿಯನ್ನು ಪೊಲೀಸರು ವಶಕ್ಕೆ ಪಡಿದಿದ್ದಾರೆ ಎನ್ನಲಾಗಿದೆ.
