ಬರ್ಮಿಂಗ್ಹ್ಯಾಮ್:ಆತಿಥೇಯ ಇಂಗ್ಲೆಂಡ್ ವಿರುದ್ಧ ನಡೆದ 5ನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾದ ವಿಕೆಟ್ ಕೀಪರ್ ರಿಷಭ್ ಪಂತ್ ಆಕರ್ಷಕ ಶತಕ ಸಿಡಿಸಿ ಮಿಂಚಿದ್ದಾರೆ. ಈ ಮೂಲಕ ಬ್ಯಾಟಿಂಗ್ ವೈಫಲ್ಯಕ್ಕೊಳಗಾಗಿದ್ದ ಭಾರತಕ್ಕೆ ಆಪತ್ಬಾಂಧವನಾದರು. ಎದುರಾಳಿ ಬೌಲರ್ಗಳನ್ನು ಸುಲಭವಾಗಿ ಎದುರಿಸುವ ಮೂಲಕ ರನ್ ಶಿಖರ ಕಟ್ಟಿದರು. ಇವರಿಗೆ ಆಲ್ರೌಂಡರ್ ಜಡೇಜಾ ಉತ್ತಮ ಸಾಥ್ ನೀಡಿದರು.
ENG vs IND Test: ಆಪತ್ಬಾಂಧವನಾದ ಪಂತ್! 89 ಎಸೆತಗಳಲ್ಲಿ ಶತಕ ಸಿಡಿಸಿ ಮಿಂಚಿದ ಉಪನಾಯಕ
ಆಂಗ್ಲರ ವಿರುದ್ಧದ ಕೊನೆಯ ಟೆಸ್ಟ್ ಪಂದ್ಯದಲ್ಲಿ ಆಕರ್ಷಕ ಶತಕ ಸಿಡಿಸಿರುವ ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್(146ರನ್), ತಂಡಕ್ಕೆ ಆಸರೆಯಾದರು. ಈ ಮೂಲಕ ಕೆಲವು ದಾಖಲೆಯನ್ನೂ ಬರೆದರು.
Rishabh Pant Smashes Century
ಇಂಗ್ಲೆಂಡ್ ಬೌಲಿಂಗ್ ದಾಳಿಗೆ ತತ್ತರಿಸಿ ಕೇವಲ 98 ರನ್ಗಳಿಗೆ ಪ್ರಮುಖ 5 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೊಳಗಾಗಿದ್ದ ಭಾರತಕ್ಕೆ ಪಂತ್ ಆಸರೆಯಾದರು. ಆರಂಭದಿಂದಲೂ ಸ್ಫೋಟಕ ಬ್ಯಾಟಿಂಗ್ಗೆ ಒತ್ತು ನೀಡಿದ ಈ ಆಟಗಾರ ತಾವು ಎದುರಿಸಿದ 52 ಎಸೆತಗಳಲ್ಲಿ 53ರನ್ಗಳಿಸಿದರು. ಇದಾದ ಬಳಿಕ ತಮ್ಮ ಆಟಕ್ಕೆ ಮತ್ತಷ್ಟು ವೇಗ ತುಂಬಿ 89 ಎಸೆತಗಳಲ್ಲಿ ಶತಕ ದಾಖಲಿಸಿದರು. ಈ ಮೂಲಕ ಭಾರತವನ್ನು ಸುಭದ್ರ ಸ್ಥಿತಿಗೆ ಕೊಂಡೊಯ್ದರು.
ಟೆಸ್ಟ್ನಲ್ಲಿ ವೇಗದ ಶತಕ:ರಿಷಭ್ ಪಂತ್ ತಾನೆದುರಿಸಿದ 89 ಎಸೆತಗಳಲ್ಲಿ 15 ಬೌಂಡರಿ, 1 ಸಿಕ್ಸರ್ ಸಿಡಿಸುವ ಮೂಲಕ ಶತಕದ ಗಡಿ ದಾಡಿದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ವೇಗವಾಗಿ ಶತಕ ಸಿಡಿಸಿದ ಸಾಧನೆ ಮಾಡಿದ್ದಾರೆ. ಇಂಗ್ಲೆಂಡ್ನಲ್ಲೇ ಪಂತ್ ಸಿಡಿಸಿರುವ 2ನೇ ಟೆಸ್ಟ್ ಶತಕ ಇದಾಗಿದೆ. ತಾವು ಎದುರಿಸಿದ 111 ಎಸೆತಗಳಲ್ಲಿ 20 ಬೌಂಡರಿ, 4 ಸಿಕ್ಸರ್ ಸಮೇತವಾಗಿ 146ರನ್ಗಳಿಕೆ ಮಾಡಿದ ಪಂತ್ ಜಾಕ್ ಓವರ್ನಲ್ಲಿ ಕ್ಯಾಚ್ ನೀಡಿ, ಔಟಾದರು.
Last Updated : Jul 1, 2022, 10:56 PM IST