ತಮ್ಮ ತಂಡದ ನಾಯಕ ಜೋ ರೂಟ್​ರನ್ನ ಕೊಂಡಾಡಿದ ಬೆನ್​ ಸ್ಟೋಕ್ಸ್​

"ನಮ್ಮ ಕ್ಯಾಪ್ಟನ್ ಜೋ ರೂಟ್ ಅವರು 100 ನೇ ಕ್ಯಾಪ್​ನೊಂದಿಗೆ ಶತಕ ಸಿಡಿಸಿದ್ದು ನಮ್ಮನ್ನು ರೋಮಾಂಚನಗೊಳಿಸಿದೆ. ನಾವು ವೃತ್ತಿ ಜೀವನದ ಕೆಲವು ಸಮಯ ಅವರೋಟ್ಟಿಗೆ ವಿಶೇಷ ಕ್ಷಣಗಳನ್ನು ಕಳೆದಿದ್ದು ತುಂಬಾ ಖುಷಿ ನೀಡಿದೆ. ಅವರೊಟ್ಟಿಗೆ ಇರುವುದರಿಂದ ನಾವು ಹೆಚ್ಚು ಗುರುತಿಸಿಕೊಳ್ಳಲು ಸಾಧ್ಯವಾಯಿತು" ಎಂದಿದ್ದಾರೆ.

ಚೆನ್ನೈ:ಇಂಗ್ಲೆಂಡ್​ ತಂಡ ಪ್ರಸ್ತುತ ಭಾರತ ಪ್ರವಾಸದಲ್ಲಿದ್ದು, ಮೊದಲ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​​ನಲ್ಲಿ ಸಂಪೂರ್ಣ ಹಿಡಿತ ಸಾಧಿಸಿದೆ. ಇಂಗ್ಲೆಂಡ್​ ತಂಡದ ನಾಯಕನಿಗೆ ಇದು ನೂರನೇ ಟೆಸ್ಟ್​​ ಪಂದ್ಯವಾಗಿದ್ದು, ಈ ಪಂದ್ಯದಲ್ಲಿ ರೂಟ್​​ ಭರ್ಜರಿ ದ್ವಿಶತಕ ಸಿಡಿಸಿ ಮಿಂಚಿದ್ದಾರೆ.

ಇಂಗ್ಲೆಂಡ್​ ತಂಡದ ನಾಯಕನ ಬಗ್ಗೆ ಸಹ ಆಟಗಾರ, ಉಪನಾಯಕ ಬೆನ್ ಸ್ಟೋಕ್ಸ್ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಜೋ ರೂಟ್ ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು, ರೂಟ್​ ತಮ್ಮ ನೂರನೇ ಪಂದ್ಯದಲ್ಲಿ ಶತಕ ದಾಖಲಿಸಿದ್ದು ತುಂಬಾ ಸಂತಸ ತಂದಿದೆ. ನಾಲ್ಕು ಟೆಸ್ಟ್ ಪಂದ್ಯಗಳ ಸರಣಿಯನ್ನು ನಾವು ಅವರ ಪರಿಪೂರ್ಣ ಆಟದ ಕೊಡುಗೆಯಿಂದ ಗೆಲ್ಲುತ್ತೇವೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

"ಮುಂದಿನ ಐದು ದಿನಗಳಲ್ಲಿ ಬ್ಯಾಟಿಂಗ್​, ಬೌಲಿಂಗ್​ ಮೂಲಕ ​ಮೈದಾನದಲ್ಲಿ ನಾನು ಏನು ಬೇಕಾದರೂ ಮಾಡುತ್ತೇನೆ, ಭಾರತ ವಿರುದ್ಧದ ಮೊದಲ ಟೆಸ್ಟ್​​ನಲ್ಲಿ ನಾವೆಲ್ಲರೂ ಟೀಂ ಇಂಡಿಯಾವನ್ನು ಸುಲಭವಾಗಿ ಸೋಲಿಸಿ ಗೆಲುವು ಪಡೆಯುತ್ತವೆ ಎಂದು ಹೇಳಿದ್ದಾರೆ.

"ನಮ್ಮ ಕ್ಯಾಪ್ಟನ್ ಜೋ ರೂಟ್ ಅವರು 100 ನೇ ಕ್ಯಾಪ್​ನೊಂದಿಗೆ ಶತಕ ಸಿಡಿಸಿದ್ದು ನಮ್ಮನ್ನು ರೋಮಾಂಚನಗೊಳಿಸಿದೆ. ನಾವು ವೃತ್ತಿ ಜೀವನದ ಕೆಲವು ಸಮಯ ಅವರೊಟ್ಟಿಗೆ ವಿಶೇಷ ಕ್ಷಣಗಳನ್ನು ಕಳೆದಿದ್ದು ತುಂಬಾ ಖುಷಿ ನೀಡಿದೆ. ಅವರೊಟ್ಟಿಗೆ ಇರುವುದರಿಂದ ನಾವು ಹೆಚ್ಚು ಗುರುತಿಸಿಕೊಳ್ಳಲು ಸಾಧ್ಯವಾಯಿತು" ಎಂದಿದ್ದಾರೆ.