ಭಾರತ vs ಇಂಗ್ಲೆಂಡ್​ : ಕುಸಿದ ಭಾರತಕ್ಕೆ ಪಂತ್​, ಪೂಜಾರ ಆಸರೆ

ಪ್ರಸ್ತುತ ಟೀ ಇಂಡಿಯಾ 154 ರನ್​​ ಗಳಿಸಿದೆ. ಚೇತೇಶ್ವರ ಪೂಜಾರ 53 *, ರಿಷಭ್ ಪಂತ್ 54 ರನ್​ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ಇನ್ನು ಇಂಗ್ಲೆಂಡ್​ ಪರ ಆರ್ಚರ್​​ 2 ಹಾಗೂ ಡೊಮ್​ ಬೆಸ್​ 2 ವಿಕೆಟ್​​ ಪಡೆದು ಭಾರತಕ್ಕೆ ಆಘಾತ ನೀಡಿದರು.

ಚೆನ್ನೈ: ಪ್ರವಾಸಿ ಇಂಗ್ಲೆಂಡ್​ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಟೀಮ್​ ಇಂಡಿಯಾ ಕಳಪೆ ಬ್ಯಾಟಿಂಗ್​ ಮುಂದುವರೆಸಿದೆ.

ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಟೀಮ್​ ಇಂಡಿಯಾ ಆರಂಭದಲ್ಲೆ ಆಘಾತ ಅನುಭವಿಸಿತು. ಹಿಟ್​ಮ್ಯಾನ್​ ರೋಹಿತ್​ ಶರ್ಮಾ ಕೇವಲ 6 ರನ್​ಗಳಿಸಿ ಜೋರ್ಫಾ ಆರ್ಚರ್​​ ಬೌಲಿಂಗ್​ನಲ್ಲಿ ಬಟ್ಲರ್​ಗೆ ಕ್ಯಾಚ್​ ನೀಡುವ ಮೂಲಕ ಪವಿಲಿಯನ್​​ ಹಾದಿ ಹಿಡಿದರು. ಇನ್ನು ಶುಭಮನ್​ ಗಿಲ್​ 29 ರನ್ ​ಗಳಿಸಿದಾಗ ಜೋರ್ಫಾ ಆರ್ಚರ್ ಬೌಲಿಂಗ್​ನಲ್ಲಿ ಆಂಡರ್ಸನ್​​ ಹಿಡಿದ ಅದ್ಭುತ ಕ್ಯಾಚ್​ಗೆ ಬಳಿಯಾದರು. ಇದರಿಂದ ಟೀಮ್​ ಇಂಡಿಯಾ ಪ್ರಮುಖ ಎರಡು ವಿಕೆಟ್​​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

ನಂತರ ಜೋಡಿಯಾದ ನಾಯಕ ವಿರಾಟ್​ ಕೊಹ್ಲಿ ಮತ್ತು ಪೂಜಾರರಿಂದಲೂ ಉತ್ತಮ ಜೊತೆಯಾಟ ಬರಲಿಲ್ಲ. ಕೇವಲ 11 ರನ್​ಗಳಿಸಿ ವಿರಾಟ್​ ಕೊಹ್ಲಿ ಡೊಮ್ ಬೆಸ್ ಗೆ ವಿಕೆಟ್​ ಒಪ್ಪಿಸಿದರು. ನಂತರ ಕ್ರೀಸ್​ಗೆ ಬಂದ ಉಪ ನಾಯಕ ಅಜಿಂಕ್ಯ ರಹಾನೆ ಆಟ ಕೂಡ ಹೆಚ್ಚು ಹೊತ್ತು ನಡೆಯಲಿಲ್ಲ. 1 ರನ್​​ಗಳಿಸಿ ಡೊಮ್ ಬೆಸ್ ಗೆ ವಿಕೆಟ್​ ಒಪ್ಪಿಸಿ ಪವಿಲಿಯನ್​ ಹಾದಿ ಹಿಡಿದರು.

ಪ್ರಸ್ತುತ ಟೀ ಇಂಡಿಯಾ 154 ರನ್​​ ಗಳಿಸಿದೆ. ಚೇತೇಶ್ವರ ಪೂಜಾರ 53 *, ರಿಷಭ್ ಪಂತ್ 54 ರನ್​ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ಇನ್ನೂ ಇಂಗ್ಲೆಂಡ್​ ಪರ ಆರ್ಚರ್​​ 2 ಹಾಗೂ ಡೊಮ್​ ಬೆಸ್​ 2 ವಿಕೆಟ್​​ ಪಡೆದು ಭಾರತಕ್ಕೆ ಆಘಾತ ನೀಡಿದರು.

ಭಾರತದ ಎದುರಿನ ಮೊದಲ ಟೆಸ್ಟ್​​​ನ ಮೂರನೇ ದಿನದಾಟದ ಆರಂಭದಲ್ಲಿ ಇಂಗ್ಲೆಂಡ್​ ಸರ್ವಪತನ ಕಂಡಿದೆ. ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ನಾಯಕ ಜೋ ರೂಟ್ (218) ಅಮೋಘ ದ್ವಿಶತಕದ ನೆರವಿನಿಂದ ಪ್ರವಾಸಿ ಇಂಗ್ಲೆಂಡ್ ತಂಡವು ಮೊದಲ ಇನ್ನಿಂಗ್ಸ್‌ನಲ್ಲಿ 578 ರನ್‌ಗಳ ಬೃಹತ್ ಮೊತ್ತ ಕಲೆಹಾಕಿದೆ.

ಎರಡನೇ ದಿನದಾಟದ ಅಂತ್ಯದಲ್ಲಿ 8 ವಿಕೆಟ್​ ಕಳೆದುಕೊಂಡು 555 ರನ್​ ಗಳಿಸಿದ್ದ ಆಂಗ್ಲ ಪಡೆ, ಮೂರನೇ ದಿನದಾಟ ಆರಂಭವಾದ ಕೆಲಹೊತ್ತಿನಲ್ಲೇ 23 ರನ್ ಗಳಿಸುವುದರೊಳಗೆ ಎರಡು ವಿಕೆಟ್‌ ಕಳೆದುಕೊಂಡಿತ್ತು. ಈ ಮೂಲಕ 190.1 ಓವರ್‌ಗಳಲ್ಲಿ 578 ರನ್‌ಗಳಿಗೆ ಆಲೌಟ್ ಆಯಿತು.