ಭಾರತದ ಎರಡನೇ ಇನ್ನಿಂಗ್ಸ್​​ ಮುಕ್ತಾಯ : ಇಂಗ್ಲೆಂಡ್​​ ಗೆಲುವಿಗೆ 368 ರನ್​​ಗಳ ಗುರಿ

ಮೂರನೇ ದಿನದಾಟದ ಅಂತ್ಯದ ವೇಳೆ ರವೀಂದ್ರ ಜಡೇಜಾ ಅಜೇಯ(9)ರನ್​ ಗಳಿಕೆ ಮಾಡಿ ಕ್ರೀಸ್​ ಕಾಯ್ದುಕೊಂಡಿದ್ದರು. ಇಂದು ಕೇವಲ 8 ರನ್​ಗಳಿಸಿ ಕ್ರೀಸ್​ ವೋಕ್ಸ್​​ಗೆ ವಿಕೆಟ್​​ ಒಪ್ಪಿಸಿದರು. ನಂತರ ಬಂದ ಅಜಿಂಕ್ಯಾ ರಹಾನೆ ಯಾವುದೇ ರನ್​ಗಳಿಲ್ಲದೆ ವೋಕ್ಸ್​​ಗೆ ವಿಕೆಟ್​ ಒಪ್ಪಿಸುವ ಮುಲಕ ಮತ್ತೊಮ್ಮೆ ನಿರಾಶೆ ಮೂಡಿಸಿದರು..

ಲಂಡನ್​ : ಆತಿಥೇಯ ಇಂಗ್ಲೆಂಡ್​​-ಭಾರತ ನಡುವೆ ನಡೆಯುತ್ತಿರುವ ನಾಲ್ಕನೇ ಟೆಸ್ಟ್​​ ಪಂದ್ಯದ ಎರಡನೇ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ ಕಮ್​​ಬ್ಯಾಕ್​ ಮಾಡಿದೆ. ಕೆಳ ಕ್ರಮಾಂಕದಲ್ಲಿ ರಿಷಭ್ ಪಂತ್ ಮತ್ತು ಶಾರ್ದೂಲ್ ಠಾಕೂರ್ ಸಿಡಿಸಿದ ಅರ್ಧಶತಕಗಳ ನೆರವಿನಿಂದ ಭಾರತ ತಂಡ 466 ರನ್​​ಗಳಿಗೆ ಆಲೌಟ್​​ ಆಗಿದೆ .

ನಾಲ್ಕನೇ ದಿನವಾದ ಇಂದು ಭಾರತ 312 ರನ್ ಗಳಿಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ, ತಂಡಕ್ಕೆ ಶಾರ್ದೂಲ್ ಮತ್ತು ಪಂತ್ ಜೋಡಿ ಕೊಂಚ ಮುನ್ನಡೆ ತಂದು ಕೊಟ್ಟರು. ಚಹಾ ವಿರಾಮಕ್ಕೂ ಮುನ್ನ ಭಾರತ 8 ವಿಕೆಟ್ ಕಳೆದುಕೊಂಡು 445 ರನ್ ಗಳಿಸಿತ್ತು.

ಮೊದಲ ಇನಿಂಗ್ಸ್ ನಲ್ಲಿ ಅರ್ಧಶತಕ ಸಿಡಿಸಿ ತಂಡವನ್ನು ಮುನ್ನಡೆಸಿದ್ದ ಶಾರ್ದೂಲ್ ಠಾಕೂರ್ ಎರಡನೇ ಇನಿಂಗ್ಸ್ ನಲ್ಲೂ ಅರ್ಧಶತಕ ಸಿಡಿಸಿ ತಂಡಕ್ಕೆ ತಮ್ಮದೆಯಾದ ಕೊಡುಗೆ ನೀಡಿದರು. ಶಾರ್ದೂಲ್ 70 ಎಸೆತಗಳಲ್ಲಿ 7 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 60 ರನ್ ಗಳಿಸಿದರೆ, ರಿಷಭ್ ಪಂತ್ 105 ಎಸೆತಗಳಲ್ಲಿ 4 ಬೌಂಡರಿ ಸಹಾಯದಿಂದ ಅರ್ಧಶತಕ ಪೂರೈಸಿದರು.

ಇನ್ನು, ಪ್ರಸ್ತುತ ಟೀಂ​ ಇಂಡಿಯಾ 10 ವಿಕೆಟ್ ಕಳೆದುಕೊಂಡು 466 ರನ್​ಗಳಿಸಿದೆ. ಈ ಮೂಲಕ 367 ರನ್​ಗಳ ಮುನ್ನಡೆ ಸಾಧಿಸಿದ್ದು, ಇಂಗ್ಲೆಂಡ್​​ ತಂಡ ಈ ಪಂದ್ಯ ಗೆಲ್ಲಬೇಕಾದರೆ 368 ರನ್​​ಗಳಿಸಬೇಕಾಗಿದೆ.

ನಾಲ್ಕನೇ ದಿನದ ಆಟ​ ಆರಂಭದಲ್ಲೇ ಟೀಂ​​ ಇಂಡಿಯಾ ಜಡೇಜಾ (17) ಮತ್ತು ರಹಾನೆ (0) ವಿಕೆಟ್​ ಕಳೆದುಕೊಳ್ಳುವ ಮೂಲಕ ಆರಂಭಿಕ ಆಘಾತ ಅನುಭವಿಸಿತು.

ಮೂರನೇ ದಿನದಾಟದ ಅಂತ್ಯದ ವೇಳೆ ರವೀಂದ್ರ ಜಡೇಜಾ ಅಜೇಯ(9)ರನ್​ ಗಳಿಕೆ ಮಾಡಿ ಕ್ರೀಸ್​ ಕಾಯ್ದುಕೊಂಡಿದ್ದರು. ಇಂದು ಕೇವಲ 8 ರನ್​ಗಳಿಸಿ ಕ್ರೀಸ್​ ವೋಕ್ಸ್​​ಗೆ ವಿಕೆಟ್​​ ಒಪ್ಪಿಸಿದರು. ನಂತರ ಬಂದ ಅಜಿಂಕ್ಯಾ ರಹಾನೆ ಯಾವುದೇ ರನ್​ಗಳಿಲ್ಲದೆ ವೋಕ್ಸ್​​ಗೆ ವಿಕೆಟ್​ ಒಪ್ಪಿಸುವ ಮುಲಕ ಮತ್ತೊಮ್ಮೆ ನಿರಾಶೆ ಮೂಡಿಸಿದರು.