4ನೇ ಆ್ಯಶಸ್​ ಟೆಸ್ಟ್​ ಪಂದ್ಯ: ಆಂಗ್ಲರನ್ನು 294ಕ್ಕೆ ನಿಯಂತ್ರಿಸಿ 122 ರನ್​ಗಳ ಮುನ್ನಡೆ ಪಡೆದ ಆಸೀಸ್​

ಶುಕ್ರವಾರ 7 ವಿಕೆಟ್ ಕಳೆದುಕೊಂಡು 258 ರನ್​​ಗಳಿಸಿದ್ದ ಇಂಗ್ಲೆಂಡ್​ ಇಂದು ಆ ಮೊತ್ತಕ್ಕೆ ಕೇವಲ 36 ರನ್​ ಸೇರಿಸಿ ಸರ್ವಪತನ ಕಂಡಿತು. 103 ರನ್​ಗಳಿಸಿ ಅಜೇಯರಾಗುಳಿದಿದ್ದ ಜಾನಿ ಬೈರ್​ಸ್ಟೋವ್​ 158 ಎಸೆತಗಳಲ್ಲಿ 8 ಬೌಂಡರಿ, 3 ಸಿಕ್ಸರ್​ಗಳ ಸಹಿತ 113 ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು. ಜಾಕ್​ ಲೀಚ್​ 10, ಬ್ರಾಡ್​ 15 ರನ್​ಗಳಿಸಿದರು.

ಸಿಡ್ನಿ: ಆಸ್ಟ್ರೇಲಿಯಾ ಬೌಲಿಂಗ್ ದಾಳಿಗೆ ತತ್ತರಿಸಿದ ಪ್ರವಾಸಿ ಇಂಗ್ಲೆಂಡ್ ತಂಡ 79.1 ಓವರ್​ಗಳಲ್ಲಿ 294 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ 122 ರನ್​ಗಳ ಹಿನ್ನಡೆ ಅನುಭವಿಸಿದೆ.

ಶುಕ್ರವಾರ 7 ವಿಕೆಟ್ ಕಳೆದುಕೊಂಡು 258 ರನ್​​ಗಳಿಸಿದ್ದ ಇಂಗ್ಲೆಂಡ್​ ಇಂದು ಆ ಮೊತ್ತಕ್ಕೆ ಕೇವಲ 36 ರನ್​ ಸೇರಿಸಿ ಸರ್ವಪತನ ಕಂಡಿತು. 103 ರನ್​ಗಳಿಸಿ ಅಜೇಯರಾಗುಳಿದಿದ್ದ ಜಾನಿ ಬೈರ್​ಸ್ಟೋವ್​ 158 ಎಸೆತಗಳಲ್ಲಿ 8 ಬೌಂಡರಿ, 3 ಸಿಕ್ಸರ್​ಗಳ ಸಹಿತ 113 ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು. ಜಾಕ್​ ಲೀಚ್​ 10, ಬ್ರಾಡ್​ 15 ರನ್​ಗಳಿಸಿದರು.

ಬೆನ್​ ಸ್ಟೋಕ್ಸ್​ 91 ಎಸೆತಗಳಲ್ಲಿ 66, ಮಾರ್ಕ್​ ವುಡ್​ 41 ಎಸೆತಗಳಲ್ಲಿ 39 ರನ್​ಗಳಿಸಿ ಹಿನ್ನಡೆಯ ಅಂತರವನ್ನು ತಗ್ಗಿಸಿದ್ದರು. ಸ್ಕಾಟ್​ ಬೊಲ್ಯಾಂಡ್​ 36ಕ್ಕೆ 4, ನೇಥನ್ ಲಿಯಾನ್​ 88ಕ್ಕೆ 2, ಪ್ಯಾಟ್​ ಕಮಿನ್ಸ್​ 68ಕ್ಕೆ 2 ವಿಕೆಟ್​, ಸ್ಟಾರ್ಕ್​ ಮತ್ತು ಗ್ರೀನ್​ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.

ಇದಕ್ಕೂ ಮುನ್ನ ಟಾಸ್​ ಗೆದ್ದು ಬ್ಯಾಟಿಂಗ್ ಮಾಡಿದ್ದ ಆಸ್ಟ್ರೇಲಿಯಾ ಉಸ್ಮಾನ್ ಖವಾಜ್​(137) ಶತಕ ಹಾಗೂ ಸ್ಟೀವ್ ಸ್ಮಿತ್​ 67, ವಾರ್ನರ್​ 30., ಹ್ಯಾರಿಸ್​ 38, ಸ್ಟಾರ್ಕ್​ 34 ರನ್​ಗಳ ನೆರವಿನಿಂದ 134 ಓವರ್​ಗಳಲ್ಲಿ 8 ವಿಕೆಟ್ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್ ಘೋಷಿಸಿಕೊಂಡಿತ್ತು.

ಇದೀಗ 122 ರನ್​ಗಳ ಮೊದಲ ಇನ್ನಿಂಗ್ಸ್ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್ ಆರಂಭಿಸಿರುವ ಆಸ್ಟ್ರೇಲಿಯಾ ತಂಡ 12 ರನ್​ಗಳಿಸುವಷ್ಟರಲ್ಲೇ ಆರಂಭಿಕ ಡೇವಿಡ್​ ವಾರ್ನರ್​ ವಿಕೆಟ್ ಕಳೆದುಕೊಂಡಿದೆ.

ಇದನ್ನೂ ಓದಿ:ಮೂವರು ಕ್ರಿಕೆಟಿಗರ ಮೇಲಿನ ನಿಷೇಧ ಹಿಂಪಡೆದ ಲಂಕಾ ಕ್ರಿಕೆಟ್‌ ಮಂಡಳಿ