ಲಂಡನ್: ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಪಂದ್ಯದಲ್ಲಿ ದ್ವಿಶತಕ ಸಾಧನೆ ಮಾಡಿದ ನ್ಯೂಜಿಲ್ಯಾಂಡ್ನ ಡಿವೋನ್ ಕಾನ್ವೆ ಮತ್ತು ಇಂಗ್ಲೆಂಡ್ ಸ್ಪಿನ್ ಬೌಲರ್ ಸೋಫಿ ಎಕ್ಲೆಸ್ಟೋನ್ ಐಸಿಸಿ ಜೂನ್ ತಿಂಗಳ ಆಟಗಾರ(ರ್ತಿ) ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.
ಕಾನ್ವೆ ಇಂಗ್ಲೆಂಡ್ ವಿರುದ್ಧ ಸರಣಿ ಗೆಲ್ಲುಲು ಮತ್ತು ನ್ಯೂಜಿಲೆಂಡ್ ವಿಶ್ವಟೆಸ್ಟ್ ಚಾಂಪಿಯನ್ ಆಗಲು ಪ್ರಮುಖ ಪಾತ್ರವಹಿಸಿದ್ದರು. ಅವರು ಜೂನ್ನಲ್ಲಿ 3 ಟೆಸ್ಟ್ ಪಂದ್ಯಗಳಿಂದ 379 ರನ್ಗಳಿಸಿದ್ದರು. ಕಾನ್ವೆ ಈ ಪೈಪೋಟಿಯಲ್ಲಿ ತಮ್ಮ ದೇಶದ ಕೈಲ್ ಜೆಮೀಸನ್ ಹಾಗೂ ದಕ್ಷಿಣ ಆಫ್ರಿಕಾದ ಕ್ವಿಂಟನ್ ಡಿಕಾಕ್ರನ್ನು ಹಿಂದಿಕ್ಕಿ ಐಸಿಸಿ ಪ್ಲೇಯರ್ ಆಫ್ ದ ಮಂತ್ ಪ್ರಶಸ್ತಿ ಪಡೆದಿದ್ದಾರೆ. ಅಲ್ಲದೆ ಈ ಪ್ರಶಸ್ತಿ ಪಡೆದ ಮೊದಲ ಕಿವೀಸ್ ಆಟಗಾರ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.