ಮುಂಬೈ: ಪ್ರಸ್ತುತ ನಡೆಯುತ್ತಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಅಂಪೈರ್ಗಳ ಕೆಲವು ತೀರ್ಪುಗಳು ಭಾರಿ ಚರ್ಚೆಗೆ ಗ್ರಾಸವಾಗುತ್ತಿವೆ. ವೈಡ್, ನೋಬಾಲ್ ತೀರ್ಪುಗಳು ವಿವಾದಕ್ಕೆ ಕಾರಣವಾಗುತ್ತಿವೆ. ಈ ಕಾರಣದಿಂದ ವೈಡ್ ವಿಚಾರದ ಬಗ್ಗೆ ಪ್ರತಿಕ್ರಿಯಿಸಿರುವ ಆರ್ಸಿಬಿ ಮಾಜಿ ನಾಯಕ ಮತ್ತು ಮಾಜಿ ಕೋಚ್ ಡೇನಿಯಲ್ ವಿಟೋರಿ ಕಷ್ಟಕರವಾದ ವೈಡ್ಗಳ ನಿರ್ಧಾರವನ್ನು ಪ್ರಶ್ನಿಸಲು ಡಿಆರ್ಎಸ್ ಉಪಯೋಗಿಸುವ ಅವಕಾಶವನ್ನು ಜಾರಿಗೆ ತರಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಸೋಮವಾರ ನಡೆದ ರಾಜಸ್ಥಾನ್ ರಾಯಲ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಪಂದ್ಯದಲ್ಲಿ ಅಂಪೈರ್ 19ನೇ ಓವರ್ನಲ್ಲಿ ನೀಡಿದ ವೈಡ್ ತೀರ್ಪು ನಾಯಕ ಸಂಜು ಸಾಮ್ಸನ್ಗೆ ಅಸಮಾಧಾನ ಉಂಟುಮಾಡಿತ್ತು. ಬ್ಯಾಟರ್ ವೈಡ್ ಕ್ರೀಸ್ ಮುಂದೆ ಬಂದು ಬ್ಯಾಟ್ ಮಾಡುತ್ತಿದ್ದರೂ ಆ ಎಸೆತಗಳನ್ನು ಅಂಪೈರ್ ವೈಡ್ ನೀಡುತ್ತಿದ್ದರು. ಆದರೆ ಬ್ಯಾಟರ್ ಮುಂದೆ ಬಂದು ಆಡಿದಾಗ ನಿಯಮಗಳ ಪ್ರಕಾರ ಅದು ಒಳ್ಳೆಯ ಎಸೆತವಾಗಬೇಕಿತ್ತು.
ವೈಡ್ಗೋಸ್ಕರ ಆಟಗಾರರು ಡಿಆರ್ಎಸ್ ತೆಗೆದುಕೊಳ್ಳಲು ಅನುಮತಿ ನೀಡಬೇಕು. ಇಂತಹ ಗೊಂದಲ ಸಮಯದಲ್ಲಿ ಆಟಗಾರರಿಗೆ ಸ್ವಾತಂತ್ರ್ಯ ಅಗತ್ಯವಿದೆ. ರಾಜಸ್ಥಾನ್ ಪಂದ್ಯದಲ್ಲಿ ಕೋಲ್ಕತ್ತಾ ಗೆಲುವು ಸಾಧಿಸಿತ್ತು. ಆದರೆ ಸಾಕಷ್ಟು ಬಾರಿ ಅಂಪೈರ್ ತೀರ್ಪು ಬೌಲರ್ಗೆ ವಿರುದ್ಧವಾಗಿದ್ದವು. ಅದರಲ್ಲೂ ವೈಡ್ ವಿಚಾರದಲ್ಲಿ ಕೆಲವು ತಪ್ಪು ನಿರ್ಣಯಗಳು ಬಂದವು ಎಂದು ಅನ್ನಿಸುತ್ತಿದೆ. ಹಾಗಾಗಿ ಕ್ಲಿಷ್ಟಕೆ ವೈಡ್ ನಿರ್ಧಾರವನ್ನು ಡಿಆರ್ಎಸ್ ಮೂಲಕ ಬಗೆಹರಿಸಿಕೊಳ್ಳಲು ಅವಕಾಶ ನೀಡಿದರೆ ಉತ್ತವಾಗಿರುತ್ತದೆ ಎಂದು ಡೇನಿಯಲ್ ವಿಟೋರಿ ಅಭಿಪ್ರಾಯಪಟ್ಟಿದ್ದಾರೆ.
ವಿಟೋರಿ ಸಲಹೆಯನ್ನು ಬೆಂಬಲಿಸಿರುವ ದಕ್ಷಿಣ ಆಫ್ರಿಕಾದ ಮಾಜಿ ಸ್ಪಿನ್ನರ್ ಇಮ್ರಾನ್ ತಾಹೀರ್, ಹೌದು, ಏಕೆ ಆಗಲ್ಲ? ಕ್ರಿಕೆಟ್ನಲ್ಲಿ ಬೌಲರ್ಗಳಿಗೆ ಸಾಕಷ್ಟು ಬೆಂಬಲದ ನಿಯಮಗಳಿಲ್ಲ. ಬ್ಯಾಟರ್ ನಿಮಗೆ ಮೈದಾನದ ಸುತ್ತ ಹೊಡೆಯುತ್ತಿದ್ದಾಗ ವೈಡ್ ಯಾರ್ಕರ್ ಅಥವಾ ವೈಡ್ ಲೆಗ್ ಬ್ರೇಕರ್ ಎಸೆಯದೇ ನಿಮಗೆ ಬೇರೆ ಆಯ್ಕೆಗಳಿರುವುದಿಲ್ಲ ಎಂದು ತಾಹೀರ್ ಹೇಳಿದ್ದಾರೆ.
ಇದನ್ನೂ ಓದಿ:ಅಹಮದಾಬಾದ್ನಲ್ಲಿ ಐಪಿಎಲ್ ಫೈನಲ್... ಪುಣೆಯಲ್ಲಿ ವುಮೆನ್ಸ್ ಟಿ-20 ಚಾಲೆಂಜ್
