ಗುರಾಯಿಸಿದ ಗಪ್ಟಿಲ್​ ವಿಕೆಟ್​ ಜೊತೆಗೆ ಲಕ್ಷ ರೂ ಪಡೆದ ದೀಪಕ್ ಚಾಹರ್​ -

ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲ್ಯಾಂಡ್ ತಂಡ 20 ಓವರ್​ಗಳಲ್ಲಿ 164 ರನ್​ಗಳಿಸಿತ್ತು. ಮಾರ್ಕ್​ ಚಾಪ್ಮನ್​ 63 ರನ್​ಗಳಿಸಿದರೆ, ಮಾರ್ಟಿನ್​ ಗಪ್ಟಿಲ್​ 70 ರನ್​ಗಳಿಸಿದ್ದರು. ಈ ಮೊತ್ತವನ್ನು ಭಾರತ 19.45 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ಗುರಿ ತಲುಪಿ ಜಯ ಸಾಧಿಸಿತ್ತು.

ಜೈಪುರ್​: ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಭಾರತ 5 ವಿಕೆಟ್ ಜಯ ಸಾಧಿಸಿದೆ. ಈ ಪಂದ್ಯದಲ್ಲಿ ಭಾರತದ ವೇಗಿ ದೀಪಕ್​ ಚಾಹರ್ ​(Deepak Chahar) ಹೆಚ್ಚು ರನ್​ ಬಿಟ್ಟುಕೊಟ್ಟು ದುಬಾರಿಯಾದರೂ, ಕೇವಲ ದುರುಗುಟ್ಟಿ ನೋಡಿ ಒಂದು ಲಕ್ಷ ರೂ ಜೇಬಿಗಿಳಿಸಿಕೊಂಡಿದ್ದಾರೆ.

ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲ್ಯಾಂಡ್ ತಂಡ 20 ಓವರ್​ಗಳಲ್ಲಿ 164 ರನ್​ಗಳಿಸಿತ್ತು. ಮಾರ್ಕ್​ ಚಾಪ್ಮನ್​ 63 ರನ್​ಗಳಿಸಿದರೆ, ಮಾರ್ಟಿನ್​ ಗಪ್ಟಿಲ್​ 70 ರನ್​ಗಳಿಸಿದ್ದರು. ಈ ಮೊತ್ತವನ್ನು ಭಾರತ 19.45 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ತಲುಪಿ ಜಯ ಸಾಧಿಸಿತ್ತು.

ಮೊದಲ ಇನ್ನಿಂಗ್ಸ್​ 18 ಓವರ್​ನಲ್ಲಿ ತಮ್ಮ ಕೊನೆಯ ಓವರ್​ ಎಸೆಯಲು ಬಂದ ದೀಪಕ್​ ಮೊದಲ ಎಸೆತದಲ್ಲಿಯೇ ಗಪ್ಟಿಲ್​ ಭಾರಿ ಸಿಕ್ಸರ್​ ಬಾರಿಸಿದರಲ್ಲದೆ, ಭಾರತೀಯ ಬೌಲರ್​ನತ್ತ ಗುರಾಯಿಸಿ ಗಂಭೀರ ನೋಟ ಬೀರಿದ್ದರು. ಆದರೆ ನಂತರ ಎಸೆತವನ್ನು ಸಿಕ್ಸರ್​ಗಟ್ಟುವ ಯತ್ನದಲ್ಲಿ ಶ್ರೇಯಸ್​ ಅಯ್ಯರ್​ಗೆ ಕ್ಯಾಚ್​ ನೀಡಿದರು. ತಕ್ಷಣ ದೀಪಕ್​ ಚಾಹರ್​ ಕಿವೀಸ್​ ಬ್ಯಾಟರ್​ನನ್ನು ಗುರಾಯಿಸುತ್ತಾ ಸೇಡು ತೀರಿಸಿಕೊಂಡೆ ಎಂಬಂತೆ ನೋಟ ಬೀರಿದರು.

ಈ ಇಬ್ಬರ ನಡುವಿನ ರೋಚಕ ಕಾದಾಟದಲ್ಲಿ ವಿಜಯಿಯಾದ ದೀಪಕ್​ ಚಾಹರ್​ಗೆ ಪಂದ್ಯದ ರೋಚಕ ಕ್ಷಣ (Moment of the match) ಪ್ರಶಸ್ತಿ ಮತ್ತು ಒಂದು ಲಕ್ಷ ರೂ ನೀಡಲಾಯಿತು.

ರೋಹಿತ್​-ಸೂರ್ಯ ಕಮಾಲ್

ನ್ಯೂಜಿಲ್ಯಾಂಡ್ ನೀಡಿದ 164 ರನ್​ಗಳ ಗುರಿಯನ್ನು ಭಾರತ ತಂಡ ಈ 5 ವಿಕೆಟ್​ ಕಳೆದುಕೊಂಡು 19.4 ಓವರ್​ಗಳಲ್ಲಿ ತಲುಪಿತು. ಭಾರತ ತಂಡದ ಅಧಿಕೃತ ನಾಯಕನಾಗಿ ಆಡಿದ ಮೊದಲ ಪಂದ್ಯದಲ್ಲೇ ರೋಹಿತ್ ಶರ್ಮಾ 48 ಗಳಿಸಿ ಮಿಂಚಿದರೆ, ಸೂರ್ಯಕುಮಾರ್ ಯಾದವ್​ 62 ರನ್​ಗಳಿಸಿ ಭಾರತಕ್ಕೆ ಗೆಲುವು ತಂದುಕೊಟ್ಟರು.

ಇದನ್ನೂ ಓದಿ: ಎರಡು ದೇಶಗಳ ಪರ ಆಡಿ ಅರ್ಧಶತಕ ಬಾರಿಸಿ ದಾಖಲೆ ನಿರ್ಮಿಸಿದ ಕಿವೀಸ್ ಬ್ಯಾಟರ್​