ಬೆಂಗಳೂರು:ಭಾರತ ತಂಡದ ವೇಗದ ಬೌಲರ್ ದೀಪಕ್ ಚಾಹರ್ ಅವರನ್ನು ಬರೋಬ್ಬರಿ 14 ಕೋಟಿ ರೂಪಾಯಿ ನೀಡಿ ಖರೀದಿಸಿದೆ.
ಭಾರತ ತಂಡದಲ್ಲಿ ಆಲ್ರೌಂಡರ್ ಆಗಿ ಮಿಂಚುತ್ತಿರುವ ದೀಪಕ್ರನ್ನು ಚೆನ್ನೈ ಸೂಪರ್ ಕಿಂಗ್ಸ್ ರಾಜಸ್ಥಾನ್ ರಾಯಲ್ಸ್ ಜೊತೆಗೆ ಭಾರಿ ಹೋರಾಟ ನಡೆಸಿ ದಾಖಲೆಯ ಬೆಲೆಗೆ ಖರೀದಿಸಿತು. 2022ರ ಹರಾಜಿನಲ್ಲಿ ಬೌಲರ್ ಒಬ್ಬ ಪಡೆದ ಅತ್ಯಂತ ಗರಿಷ್ಠ ಮೊತ್ತ ಇದಾಗಿದೆ.
ದಕ್ಷಿಣ ಆಫ್ರಿಕಾದ ಬೌಲರ್ ಕಗಿಸೊ ರಬಾಡರನ್ನು 9.25 ಕೋಟಿ ರೂ. ನೀಡಿ ಪಂಜಾಬ್ ಕಿಂಗ್ಸ್ ಖರೀದಿಸಿದೆ. ಒಟ್ಟಾರೆ ಚಾಹರ್ ಇಂದಿನ ಹರಾಜಿನಲ್ಲಿ ಗರಿಷ್ಠ ಮೊತ್ತಕ್ಕೆ ಬಿಕರಿಯಾದ ಬೌಲರ್ ಎನಿಸಿಕೊಂಡರು.
ಇದನ್ನೂ ಓದಿ:2022ರ ಐಪಿಎಲ್ನಲ್ಲಿ ಅತಿ ಹೆಚ್ಚು ಬೆಲೆಗೆ ಮಾರಾಟವಾದ ಇಶಾನ್ ಕಿಶನ್
ಆದರೆ ಅಫ್ಘಾನಿಸ್ತಾನದ ಸ್ಪಿನ್ನರ್ ರಶೀದ್ ಖಾನ್ ಅವರನ್ನು ಗುಜರಾತ್ ಟೈಟನ್ಸ್ 15 ಕೋಟಿ ನೀಡಿ ರಿಟೈನ್ ಮಾಡಿಕೊಂಡಿದ್ದು, ದುಬಾರಿ ಬೌಲರ್ ಎನಿಸಿಕೊಂಡಿದ್ದಾರೆ. ಬುಮ್ರಾ 12 ಕೋಟಿ ರೂ. ಪಡೆದಿದ್ದಾರೆ.
ಗರಿಷ್ಠ ಬೆಲೆ ಪಡೆದ ವೇಗದ ಬೌಲರ್ಗಳು:
- ದೀಪಕ್ ಚಾಹರ್ - 14 ಕೋಟಿ ರೂ.
- ಶಾರ್ದೂಲ್ - 10.07 ಕೋಟಿ
- ಪ್ರಸಿಧ್ ಕೃಷ್ಣ - 10 ಕೋಟಿ
- ಲಾಕಿ ಫರ್ಗ್ಯಸನ್ - 10 ಕೋಟಿ
- ಕಗಿಸೋ ರಬಾಡ - 9.25 ಕೋಟಿ
- ಟ್ರೆಂಟ್ ಬೌಲ್ಟ್ - 8 ಕೋಟಿ
- ಜೋಶ್ ಹೇಜಲ್ವುಡ್ - 7.75 ಕೋಟಿ
- ಮಾರ್ಕ್ ವುಡ್ - 7.5 ಕೋಟಿ
- ಮೊಹಮ್ಮದ್ ಶಮಿ - 6.25 ಕೋಟಿ
