ಸೆಮೀಸ್​ ಆಸೆ ಮಿಷನ್ ಇಂಪಾಸಿಬಲ್​ ಅಲ್ಲ.. ಟಾಸ್​ ಗೆದ್ದರೆ 500 - 600 ಟಾರ್ಗೆಟ್ ಎಂದ ಸರ್ಫರಾಜ್!

316ರನ್​ಗಳಿಂದ ಜಯಗಳಿಸಬೇಕು ಎಂಬುದ ಸುಲಭದ ಮಾತಲ್ಲ. ಮೊದಲು ಬ್ಯಾಟಿಂಗ್​ ಆಯ್ದುಕೊಂಡು 500 ರಿಂದ 600 ರನ್​ ಗಳಿಸಿದರೆ ಮಾತ್ರ ಇಷ್ಟು ರನ್​ಗಳ ಅಂತರದಲ್ಲಿ ಗೆಲುವು ಸಾಧಿಸಲು ಸಾಧ್ಯ ಎಂದು ಪಾಕ್​ ತಂಡದ ನಾಯಕ ಹೇಳಿದ್ದಾರೆ.

ಲಂಡನ್​: ರಿಚರ್ಡ್​ ಕೆಟೆಲ್ಬರೊ ಮೈದಾನದಲ್ಲಿ ನಡೆಯುವ ಬಾಂಗ್ಲಾ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಟಾಸ್​ ಗೆದ್ದರೆ ಬಾಂಗ್ಲಾ ತಂಡಕ್ಕೆ 500 ರಿಂದ 600ರನ್​ ಟಾರ್ಗೆಟ್​ ನೀಡುತ್ತೇವೆ ಎಂದು ಪಾಕ್​ ತಂಡದ ನಾಯಕ ಸರ್ಫರಾಜ್​ ಅಹ್ಮದ್​ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ನಿನ್ನೆ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸರ್ಫರಾಜ್, 316 ರನ್​ಗಳಿಂದ ಜಯಗಳಿಸಬೇಕು ಎಂಬುದ ಸುಲಭದ ಮಾತಲ್ಲ. ಮೊದಲು ಬ್ಯಾಟಿಂಗ್​ ಆಯ್ದುಕೊಂಡು 500 ರಿಂದ 600 ರನ್​ ಗಳಿಸಿದರೆ ಮಾತ್ರ ಇಷ್ಟು ರನ್​ಗಳ ಅಂತರದಲ್ಲಿ ಗೆಲುವು ಸಾಧಿಸಲು ಸಾಧ್ಯ. ನಾವು ಕೂಡ ಉತ್ತಮ ಟಾರ್ಗೆಟ್​ ನೀಡುತ್ತೇವೆ ಎಂದು ಸರ್ಫರಾಜ್​ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಒಂದು ವೇಳೆ ಪಾಕ್​ ತಂಡ ಮೊದಲು ಬ್ಯಾಟಿಂಗ್​ ನಡೆಸಿ 350 ರನ್​ ಗಳಿಸಿದ್ರೆ, 311 ರನ್​ಗಳ ಅಂತರದಿಂದ ಜಯ ಸಾಧಿಸಬೇಕು. 400 ರನ್​ಗಳಿಸಿದ್ರೆ 316 ರನ್​ಗಳ ಅಂತರದಿಂದ ಜಯ ಸಾಧಿಸಬೇಕು. 450 ರನ್​ ಗಳಿಸಿದ್ರೆ 321 ರನ್​ಗಳ ಅಂತರದಿಂದ ಗೆಲುವು ದಾಖಲಿಸಿದ್ರೆ ಮಾತ್ರ ಉತ್ತಮ ರನ್​ರೇಟ್​ ಆಧಾರದ ಮೇಲೆ ಸೆಮಿಫೈನಲ್​ ತಲುಪುವ ಅವಕಾಶವಿದೆ.

ಬಾಂಗ್ಲಾ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡ್ರೆ ಪಾಕ್​ ಔಟ್​:
ಬಾಂಗ್ಲಾ ಏನಾದ್ರು ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ಕೆಮಾಡಿಕೊಂಡರೆ ಪಾಕಿಸ್ತಾನದ ಸೆಮಿಫೈನಲ್​ ಕನಸಿಗೆ ತಣ್ಣೀರು ಬೀಳಲಿದೆ.