ಇಂಗ್ಲೆಂಡ್: 2019ರ ವಿಶ್ವಕಪ್ ಟೂರ್ನಾಮೆಂಟ್ನ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡದ ವಿರುದ್ಧ ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿರುವ ಟೀಂ ಇಂಡಿಯಾ, ಮುಂದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವನ್ನ ಎದುರಿಸಲಿದೆ.
ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಪಂದ್ಯಕ್ಕಾಗಿ ಸ್ಟಾರ್ ಸ್ಪೋರ್ಟ್ಸ್ ಜಾಹೀರಾತೊಂದನ್ನ ಬಿಡುಗಡೆ ಮಾಡಿದ್ದು, 5 ವಿಶ್ವಕಪ್ ಗೆದ್ದಿರುವ ಆಸೀಸ್, ಟೀಂ ಇಂಡಿಯಾ ಕಾಲೆಳೆದಿದೆ.
ಜಾಹೀರಾತಿನಲ್ಲಿ ಏನಿದೆ :
ಟೀಂ ಇಂಡಿಯಾ ಜೆರ್ಸಿ ತೊಟ್ಟಿರುವ ವ್ಯಕ್ತಿ ತನ್ನ ಭುಜದ ಮೇಲೆ 2 ವಿಶ್ವಕಪ್ಗಳನ್ನ ಹಿಡಿದುಕೊಂಡು, ಪಾಕಿಸ್ತಾನ, ನ್ಯೂಜಿಲೆಂಡ್, ಇಂಗ್ಲೆಂಡ್, ಬಾಂಗ್ಲಾದೇಶ, ಶ್ರೀಲಂಕಾ, ದಕ್ಷಿಣ ಆಫ್ರಿಕಾ ತಂಡವನ್ನ ಅಣಕಿಸುತ್ತಿರುತ್ತಾನೆ. ಈ ವೇಳೆ ಹಿಂದಿನಿಂದ ಆಸೀಸ್ ಜೆರ್ಸಿ ತೊಟ್ಟ ವ್ಯಕ್ತಿ 5 ಕಪ್ಗಳನ್ನ ಹಿಡಿದುಕೊಂಡು ಬಂದು ಟೀಂ ಇಂಡಿಯಾವನ್ನ ಅಣಕಿಸುತ್ತಾನೆ.
ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ತಂಡದ ಮೌಕಾ ಮೌಕಾ ಜಾಹೀರಾತು ಸಖತ್ ಸದ್ದು ಮಾಡುತ್ತಿತ್ತು. ಆದರೆ, ಈ ಭಾರಿ ಆಸ್ಟ್ರೇಲಿಯಾ ಮತ್ತು ಭಾರತ ತಂಡದ ಪಂದ್ಯಕ್ಕಾಗಿ ಸ್ಟಾರ್ ಸ್ಪೋರ್ಟ್ಸ್ ಬಿಡುಗಡೆ ಮಾಡಿರುವ ಈ ನೂತನ ಜಾಹೀರಾತು ಸಖತ್ ಸದ್ದು ಮಾಡುತ್ತಿದೆ.ಇದೇ ಜೂನ್ 9 ರಂದು ಇಂಗ್ಲೆಂಡ್ನ ಓವೆಲ್ ಗ್ರೌಂಡ್ನಲ್ಲಿ ಆಸೀಸ್ ಮತ್ತು ಟೀಂ ಇಂಡಿಯಾ ಮುಖಾಮುಖಿಯಾಗುತ್ತಿವೆ.
