ಕಿಂಗ್​ ಕೊಹ್ಲಿ ಫೋಟೋ ಪೋಸ್ಟ್​ ಮಾಡಿದ ಐಸಿಸಿ.. ಟ್ವಿಟಿಗರಿಂದ ಪರ-ವಿರೋಧದ ಬ್ಯಾಟಿಂಗ್‌

ರಾಜನಂತೆ ಕಿರೀಟ ತೊಟ್ಟು ಕೈಯಲ್ಲಿ ಬ್ಯಾಟ್​ ಮತ್ತು ಬಾಲ್​ ಹಿಡಿದು ಸಿಂಹಾಸನದ ಮೇಲೆ ವಿರಾಜಮಾನವಾಗಿರುವ ಟೀಂ ಇಂಡಿಯಾ ನಾಯಕ ವಿರಾಟ್​ ಕೊಹ್ಲಿ ಪೋಟೋವನ್ನ ಐಸಿಸಿ ಪೋಸ್ಟ್​ ಮಾಡಿದ್ದು, ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ.

ನವದೆಹಲಿ:ದಕ್ಷಿಣ ಆಫ್ರಿಕಾ ವಿರುದ್ಧದ ಇವತ್ತಿನ ವಿಶ್ವಕಪ್​ ಕ್ರಿಕೆಟ್​ ಪಂದ್ಯಕ್ಕೂ ಮುನ್ನ ಐಸಿಸಿ ತನ್ನ ಟ್ವಿಟರ್​ ಖಾತೆಯಲ್ಲಿ ಪೋಸ್ಟ್​ ಮಾಡಿದ ವಿರಾಟ್​ ಕೊಹ್ಲಿ ಫೋಟೋ ಹಲವು ಟ್ವಿಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ರಾಜನಂತೆ ಕಿರೀಟ ತೊಟ್ಟು ಕೈಯಲ್ಲಿ ಬ್ಯಾಟ್​ ಮತ್ತು ಬಾಲ್​ ಹಿಡಿದು ಸಿಂಹಾಸನದ ಮೇಲೆ ವಿರಾಜಮಾನವಾಗಿರುವ ಟೀಂ ಇಂಡಿಯಾ ನಾಯಕ ವಿರಾಟ್​ ಕೊಹ್ಲಿ ಪೋಟೋವನ್ನ ಐಸಿಸಿ ತನ್ನ ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿದೆ. ಈ ಒಂದು ಫೋಟೋ ಹಲವರ ಕೆಂಗಣ್ಣಿಗೆ ಗುರಿಯಾಗಿದ್ದು, ಐಸಿಸಿ ವಿರುದ್ಧ ಆಕ್ರೋಶ ವ್ಯಕ್ಯಪಡಿಸುತ್ತಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್​ ಕೌನ್ಸಿಲ್​ ಯಾವುದೇ ತಾರತಮ್ಯ ಮಾಡದೆ ಎಲ್ಲಾ ತಂಡಗಳಿಗೂ ಸಮನಾದ ಪ್ರಾತಿನಿದ್ಯ ನೀಡಬೇಕು. ಭಾರತ ತಂಡಕ್ಕೆ ಏಕೆ ಈ ರೀತಿ ಬೆಂಬಲ ನೀಡುತ್ತಿದೆ ಗೊತ್ತಾಗುತ್ತಿಲ್ಲ ಎಂದು ಕಿಡಿಕಾರಿದ್ದಾರೆ.

ಇನ್ನೂ ಕೆಲವರು ಐಸಿಸಿ ಎಂದರೆ ಇಂಡಿಯನ್​ ಕ್ರಿಕೆಟ್​ ಕೌನ್ಸಿಲ್​ ಎಂದು ಕಾಲೆಳೆದಿದ್ದಾರೆ.

ಇತ್ತ ಐಸಿಸಿ ಪೋಸ್ಟ್​ಗೆ ಕೆಲವು ಅಭಿಮಾನಿಗಳು ಸಂತಸ ವ್ಯಕ್ತಪಡಿಸುತ್ತಿದ್ದು ಕಾಲೆಳೆದವರಿಗೆ ಉತ್ತರ ನೀಡುತ್ತಿದ್ದಾರೆ.