ಅಪ್ಪನಂತೆಯೇ ಮಗಳು: ಝಾನ್ಸಿ ರಾಣಿ ಅವತಾರದಲ್ಲಿ ಕಾಣಿಸಿಕೊಂಡ ಜೀವಾ ಧೋನಿ..ವಿಡಿಯೋ

ಸ್ವಾತಂತ್ರ್ಯ ದಿನದ ಪ್ರಯುಕ್ತ ಲಡಾಕ್​ಗೆ ತೆರಳಿ ಅಲ್ಲಿ ಸೈನಿಕರ ಆಸ್ಪತ್ರಗೆ ತೆರಳಿ ಸೈನಿಕರೊಂದಿಗೆ ಅರ್ಥಪೂರ್ಣ ಸಮಯ ಕಳೆಯುತ್ತಿದ್ದಾರೆ. ಇತ್ತ ಧೋನಿಯ ಮಗಳು ತನ್ನ ಶಾಲೆಯ 73 ನೇ ಸ್ವಾಂತಂತ್ರ್ಯ ದಿನಾಚಾರಣೆ ವೇಳೆ ಝಾನ್ಸಿರಾಣಿ ಲಕ್ಷ್ಮಿಬಾಯಿ ಅವರ ವೇಷಭೂಷಣ ತೊಟ್ಟು ನೃತ್ಯ ಮಾಡುವ ಮೂಲಕ ಅಪ್ಪನಂತೆ ತಾನೂ ಕೂಡ ದೇಶಪ್ರೇಮಿ ಎಂಬುದನ್ನು ಸಾಬೀತು ಮಾಡಿದ್ದಾಳೆ.

ನವದೆಹಲಿ: ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್​ ಧೋನಿ ಕ್ರಿಕೆಟ್​ನಿಂದ ರಜೆ ಪಡೆದು ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುವ ಮೂಲಕ ದೇಶಪ್ರೇಮ ಮೆರೆದಿದ್ದರು.

ಸ್ವಾತಂತ್ರ್ಯ ದಿನದ ಪ್ರಯುಕ್ತ ಲಡಾಕ್​ನ ಸೈನಿಕರ ಆಸ್ಪತ್ರೆಗೆ ತೆರಳಿ ಸೈನಿಕರೊಂದಿಗೆ ಅರ್ಥಪೂರ್ಣ ಸಮಯ ಕಳೆಯುತ್ತಿದ್ದಾರೆ. ಇತ್ತ ಧೋನಿಯ ಮಗಳು ತನ್ನ ಶಾಲೆಯ 73 ನೇ ಸ್ವಾಂತಂತ್ರ್ಯ ದಿನಾಚಾರಣೆ ವೇಳೆ ಝಾನ್ಸಿರಾಣಿ ಲಕ್ಷ್ಮಿಬಾಯಿ ಅವರ ವೇಷಭೂಷಣ ತೊಟ್ಟು ನೃತ್ಯ ಮಾಡುವ ಮೂಲಕ ಅಪ್ಪನಂತೆ ತಾನೂ ಕೂಡ ದೇಶಪ್ರೇಮಿ ಎಂಬುದನ್ನು ಸಾಬೀತು ಮಾಡಿದ್ದಾಳೆ. ಈ ವಿಡೀಯೋ ಸಾಮಾಜಿಕ ಜಾಲಾತಾಣದಲ್ಲಿ ಮೆಚ್ಚುಗೆಗೆ ಪಾತ್ರವಾಗಿದೆ.

ಧೋನಿಯಂತೆ ಇನ್​ಸ್ಟಾಗ್ರಾಂನ್ಲಲಿ ಲಕ್ಷಾಂತರ ಅಭಿಮಾನಿಗಳನ್ನು ಗಳಿಸಿಕೊಂಡಿರುವ ಜೀವಾ ಸ್ವಾತಂತ್ರ್ಯ ಹೋರಾಟಗಾರರ ವೇಷ-ಭೂಷಣದಲ್ಲಿ ಇತರ ಮಕ್ಕಳೊಂದಿಗೆ ಸ್ವಾಂತಂತ್ರ್ಯ ದಿನದದಂದು ನೃತ್ಯ ಮಾಡಿದ್ದಾರೆ. ಈ ವಿಡೀಯೋ ಸದ್ಯ ಸಾಮಾಜಿಕ ಜಾಲಾತಣಾದಲ್ಲಿ ವೈರಲ್​ ಆಗುತ್ತಿದೆ.

ಮುದ್ದಾಗಿ ಕಾಣುವ 4 ವರ್ಷದ ಜೀವಾ ಲಕ್ಷ್ಮಿಭಾಯಿ ಅವತಾರದಲ್ಲಿ ಕತ್ತಿ, ಗುರಾಣಿ ಹಿಡಿದು ನಿಂತಿರುವ ಫೋಟೋ ಹಾಗೂ ವಿಡಿಯೋಗಳು ಇಂಟರ್​ನೆಟ್​ನಲ್ಲಿ ಸದ್ದು ಮಾಡುತ್ತಿವೆ. ಇತರ ಮಕ್ಕಳು ಕೂಡ ಮಹಾತ್ಮ ಗಾಂಧಿ, ನೆಹರು, ನೇತಾಜಿ ಸುಭಾಶ್​ ಚಂದ್ರ ಬೋಸ್​, ಭಗತ್​ ಸಿಂಗ್​, ಚಂದ್ರಶೇಖರ್ ಅಜಾದ್​ರಂತೆ ವೇಷಭೂಷಣ ತೊಟ್ಟು ನನ್ಹಾ ಮುನ್ನ ರಾಹಿ ಹೂನ್​, ದೇಶ್​ ಕ ಸಿಪಾಯಿ ಹೂನ್​ ಎಂಬ ಬಾಲಿವುಡ್ ಗೀತೆಗೆ ನೃತ್ಯ ಮಾಡಿದ್ದಾರೆ.​