ಪಾಕಿಸ್ತಾನಕ್ಕೆ ಮುಖಭಂಗ: ರೋಚಕ ಸೂಪರ್​ ಓವರ್​ನಲ್ಲಿ ಗೆದ್ದು ಬೀಗಿದ ಜಿಂಬಾಬ್ವೆ

ಜಿಂಬಾಬ್ವೆ ತಂಡ ಪಾಕಿಸ್ತಾನದ ವಿರುದ್ಧ ನಡೆದ ಕೊನೆಯ ಏಕದಿನ ಪಂದ್ಯದಲ್ಲಿ ಟೈ ಸಾಧಿಸಿತು. ಆದರೆ ಸೂಪರ್​ ಓವರ್​ನಲ್ಲಿ ಗೆಲುವು ಸಾಧಿಸುವ ಮೂಲಕ ವೈಟ್​ವಾಶ್​ ಮುಖಭಂಗದಿಂದ ತಪ್ಪಿಸಿಕೊಂಡಿದೆ.

ರಾವಲ್ಪಿಂಡಿ: ಪಾಕಿಸ್ತಾನ ವಿರುದ್ಧ ಆತಿಥೇಯ ಜಿಂಬಾಬ್ವೆ ತಂಡ ಕೊನೆಯ ಏಕದಿನ ಪಂದ್ಯದಲ್ಲಿ ಸೂಪರ್​ ಓವರ್​ನಲ್ಲಿ ಜಯ ಸಾಧಿಸಿದೆ. ಈ ಮೂಲಕ ಸರಣಿಯಲ್ಲಿ ವೈಟ್​ವಾಷ್ ಮುಖಭಂಗವನ್ನು ತಪ್ಪಿಸಿಕೊಂಡಿದೆ.

ರಾವಲ್ಪಿಂಡಿಯಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಜಿಂಬಾಬ್ವೆ ಸೀನ್ ವಿಲಿಯಮ್ಸ್​ 118(135 ಎಸೆತ), ಬ್ರೆಂಡನ್ ಟೇಲರ್​ 56(68), ಮಾಧೆವರ್​ 33(31) ಹಾಗೂ ಸಿಕಂದರ್​ ರಾಝಾ 45(36) ರನ್​ಗಳ ನೆರವಿನಿಂದ 50 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 278 ರನ್ ​ಗಳಿಸಿತ್ತು.

ಪಾಕ್ ​ಪರ ಮೊಹಮ್ಮದ್ ಹಸ್​ನೈನ್​ 26ಕ್ಕೆ 5 ವಿಕೆಟ್ ಪಡೆದು ಮಿಂಚಿದರು.

279 ರನ್​ಗಳ ಗುರಿ ಪಡೆದ ಪಾಕಿಸ್ತಾನ ಬಾಬರ್ ಅಜಮ್​ ಶತಕ(125) ಹಾಗೂ ವಹಾಬ್ ರಿಯಾಜ್​ ಅರ್ಧಶತಕ(52) ಹಾಗೂ ಕೊನೆಯ ಓವರ್​ನಲ್ಲಿ ಮೊಹಮ್ಮದ್​ ಮೂಸ(3 ಎಸೆತಗಳಲ್ಲಿ 9) ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಟೈ ಸಾಧಿಸಿತ್ತು.

ಆದರೆ ಸೂಪರ್​ ಓವರ್​ನಲ್ಲಿ ಪಾಕಿಸ್ತಾನ 4 ಎಸೆತಗಳಲ್ಲಿ 2 ವಿಕೆಟ್​ ಕಳೆದುಕೊಂಡು 2 ರನ್​ ಗಳಿಸಿತ್ತು. 3 ರನ್​ಗಳ ಗುರಿಯನ್ನ ಜಿಂಬಾಬ್ವೆ 3 ಎಸೆತಗಳಲ್ಲಿ 5 ರನ್ ​ಗಳಿಸಿ ಗೆಲುವಿನ ನಗೆ ಬೀರಿತು.

ಜಿಂಬಾಬ್ವೆ ಪರ ಅದ್ಭುತ ಬೌಲಿಂಗ್ ಪ್ರದರ್ಶನ ತೋರಿದ ಬ್ಲೆಸಿಂಗ್​ ಮುಜರಬನಿ 5 ವಿಕೆಟ್ ಮತ್ತು ಸೂಪರ್​ ಓವರ್​ನಲ್ಲಿ 2 ವಿಕೆಟ್​ ಪಡೆದು ಮಿಂಚಿದರು. ರಿಚರ್ಡ್​ ಎನ್​ಗರವ 2 ಹಾಗೂ ಟ್ರಿಪಾನೋ 2 ವಿಕೆಟ್​ ಪಡೆದರು.