ಗೆಳತಿಯೊಂದಿಗೆ ನಿಶ್ಚಿತಾರ್ಥ: ಸಾಮಾಜಿಕ ಜಾಲತಾಣದಲ್ಲಿ ಚಹಾಲ್ ಸಿಹಿಸುದ್ದಿ​

ಇತ್ತೀಚಿಗೆ ಟೀಮ್​ ಇಂಡಿಯಾ ಆಲ್​ರೌಂಡರ್​ ತಂದೆಯಾಗುವ ಮೂಲಕ ಕ್ರಿಕೆಟ್​ ಅಭಿಮಾನಿಗಳಿಗೆ ಸಿಹಿಸುದ್ದಿ ನೀಡಿದ್ದರು. ಇದೀಗ ಮತ್ತೊಬ್ಬ ಟೀಮ್ ಇಂಡಿಯಾ ಸ್ಟಾರ್​ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗುತ್ತಿದ್ದಾರೆ.

ನವದೆಹಲಿ: ಭಾರತದ ಸ್ಟಾರ್​ ಸ್ಪಿನ್​ ಬೌಲರ್​ ತಮ್ಮ ಗೆಳತಿ ಧನಶ್ರೀ ವರ್ಮಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿರುವ ವಿಚಾರವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಯಜುವೇಂದ್ರ ಚಹಾಲ್​

ಟ್ವಿಟರ್​ನಲ್ಲಿ ತಮ್ಮ ಎಂಗೇಜ್​ಮೆಂಟ್​ ವಿಷಯವನ್ನು ಹಂಚಿಕೊಂಡಿರುವ ಚಹಾಲ್ ಎರಡು ಮನೆಯವರ ಸಮ್ಮುಖದಲ್ಲಿ ತಾವೂ ನಿಶ್ಚಿತಾರ್ಥ ಮಾಡಿಕೊಂಡಿದ್ದೇವೆ ಎಂದು ಟ್ವೀಟ್​ ಮಾಡಿದ್ದಾರೆ.

ಕಳೆದ ಕೆಲವು ದಿನಗಳಿಂದ ಧನಶ್ರೀ ವರ್ಮಾರೊಂದಿಗೆ ಶಾಪಿಂಗ್​ ಕಾಂಪ್ಲೆಕ್ಸ್​ಗಳಲ್ಲಿ ಸುತ್ತಾಡಿದ್ದ ಫೋಟೋಗಳನ್ನು ಚಹಾಲ್ ತಮ್ಮ ಇನ್ಸ್ಟಾಗ್ರಾಮ್​ನ ಸ್ಟೇಟಸ್​ಗಳನ್ನು ಹಂಚಿಕೊಂಡಿದ್ದರು. ಧನಶ್ರೀ ಅವರ ಇನ್ಸ್ಟಾಗ್ರಾಮ್​ ಬಯೋಡೇಟ ಪ್ರಕಾರ ಅವರು ವೃತ್ತಿಯಲ್ಲಿ ವೈದ್ಯರಾಗಿದ್ದಾರೆ. ಜೊತೆಗೆ ಕೊರಿಯೋಗ್ರಾಫರ್​ ಎಂದು ತಿಳಿದುಬಂದಿದೆ.