ಟ್ವಿಟರ್​ನಲ್ಲಿ ಅಖ್ತರ್‌ ಕಾಲೆಳೆದ ಯುವರಾಜ್​ ಸಿಂಗ್​.. ಯಾಕೆ ಗೊತ್ತಾ?

ಇಂಗ್ಲೆಂಡ್​ ವೇಗಿ ಜೋಫ್ರಾ ಆರ್ಚರ್ ಎಸೆದ ಬೌನ್ಸರ್​​ ಆಸ್ಟ್ರೇಲಿಯಾದ ಸ್ಟಿವ್​ ಸ್ಮಿತ್​ಗೆ ಕುತ್ತಿಗೆಗೆ ಬಿದ್ದು ಗಾಯಗೊಂಡಿದ್ದರು. ಈ ವೇಳೆ ಆರ್ಚರ್​ ಸ್ಮಿತ್​ರನ್ನು ನೋಡಿ ನಗುತ್ತಾ ನಿಂತಿದ್ದನ್ನು ಪಾಕಿಸ್ತಾನ ಮಾಜಿ ವೇಗಿ ಶೋಯಬ್​ ಅಖ್ತರ್​ ಖಂಡಿಸಿದ್ದಾರೆ.

ಲಂಡನ್​:ಇಂಗ್ಲೆಂಡ್​ ವೇಗಿ ಜೋಫ್ರಾ ಆರ್ಚರ್ ಎಸೆದ ಬೌನ್ಸರ್​​ ಆಸ್ಟ್ರೇಲಿಯಾದ ಸ್ಟಿವ್​ ಸ್ಮಿತ್​ಗೆ ಕುತ್ತಿಗೆಗೆ ಬಿದ್ದು ಗಾಯಗೊಂಡಿದ್ದರು. ಈ ವೇಳೆ ಆರ್ಚರ್​ ಸ್ಮಿತ್​ರನ್ನು ನೋಡಿ ನಗುತ್ತಾ ನಿಂತಿದ್ದನ್ನು ಪಾಕಿಸ್ತಾನ ಮಾಜಿ ವೇಗಿ ಶೋಯಬ್​ ಅಖ್ತರ್​ ಖಂಡಿಸಿದ್ದಾರೆ.

ಬೌನ್ಸರ್​ ಆಟದ ಒಂದು ಭಾಗ. ಆದರೆ, ಒಬ್ಬ ಬೌಲರ್​ ಎಸೆದ ಬೌನ್ಸರ್​ ಬ್ಯಾಟ್ಸ್​ಮನ್​ ತಲೆಗೆ ಅಪ್ಪಳಿಸಿ ಆತ ಕೆಳಗೆ ಬಿದ್ದರೆ, ಮೊದಲು ಬೌಲರ್​ ಆತನ ಬಳಿ ಹೋಗಿ ವಿಚಾರಿಸಬೇಕು. ನಾನು ನನ್ನ ಸಮಯದಲ್ಲಿ ಅದನ್ನೇ ಮಾಡುತ್ತಿದ್ದೆ. ಆದರೆ, ನಾನು ನೋಡಿದಂತೆ ಆರ್ಚರ್​ ಸ್ಮಿತ್​ರಿಂದ ದೂರ ಹೋಗಿ ನಿಂತಿದ್ದರು ಎಂದು ಟ್ವೀಟ್​ ಮಾಡಿ ತಮ್ಮ ಆಕ್ರೋಶ ಹೊರಹಾಕಿದ್ದರು.

ಅಖ್ತರ್​ ಅಲ್ಲದೆ ಆರ್ಚರ್​ ವರ್ತನೆಯನ್ನು ಹಲವಾರು ಕ್ರಿಕೆಟಿಗರು, ಕ್ರೀಡಾಭಿಮಾನಿಗಳು ಖಂಡಿಸಿದ್ದರು. ಆದರೆ, ಈ ಟ್ವೀಟ್​ಗೆ ಪ್ರತಿಕ್ರಿಯಿಸಿರುವ ಯುವರಾಜ್​ ಸಿಂಗ್​ ಅಖ್ತರ್​ ಕಾಲೆಳೆದಿದ್ದಾರೆ.

ಅಖ್ತರ್​ ನಾನು ಬ್ಯಾಟ್ಸ್​ಮನ್​ ಬಳಿ ಹೋಗಿ ವಿಚಾರಿಸುತ್ತಿದ್ದೆ ಎಂದಿರುವುದಕ್ಕೆ ಯುವರಾಜ್​, "ಹೌದು, ನೀವು ಬ್ಯಾಟ್ಸ್​ಮನ್ ಬಳಿ ಹೋಗಿ​, ನೀವು ಚೆನ್ನಾಗಿದ್ದೇನೆಂದು ಭಾವಿಸಿದ್ದೇನೆ, ಇನ್ನೂ ಕೆಲವು ಬೌನ್ಸರ್​ ಬರುತ್ತವೆ ಎಂದು ಹೇಳುತ್ತಿದ್ರಿ" ಎಂದು ಟ್ವೀಟ್​ ಮಾಡಿ ಅಖ್ತರ್​ ಕಾಲೆಳೆದಿದ್ದಾರೆ.