ನೀವು ಕಠಿಣ ಎದುರಾಳಿ, ನಿಜವಾದ ಜಂಟಲ್​ಮ್ಯಾನ್​: ಧೋನಿಗೆ ಸ್ಟಿವ್​ಸ್ಮಿತ್​ ಅಭಿನಂದನೆ

ಪ್ರಸ್ತುತ ಐಪಿಎಲ್​ ಚಾಂಪಿಯನ್ ಆಗಿರುವ ಮುಂಬೈ ತಂಡದ ನಾಯಕ ರೋಹಿತ್,​ ರನ್ನರ್​ ಅಪ್​ ಸಿಎಸ್​ಕೆ ನಾಯಕ ಧೋನಿ ಇನ್ನೆರಡು ವರ್ಷಗಳ ಕಾಲ ಐಪಿಎಲ್​ನಲ್ಲಿ ಆಡುವುದನ್ನು ನೋಡುವುದನ್ನು ನಿರೀಕ್ಷಿಸುತ್ತೇನೆ- ಸ್ಟಿವ್ ಸ್ಮಿತ್

ನವದೆಹಲಿ:ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ ಭಾರತ ತಂಡದ ಮಾಜಿ ನಾಯಕ ಎಂ.ಎಸ್.​ ಧೋನಿಗೆ ಆಸ್ಟ್ರೇಲಿಯಾದ ಮಾಜಿ ನಾಯಕ ಸ್ಟಿವ್​ ಸ್ಮಿತ್​ ಟ್ವೀಟ್​ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.

'ನಿಮ್ಮ ಅಂತಾರಾಷ್ಟ್ರೀಯ ಕ್ರಿಕೆಟ್ ಜರ್ನಿ ಅದ್ಭುತವಾಗಿದೆ. ನೀವೊಬ್ಬ ನಂಬಲಸಾಧ್ಯವಾದ ಕಠಿಣ ಎದುರಾಳಿ. ಯಾವಾಗಲೂ ನಾನು ಮೆಚ್ಚಿಕೊಳ್ಳುವ ಆಟಗಾರ. ಪುಣೆ ತಂಡದಲ್ಲಿ ಕೆಲವು ವರ್ಷಗಳ ಕಾಲ ನಿಮ್ಮೊಂದಿಗೆ ಆಟವಾಡಿರುವುದಕ್ಕೆ ಬಹಳ ಸಂತೋಷವಿದೆ. ನಿಜವಾದ ಜಂಟಲ್​ಮ್ಯಾನ್​. ನಿಮ್ಮ ನಿವೃತ್ತಿ ಜೀವನ ಸುಖಮಯವಾಗಿರಲಿ' ಎಂದು ಸ್ಮಿತ್​ ತಮ್ಮ ಇನ್ಸ್ಟಾಗ್ರಾಮ್​ನಲ್ಲಿ ಬರೆದಿದ್ದಾರೆ. ಧೋನಿ ಜೊತೆ ಇರುವ ಫೋಟೋವನ್ನು ಅವರು ಶೇರ್​ ಮಾಡಿದ್ದಾರೆ.

ಕ್ರಿಕೆಟ್​ ಬೆಟ್ಟಿಂಗ್​ ಪ್ರಕರಣದಲ್ಲಿ ಸಿಲುಕಿ ಚೆನ್ನೈ ಸೂಪರ್ ​ಕಿಂಗ್ಸ್​ ತಂಡ 2016 ಮತ್ತು 2017ರಲ್ಲಿ 2 ವರ್ಷ ನಿಷೇಧಕ್ಕೊಳಗಾಗಿತ್ತು. ಈ ವೇಳೆ ಧೋನಿ ಹಾಗೂ ಸ್ಮಿತ್​ ಇಬ್ಬರೂ ಪುಣೆ ಸೂಪರ್​ ಜೇಂಟ್ಸ್​ ತಂಡದ ಪರ ಆಡಿದ್ದರು. 2017ರಲ್ಲಿ ಸ್ಮಿತ್ ನಾಯಕತ್ವದಲ್ಲಿ ರೈಸಿಂಗ್ ಪುಣೆ ತಂಡದ ಫೈನಲ್​ ಪ್ರವೇಶಿಸಿತ್ತಾದರೂ 1 ರನ್​ನಿಂದ ಮುಂಬೈ ಇಂಡಿಯನ್ಸ್​ ವಿರುದ್ಧ ಸೋಲು ಕಾಣುವ ಮೂಲಕ ನಿರಾಶೆ ಅನುಭವಿಸಿತ್ತು.