ಮಹಿಳಾ ಟಿ20 ಚಾಲೆಂಜ್​ನಲ್ಲಿ ಮಿಂಚಲಿರುವ ಟಾಪ್ 5 ಭಾರತೀಯ ಆಟಗಾರ್ತಿಯರು

ಮಹಿಳಾ ಟಿ20 ಚಾಲೆಂಜ್​ ನವೆಂಬರ್​ 4 ರಿಂದ 9ರವರೆಗೆ ಶಾರ್ಜಾದಲ್ಲಿ ನಡೆಯಲಿದೆ. ಈ ಟೂರ್ನಿಯಲ್ಲಿ ಟ್ರೈಲ್​ಬ್ಲೇಜರ್ಸ್​, ಸೂಪರ್​ನೊವಾಸ್​ ಹಾಗೂ ವೆಲಾಸಿಟಿ ತಂಡಗಳು ಭಾಗವಹಿಸಲಿವೆ. ಈ ತಂಡಗಳನ್ನು ಕ್ರಮವಾಗಿ ಸ್ಮೃತಿ ಮಂಧಾನ, ಹರ್ಮನ್​ಪ್ರೀತ್ ಕೌರ್​ ಹಾಗೂ ಮಿಥಾಲಿ ರಾಜ್​ ಮುನ್ನಡೆಸಲಿದ್ದಾರೆ.

ಶಾರ್ಜಾ:ಸುದೀರ್ಘ ಸಮಯದ ನಂತರ ಭಾರತೀಯ ಮಹಿಳಾ ಕ್ರಿಕೆಟಿಗರು ಟಿ20 ಚಾಲೆಂಜ್ ಮೂಲಕ ಮತ್ತೆ ಮೈದಾನಕ್ಕೆ ಕಣಕ್ಕಿಳಿಯಲಿದ್ದಾರೆ. ಈ 4 ಪಂದ್ಯಗಳಲ್ಲಿ ಟೂರ್ನಿಯಲ್ಲಿ ಭಾರತ ತಂಡದ ಪ್ರಸಿದ್ಧ ಆಟಗಾರ್ತಿಯರು ಭಾಗವಹಿಸಲಿದ್ದಾರೆ.

ಮಹಿಳಾ ಟಿ20 ಚಾಲೆಂಜ್​ ನವೆಂಬರ್​ 4 ರಿಂದ 9ರವರೆಗೆ ಶಾರ್ಜಾದಲ್ಲಿ ನಡೆಯಲಿದೆ. ಈ ಟೂರ್ನಿಯಲ್ಲಿ ಟ್ರೈಲ್​ಬ್ಲೇಜರ್ಸ್​, ಸೂಪರ್​ನೊವಾಸ್​ ಹಾಗೂ ವೆಲಾಸಿಟಿ ತಂಡಗಳು ಭಾಗವಹಿಸಲಿವೆ. ಈ ತಂಡಗಳನ್ನು ಕ್ರಮವಾಗಿ ಸ್ಮೃತಿ ಮಂಧಾನ, ಹರ್ಮನ್​ಪ್ರೀತ್ ಕೌರ್​ ಹಾಗೂ ಮಿಥಾಲಿ ರಾಜ್​ ಮುನ್ನಡೆಸಲಿದ್ದಾರೆ.

ಈ ಟೂರ್ನಮೆಂಟ್​ಗೂ ಮುನ್ನ ಟೂರ್ನಿಯಲ್ಲಿ ಮಿಂಚಬಹುದಾದ ಟಾಪ್​ 5 ಆಟಗಾರರನ್ನು ಇಲ್ಲಿ ನೋಡಬಹುದು.

ಮಿಥಾಲಿ ರಾಜ್​(ವೆಲಾಸಿಟಿ)

ಮಹಿಳಾ ಕ್ರಿಕೆಟ್ ಜಗತ್ತಿನಲ್ಲಿ ಅತ್ಯುತ್ತಮ ಆಟಗಾರ್ತಿಯರಲ್ಲಿ ಒಬ್ಬರಾಗಿರುವ ಮಿಥಾಲಿರಾಜ್ ವೆಲಾಸಿಟಿ ತಂಡದ ನಾಯಕಿಯಾಗಿದ್ದಾರೆ. 37 ವರ್ಷದ ಆಟಗಾರ್ತಿ 2019 ಮಾರ್ಚ್​ನಲ್ಲಿ ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ್ದರು. ಅವರು 89 ಟಿ20 ಪಂದ್ಯಗಳಲ್ಲಿ 2364 ರನ್​ಗಳಿಸಿದ್ದಾರೆ. ಅವರ ಗರಿಷ್ಠ ಸ್ಕೋರ್​ 87 ಆಗಿದೆ.

ಶೆಫಾಲಿ ವರ್ಮಾ(ವೆಲಾಸಿಟಿ)

ಟಿ20 ಕ್ರಿಕೆಟ್​ನಲ್ಲಿ ಕ್ರಿಸ್​ಗೇಲ್​ ರೀತಿ ಬ್ಯಾಟಿಂಗ್ ಮಾಡುವ ಯುವ ಆಟಗಾರ್ತಿ ತಮ್ಮ ಸ್ಫೋಟಕ ಬ್ಯಾಟಿಂಗ್​ಅನ್ನು ಟೂರ್ನಮೆಂಟ್​ನಲ್ಲಿ ಮುಂದುವರಿಸಲಿದ್ದಾರೆ ಎಂಬ ನಿರೀಕ್ಷೆಯಿದೆ. 16 ವರ್ಷದ ಯುವ ಆಟಗಾರ್ತಿ ಭಾರತದ ಪರ ಟಿ20 ಕ್ರಿಕೆಟ್ ಆಡಿದ ಕಿರಿಯ ಆಟಗಾರ್ತಿ ಎಂಬ ದಾಖಲೆಗೆ ಪಾತ್ರರಾಗಿದ್ದರು. ಟಿ20 ವಿಶ್ವಕಪ್​ನಲ್ಲಿ ಅಬ್ಬರಿಸುವ ಮೂಲಕ ಟಿ20 ಶ್ರೇಯಾಂಕದಲ್ಲಿ ನಂಬರ್​ ಒನ್​ ಸ್ಥಾನಕ್ಕೇರಿದ್ದರು. ಟಿ20 ವಿಶ್ವಕಪ್​ನಲ್ಲಿ ಶೆಫಾಲಿ ಗರಿಷ್ಠ ಸಿಕ್ಸರ್​ಗಳಿಸಿದ ಬ್ಯಾಟರ್​ ಎನಿಸಿಕೊಂಡಿದ್ದರು.

ಜಮಿಮಾ ರೋಡ್ರಿಗಸ್​(ಸೂಪರ್​ನೊವಾಸ್​)

ಮುಂಬೈನ 20 ವರ್ಷದ ಪ್ರತಿಭಾನ್ವಿತ ಬ್ಯಾಟ್ಸ್​ವುಮನ್ ಜೆಮಿಮಾ 2019ರ ಮಹಿಳಾ ಟಿ20 ಚಾಲೆಂಜ್​ನಲ್ಲಿ ಗರಿಷ್ಠ ರನ್​ಗಳಿಸುವ ಮೂಲಕ ಟೂರ್ನಿ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು. ಇವರು ಸೂಪರ್ ನೊವಾಸ್​ನ ಪ್ರಮುಖ ಬ್ಯಾಟರ್ ಆಗಲಿದ್ದಾರೆ.

ಹರ್ಮನ್ ಪ್ರೀತ್ ಕೌರ್​(​ಸೂಪರ್​ನೊವಾಸ್​)

ಹರ್ಮನ್​ ಪ್ರೀತ್ ಕೌರ್​ ಮಹಿಳಾ ಟಿ20 ಚಾಲೆಂಜ್ ಇತಿಹಾಸದಲ್ಲೇ ಯಶಸ್ವಿ ಆಟಗಾರ್ತಿಯರಾಗಿದ್ದಾರೆ. ಇವರ ನೇತೃತ್ವದ ತಂಡ ಸತತವಾಗಿ 2 ಬಾರಿ ಚಾಂಪಿಯನ್ ಆಗಿದೆ. ಅವರು ಭಾರತದ ಪರ ಟಿ20ಯಲ್ಲಿ ಸೆಂಚುರಿ ಸಿಡಿಸಿದ ಮೊದಲ ಮಹಿಳಾ ಕ್ರಿಕೆಟಿಗೆ ಹಾಗೂ 100 ಟಿ20 ಪಂದ್ಯವನ್ನಾಡಿದ ಮೊದಲ ಆಟಗಾರ್ತಿ ಎಂಬ ದಾಖಲೆ ಹೊಂದಿದ್ದಾರೆ.

ಮಹಿಳಾ ಟಿ20 ಚಾಲೆಂಜ್​

ಸ್ಮೃತಿ ಮಂಧಾನ(ಟ್ರೈಲ್​ಬ್ಲೇಜರ್ಸ್​)

ಮಹಿಳಾ ಟಿ20 ಟೂರ್ನಿಯಲ್ಲೇ ಅತ್ಯಂತ ಕಿರಿಯ ನಾಯಕಿ ಎಂಬ ದಾಖಲೆಯನ್ನ ಸ್ಮೃತಿ ಮಂಧಾನ ಹೊಂದಿದ್ದಾರೆ. ಕಳೆದ ವರ್ಷದ ಸೋಲಿಗೆ ಸೇಡು ತೀರಿಸಿಕೊಳ್ಳುವ ಹಂಬಲದಲ್ಲಿದ್ದಾರೆ. ಮಂಧಾನ ಟಿ20 ವಿಶ್ವಕಪ್​ನಲ್ಲಿ 4 ಇನ್ನಿಂಗ್ಸ್​ಗಳಲ್ಲಿ ಕೇವಲ 49 ರನ್​ಗಳಿಸಿ ವಿಫಲರಾಗಿದ್ದರು. ಆದರೆ ಮಹಿಳಾ ಟಿ20 ಚಾಲೆಂಜ್​ ಮೂಲಕ ಮತ್ತೆ ಫಾರ್ಮ್​ ಕಳೆದುಕೊಳ್ಳುವ ನಿರೀಕ್ಷೆಯಲ್ಲಿ ಟ್ರೈಲ್​ಬ್ಲೇಜರ್ಸ್ ನಾಯಕಿಯಿದ್ದಾರೆ.

ಮಹಿಳಾ ಟಿ20 ಚಾಲೆಂಜ್ ಪಂದ್ಯಗಳು ಶಾರ್ಜಾ ಮೈದಾನದಲ್ಲಿ ನಡೆಯಲಿವೆ. ಸ್ಟಾರ್​ ಸ್ಫೋರ್ಟ್ಸ್​ ಮತ್ತು ಡೆಸ್ಟಿನಿ ಹಾಟ್​ಸ್ಟಾರ್​ನಲ್ಲಿ ನೇರಪ್ರಸಾರವಾಗಲಿದೆ.