ಟಾಸ್​ ಗೆದ್ದ ವಿಂಡೀಸ್​ ಬೌಲಿಂಗ್​ ಆಯ್ಕೆ: ಚಹಾಲ್​ಗೆ ಕೊಕ್, ಮೂವರು ಆಲ್​ರೌಂಡರ್ಸ್‌ಗೆ ಅವಕಾಶ

ಸ್ಪಿನ್​ ಸ್ನೇಹಿ ಪಿಚ್​ನಲ್ಲಿ ಭಾರತ ತಂಡದ ನಾಯಕ ಕೊಹ್ಲಿ ಭಾರತದ ಮಂಚೂಣಿ ಸ್ಪಿನ್ನರ್​ ಯಜುವೇಂದ್ರ ಚಹಾಲ್​​ಗೆ ಕೊಕ್​ ನೀಡಿ ಮೂವರು ಆಲ್​ರೌಂಡರ್​ಗೆ ಮಣೆ ಹಾಕಿದ್ದಾರೆ.

ಚೆನ್ನೈ: ಭಾರತ ಮತ್ತು ವೆಸ್ಟ್​ ಇಂಡೀಸ್​ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟಾಸ್​ ಗೆದ್ದ ವಿಂಡೀಸ್ ನಾಯಕ ಪೊಲಾರ್ಡ್​ ಬೌಲಿಂಗ್​ ಆಯ್ಕೆ ಮಾಡಿಕೊಂಡಿದ್ದಾರೆ.

ಚೆನ್ನೈನ ಎಂ.ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ 3 ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ಕೆಲವು ಮಹತ್ತರ ಬದಲಾವಣೆಗಳೊಂದಿಗೆ ಕಣಕ್ಕಿಳಿಯುತ್ತಿದೆ. ಸ್ಪಿನ್ನರ್ ಯಜುವೇಂದ್ರ ಚಹಾಲ್‌ ಅವರನ್ನು ಹೊರಗಿಟ್ಟು ಶಿವಂ ದುಬೆಗೆ ಅವಕಾಶ ನೀಡಿದೆ. ಕುಲ್ದೀಪ್​ ಯಾದವ್​ ಹಾಗೂ ಜಡೇಜಾ ತಂಡದ ಪ್ರಮುಖ ಸ್ಪಿನ್ನರ್​ಗಳಾಗಿ ಅವಕಾಶಗಿಟ್ಟಿಸಿಕೊಂಡಿದ್ದಾರೆ. ದೀಪಕ್​ ಚಹಾರ್​ ಕೂಡ ಏಕದಿನ ಕ್ರಿಕೆಟ್​ಗೆ ಮರಳಿದ್ದು ಮೊಹಮ್ಮದ್​ ಶಮಿ ಜೊತೆಯಲ್ಲಿ ಕಣಕ್ಕಿಳಿಯುತ್ತಿದ್ದಾರೆ. ಆಲ್​ರೌಂಡರ್​ ಕೋಟಾದಲ್ಲಿ ಕೇದಾರ್​ ಜಾದವ್​ ಹಾಗೂ ಶಿವಂ ದುಬೆ ಇದ್ದಾರೆ.

ಧವನ್​ ಅನುಪಸ್ಥಿತಿಯಲ್ಲಿ ರಾಹುಲ್​ ರೋಹಿತ್​ ಶರ್ಮಾರೊಂದಿಗೆ ಕಣಕ್ಕಿಳಿಯುತ್ತಿದ್ದಾರೆ. ಕೊಹ್ಲಿ ಜೊತೆಗೆ ಮಧ್ಯಮ ಕ್ರಮಾಂಕದಲ್ಲಿ ರಿಷಭ್​ ಪಂತ್​ ಹಾಗೂ ಶ್ರೇಯಸ್​ ತಮ್ಮ ಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ವಿಂಡೀಸ್​ ತಂಡದಲ್ಲಿ ಆರಂಭಿಕ ಬ್ಯಾಟ್ಸ್​ಮನ್​ ಇವಿನ್ ಲೆವಿಸ್​ ಗಾಯಕ್ಕೊಳಗಾಗಿರುವುದರಿಂದ ಸುನಿಲ್​ ಆ್ಯಂಬ್ರಿಸ್​ ಆರಂಭಿಕರಾಗಿ ಕಣಕ್ಕಿಳಿಯುತ್ತಿದ್ದಾರೆ.

ಭಾರತ ತಂಡ:ವಿರಾಟ್ ಕೊಹ್ಲಿ (ನಾಯಕ), ರೋಹಿತ್​ ಶರ್ಮಾ(ಉ.ನಾ) ಕೆ.ಎಲ್.​ ರಾಹುಲ್​, ಶ್ರೇಯಸ್​ ಅಯ್ಯರ್​, ರಿಷಭ್​ ಪಂತ್​, ಶಿವಂ ದುಬೆ, ಕೆದಾರ್​ ಜಾದವ್​,ರವೀಂದ್ರ ಜಡೇಜಾ, ಕುಲ್ದೀಪ್​ ಚಹಲ್​, ದೀಪಕ್​ ಚಹಾರ್​, ಮೊಹಮ್ಮದ್​ ಶಮಿ

ವೆಸ್ಟ್​ ಇಂಡೀಸ್​: ಶಾಯ್​ ಹೋಪ್​, ಸುನಿಲ್​ ಆ್ಯಂಬ್ರಿಸ್​, ಶಿಮ್ರಾನ್ ಹೆಟ್ಮಯರ್,ರಾಸ್ಟನ್​ ಚೇಸ್​, ನಿಕೋಲಸ್ ಪೂರನ್, ಕೀರನ್ ಪೊಲಾರ್ಡ್(ನಾಯಕ)​, ಜೇಸನ್ ಹೋಲ್ಡರ್, ಹೇಡನ್ ವಾಲ್ಶ್, ಶೆಲ್ಡನ್ ಕಾಟ್ರೆಲ್, ಕೆಸ್ರಿಕ್ ವಿಲಿಯಮ್ಸ್, ಅಲ್ಜಾರಿ ಜೋಸೆಪ್​, ಕೀಮೋ ಪಾಲ್​.