ಟ್ರಿನಿಡಾಡ್: ಭಾರಿ ಕುತೂಹಲ ಕೆರಳಿಸಿದ್ದ ಕೊನೆಯ ಅನಧಿಕೃತ ಟೆಸ್ಟ್ ಪಂದ್ಯವನ್ನು ಡ್ರಾ ಮಾಡಿಕೊಳ್ಳುವಲ್ಲಿ ಯಶ ಕಂಡ ವೆಸ್ಟ್ ಇಂಡೀಸ್ ಎ ತಂಡ ಸರಣಿ ಕ್ಲೀನ್ಸ್ವೀಪ್ ಮುಖಭಂಗದಿಂದ ಪಾರಾಗಿದೆ.
373 ರನ್ಗಳ ಟಾರ್ಗೆಟ್ ಪಡೆದಿದ್ದ ವಿಂಡೀಸ್ ಎ ಕೊನೆಯ ದಿನದಂತ್ಯದ ವೇಳೆಗೆ 6 ವಿಕೆಟ್ ಕಳೆದುಕೊಂಡು 314 ರನ್ಗಳಿಸಿ ಡ್ರಾ ಸಾಧಿಸಿತು.
ವಿಂಡೀಸ್ ತಂಡದ ಮಾಂಟ್ಸಿನ್ ಹಾಡ್ಜ್ 14, ಜೆರೆಮಿ ಸೊಲೋಜನೊ 92, ಬ್ರೆಂಡನ್ ಕಿಂಗ್ 77, ಸುನಿಲ್ ಆ್ಯಂಬ್ರಿಸ್ 69 ರನ್ಗಲಿಸಿ ವಿಂಡೀಸ್ ತಂಡವನ್ನು ಸೋಲಿನಿಂದ ಪಾರು ಮಾಡಿದರು. ಭಾರತದ ಶವಬಾಜ್ ನದೀಮ್ 5 ವಿಕೆಟ್ ಪಡೆದು ಮಿಂಚಿದರೂ ಗೆಲ್ಲಲು ಸಾಧ್ಯವಾಗಲಿಲ್ಲ.
ಭಾರತ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 201, ಎರಡನೇ ಇನ್ನಿಂಗ್ಸ್ನಲ್ಲಿ 365 ರನ್ಗಳಿಸಿತ್ತು. ವಿಂಡಿಸ್ ಮೊದಲ ಇನ್ನಿಂಗ್ಸ್ನಲ್ಲಿ ಕನ್ನಡಿಗ ಗೌತಮ್(6 ವಿಕೆಟ್) ದಾಳಿಗೆ ತತ್ತರಿಸಿ 194 ರನ್ಗಳಿಗೆ ಸರ್ವಪತನಗೊಂಡಿತು.
ಮೂರು ಪಂದ್ಯಗಳ ಸರಣಿಯಲ್ಲಿ ಮೊದಲೆರಡು ಪಂದ್ಯಗಳಲ್ಲಿ ಜಯ ಸಾಧಿಸಿದ್ದ ಭಾರತ ತಂಡ 2-0ಯಲ್ಲಿ ಅನಧಿಕೃತ ಟೆಸ್ಟ್ ಸರಣಿ ಜಯಿಸಿದೆ.