ಮುಂಬೈ :ಸಿಎಸ್ಕೆ ಎಲ್ಲಾ ವಿಭಾಗದಲ್ಲೂ ಉತ್ತಮ ಆಟಗಾರರನ್ನು ಹೊಂದಿದೆ. ಕಳೆದ ಆವೃತ್ತಿಯಲ್ಲಿ ಮರೆಯಾಗದ ಪ್ರದರ್ಶನದ ನಂತರ ಹೊಸದಾಗಿ ಪ್ರಾರಂಭಿಸಲು ಪ್ರಯತ್ನಿಸುತ್ತಿದೆ ಎಂದು ಚೆನ್ನೈ ಸೂಪರ್ ಕಿಂಗ್ಸ್ ಬ್ಯಾಟಿಂಗ್ ಕೋಚ್ ಮೈಜ್ ಹಸ್ಸಿ ಹೇಳಿದ್ದಾರೆ.
ಯುಎಇನಲ್ಲಿ ನಡೆದಿದ್ದ 2020ರ ಆವೃತ್ತಿಯಲ್ಲಿ ಮೂರು ಬಾರಿಯ ಚಾಂಪಿಯನ್ ಅಂಕಪಟ್ಟಿಯಲ್ಲಿ 7ನೇ ಸ್ಥಾನ ಪಡೆದು ಮೊದಲ ಬಾರಿಗೆ ಐಪಿಎಲ್ ಇತಿಹಾಸದಲ್ಲೇ ಪ್ಲೇ ಆಫ್ ತಲುಪದೇ ಹೊರಬಿದ್ದಿತ್ತು. "ನಮ್ಮ ತಂಡದ ಸಮತೋಲಿತವಾಗಿದೆ ಎಂದು ನಾನು ಭಾವಿಸುತ್ತೇನೆ.
ಅದು ಬಹುಪಾಲು ವಿಭಾಗದಲ್ಲೂ ತುಂಬಾ ಆಳ ಹೊಂದಿದೆ. ಜತೆಗೆ ಹುಡುಗರಿಗೂ ಒಳ್ಳೆಯ ಉತ್ಸಾಹ ಹೊಂದಿದೆ. ಉತ್ತಮ ರೀತಿಯಲ್ಲಿ ತಯಾರಿ ನಡೆಸುತ್ತಿದ್ದಾರೆ" ಎಂದು ಸಿಎಸ್ಕೆ ವೆಬ್ಸೈಟ್ಗೆ ಹಸ್ಸಿ ಹೇಳಿದ್ದಾರೆ. "ರಾಬಿನ್ ಉತ್ತಪ್ಪ, ಕೃಷ್ಣಪ್ಪ ಗೌತಮ್ ಮತ್ತು ಮೊಯಿನ್ ಅಲಿ ಅವರು ತಂಡ ಸೇರಿಕೊಂಡ ನಂತರ ಸಿಎಸ್ಕೆ ಉತ್ತಮ ಸಮತೋಲನ ಕಂಡುಕೊಂಡಿದೆ.