ಕೋಲ್ಕತಾ :ಭಾರತ ತಂಡದ ಮಾಜಿ ನಾಯಕ ಹಾಗೂ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ, ನಾಟ್ವೆಸ್ಟ್ ಫೈನಲ್ ಪಂದ್ಯ ತಮ್ಮ ವೃತ್ತಿ ಜೀವನದ ಅತ್ಯಂತ ಶ್ರೇಷ್ಠ ಪಂದ್ಯ ಎಂದು ಹೇಳಿಕೊಂಡಿದ್ದಾರೆ. ಜುಲೈ13, 2002ರಲ್ಲಿ ಗಂಗೂಲಿ ನೇತೃತ್ವದ ಯುವ ತಂಡ ಇಂಗ್ಲೆಂಡ್ ನೆಲದಲ್ಲಿ 326 ರನ್ಗಳ ಬೃಹತ್ ಮೊತ್ತವನ್ನು ಚೇಸ್ ಮಾಡಿ ನಾಟ್ವೆಸ್ಟ್ ಟ್ರೋಫಿ ಎತ್ತಿ ಹಿಡಿದಿತ್ತು.
ಮೊಹಮ್ಮದ್ ಕೈಫ್ ಆ ಪಂದ್ಯದಲ್ಲಿ 87 ರನ್ಗಳಿಸುವ ಮೂಲಕ ಅವಿಸ್ಮರಣೀಯ ಇನ್ನಿಂಗ್ಸ್ ಆಡಿದ್ದರು. ಅವರಿಗೆ ಸೂಕ್ತ ಬೆಂಬಲ ನೀಡಿದ್ದ ಯುವರಾಜ್ ಸಿಂಗ್ ಸಹಾ 69 ರನ್ಗಳಿಸಿದ ಭಾರತಕ್ಕೆ ಒಂದು ಅದ್ಭುತ ಗೆಲುವು ತಂದುಕೊಟ್ಟಿದ್ದರು. ಆ ಪಂದ್ಯವನ್ನು ಗೆಲ್ಲುತ್ತಿದ್ದಂತೆ ಗಂಗೂಲಿ ತಮ್ಮ ಜರ್ಸಿಯನ್ನು ಬಿಚ್ಚಿ ತಿರುಗಿಸುವ ಮೂಲಕ ಆ್ಯಂಡ್ರ್ಯೂ ಫ್ಲಿಂಟಾಫ್ ಅವರಿಗೆ ತಿರುಗೇಟು ನೀಡಿದ್ದರು.
"ಅದೊಂದು ಅದ್ಭುತ ಕ್ಷಣ, ಅದನ್ನು ನಾನು ಸಾಗಿಸಿಕೊಂಡು ಹೋಗುತ್ತಿದ್ದೇವೆ. ಆದರೆ, ಯಾವ ಕ್ರೀಡೆಯಲ್ಲಾದ್ರೂ ಅಂತಹ ಗೆಲುವು ಪಡೆದಾಗ, ನೀವು ಇನ್ನೂ ಹೆಚ್ಚಿನ ರೀತಿ ಸಂಭ್ರಮಿಸುತ್ತೀರಿ. ನಾನು ತಂಡದ ಭಾಗವಾಗಿದ್ದ ಕ್ರಿಕೆಟ್ನಲ್ಲಿ ಅದೊಂದು ಅತ್ಯದ್ಭುತ ಪಂದ್ಯವಾಗಿತ್ತು" ಎಂದು ಭಾರತದ ಟೆಸ್ಟ್ ಆರಂಭಿಕ ಬ್ಯಾಟ್ಸ್ಮನ್ ಮಯಾಂಂಕ್ ಅಗರ್ವಾಲ್ ಅವರು ಬಿಸಿಸಿಐ ಪೇಜ್ನಲ್ಲಿ ನಡೆಸಿದ ಲೈವ್ ಕಾರ್ಯಕ್ರಮದಲ್ಲಿ ದಾದಾ ಹೇಳಿಕೊಂಡಿಕೊಂಡಿದ್ದಾರೆ.