ಲೀಡ್ಸ್:ಏಕದಿನ ಕ್ರಿಕೆಟ್ನ ನಂಬರ್ ಒನ್ ಬೌಲರ್ ಆಗಿರುವ ಭಾರತ ತಂಡದ ಯಾರ್ಕರ್ ಕಿಂಗ್ ಬುಮ್ರಾ ತಮ್ಮ ಪ್ರದರ್ಶನದ ಬಗ್ಗೆ ಬೇರೊಬ್ಬರು ನೀಡುವ ಹೊಗಳಿಕೆ ಹಾಗೂ ತೆಗಳಿಕೆಗೆಗಳ ಬಗ್ಗೆ ನಾನು ತಲೆ ಕೆಡಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ.
ಶ್ರೀಲಂಕಾ ವಿರುದ್ಧ ನಡೆದ ವಿಶ್ವಕಪ್ ಕೊನೆಯ ಲೀಗ್ ಪಂದ್ಯದಲ್ಲಿ 3 ವಿಕೆಟ್ ಪಡೆಯುವ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ ವೇಗವಾಗಿ 100 ವಿಕೆಟ್ ಪಡೆದ ದಾಖಲೆಗೆ ಪಾತ್ರರಾದ ಬುಮ್ರಾ "ತಮ್ಮ ಪ್ರದರ್ಶನವನ್ನು ಕುರಿತು ಇತರರು ನೀಡುವ ಹೊಗಳಿಕೆ ಅಥವಾ ತೆಗೆಗಳಿಕೆಗಾಗಲಿ ನಾನು ಗಂಭೀರವಾಗಿ ಪರಿಗಣಿಸುವುದಿಲ್ಲ. ತಂಡಕ್ಕೆ ಒಳಿತಾಗುವುದರ ಕಡೆ ಮಾತ್ರ ಗಮನ ಹರಿಸುತ್ತೇನೆಂದು" ಎಂದಿದ್ದಾರೆ.
ತಂಡದ ಇತರೆ ಬೌಲರ್ಗಳಾದ ಪಾಂಡ್ಯ, ಶಮಿ ಜೊತೆಗೆ ತಾವು ಸ್ಪರ್ಧೆಯಲ್ಲಿದ್ದು, ಯಾರೇ ಆದರೂ ವಿಕೆಟ್ ಪಡೆದರೆ ನಾವೂ ಧನಾತ್ಮಕವಾಗಿ ತೆಗೆದುಕೊಳ್ಳುತ್ತೇವೆ. ಅವರನ್ನು ನಾನು, ನನ್ನನ್ನು ಅವರು ಬೆಂಬಲಿಸುವುದು ಸಾಮಾನ್ಯವಾಗಿದೆ. ಒಟ್ಟಿನಲ್ಲಿ ನಾವೆಲ್ಲರು ತಂಡಕ್ಕೆ ನಮ್ಮ ಕೈಯಲ್ಲಿ ಏನಾಗುವುದೋ ಅದನ್ನು ಶೇ. 100ರಷ್ಟು ನೀಡುತ್ತೇವೆ. ನಾವಷ್ಟೇ ಅಲ್ಲದೆ, ಇಡೀ ಟೂರ್ನಿಯಲ್ಲಿ ಬ್ಯಾಟ್ಸ್ಮನ್ಗಳು ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಇಡೀ ಟೂರ್ನಿಯಲ್ಲಿ ನಮ್ಮ ತಂಡ ಉತ್ತಮ ಪ್ರದರ್ಶನ ನೀಡಿರುವುದು ಸಂತೋಷ ತಂದಿದೆ ಎಂದು ಬುಮ್ರಾ ಹೇಳಿದ್ದಾರೆ.
ಇನ್ನು ಬೌಲಿಂಗ್ ವಿಭಾದಲ್ಲಿ ತೀವ್ರ ಸ್ಪರ್ಧೆ ಏರ್ಪಡುತ್ತಿರುವುದರ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಬುಮ್ರಾ, ತಂಡದಲ್ಲಿ ಒಂದು ಬೌಲಿಂಗ್ ಸ್ಥಾನಕ್ಕೆ ಪ್ರಬಲ ಪೈಪೋಟಿಯಿದೆ. ಎಲ್ಲಾ ಬೌಲರ್ಗಳೂ ಉತ್ತಮ ಪ್ರದರ್ಶನ ನೀಡಿದಾಗ ಆಯ್ಕೆಯಲ್ಲಿ ಇಂತಹ ತಲೆನೋವುಗಳು ಬರುವುದುಂಟು. ಅದರಲ್ಲೂ ಸೆಮಿಫೈನಲ್ನಲ್ಲಿ ಆಯ್ಕೆಯ ಸಮಸ್ಯೆ ತೀವ್ರವಾಗಬಹುದು. ಆದರೆ ಆಯ್ಕೆಯಾದ ಬೌಲರ್ಗಳು ತಂಡದ ಯಶಸ್ಸಿಗೆ ಯಾವುದೇ ರೀತಿಯ ಸವಾಲು ಹಾಗೂ ಜವಾಬ್ದಾರಿ ಪಡೆಯಲು ಸಿದ್ಧರಿರಬೇಕು ಎಂದು ಹೇಳಿದ್ದಾರೆ.
