ಲಂಡನ್:ಕಿವೀಸ್ ತಂಡವನ್ನು ಬೌಂಡರಿ ಆಧಾರದ ಮೇಲೆ ಮಣಿಸಿ ಚೊಚ್ಚಲ ವಿಶ್ವಕಪ್ ಜಯಸಿರುವ ಇಂಗ್ಲೆಂಡ್ ತಂಡವನ್ನು ಅಲ್ಲಿನ ಪ್ರಧಾನಿ ಥೆರೆಸಾ ಮೇ ಅಭಿನಂದಿಸಿದ್ದಾರೆ.
ವಿಶ್ವಕಪ್ ವಿಜೇತ ತಂಡಕ್ಕೆ ಥೆರೆಸಾ ಮೇ ಅಭಿನಂದನೆ ಸಲ್ಲಿಸಿದ್ದು, ಇಂಗ್ಲೆಂಡ್ ಕ್ರಿಕೆಟ್ ತಂಡದ ಈ ಯಶಸ್ಸು ಇಡೀ ದೇಶದ ಜನತೆಯನ್ನು ಮತ್ತೆ ಕ್ರಿಕೆಟ್ ಮೇಲೆ ಪ್ರೀತಿ ಬೆಳೆಸಿಕೊಳ್ಳುವಂತೆ ಮಾಡಿದೆ. ಈ ವಿಶ್ವಕಪ್ ನಿಜಕ್ಕೂ ಬಹಳ ರೋಮಾಂಚನಕಾರಿಯಾಗಿ ಕೂಡಿತ್ತು. ಇದು ನಮ್ಮ ಕಾಲದ ಅತ್ಯುತ್ತಮ ಕ್ರೀಡಾ ಪ್ರದರ್ಶನಗಳಲ್ಲಿ ಒಂದಾಗಿದೆ ಎಂದು ಇಂಗ್ಲೆಂಡ್ ಕ್ರಿಕೆಟ್ ತಂಡವನ್ನು ಪ್ರಶಂಸಿದ್ದಾರೆ.