ಅಭ್ಯಾಸಕ್ಕೆ ಮರಳಿದ ಶಮಿ, ಚಾವ್ಲಾ: ಸುರೇಶ್​ ರೈನಾಗೆ ಸಾಥ್​ ಕೊಟ್ಟ ಅನುಭವಿ ಬೌಲರ್ಸ್​... ವಿಡಿಯೋ

ಭಾರತದ ಹಿರಿಯ ಬ್ಯಾಟ್ಸ್​ಮನ್​ ಸುರೇಶ್​ ರೈನಾ ನೆಟ್ಸ್​ಗೆ ಮರಳಿದ್ದು, ಭಾರತದ ಹಿರಿಯ ಬೌಲರ್​ಗಳಾದ ಮೊಹಮ್ಮದ್​ ಶಮಿ ಹಾಗೂ ಪಿಯುಷ್​ ಚಾವ್ಲಾ ಅವರ ಬೌಲಿಂಗ್​ಗೆ ಬ್ಯಾಟಿಂಗ್​ ನಡೆಸಿದ್ದಾರೆ.

ನವದೆಹಲಿ:ಭಾರತದ ಹಿರಿಯ ಬ್ಯಾಟ್ಸ್​ಮನ್​ ಸುರೇಶ್​ ರೈನಾ ನೆಟ್ಸ್​ಗೆ ಮರಳಿದ್ದು, ಭಾರತದ ಹಿರಿಯ ಬೌಲರ್​ಗಳಾದ ಮೊಹಮ್ಮದ್​ ಶಮಿ ಹಾಗೂ ಪಿಯುಷ್​ ಚಾವ್ಲಾ ಅವರ ಬೌಲಿಂಗ್​ಗೆ ಬ್ಯಾಟಿಂಗ್​ ನಡೆಸಿದ್ದಾರೆ.

ಚಾವ್ಲಾ ಮತ್ತು ಶಮಿ ಅವರ ಬೌಲಿಂಗ್​ ಎದುರಿಸುತ್ತಿರುವ ವಿಡಿಯೋವನ್ನು ತಮ್ಮ ಟ್ವಿಟರ್​ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಈ ವೀಕೆಂಡ್​ನಲ್ಲಿ ಪಿಯುಷ್​ ಚಾವ್ಲಾ ಮತ್ತು ಮೊಹಮ್ಮದ್​ ಶಮಿ ಅವರೊಂದಿಗೆ ಅಭ್ಯಾಸವನ್ನು ಆನಂದಿಸಲು ಸಿದ್ದವಾಗಿದ್ದೇನೆ . ಇದೇ ವೇಗವನ್ನು ಮುಂದು ವರಿಸಿಕೊಂಡು ಹೋಗುತ್ತೇವೆ. ವೀಕೆಂಡ್​ ಅನ್ನು ಉತ್ತಮ ರೀತಿಯಲ್ಲಿ ಆರಂಭಿಸಿದ್ದೇವೆ. ಸಣ್ಣ ವಿಜಯಗಳನ್ನು ಆನಂದಿಸಿ. ಹ್ಯಾಪಿ ವೀಕೆಂಡ್​ ಎಂದು ಟ್ವೀಟ್​ ಮಾಡಿದ್ದಾರೆ.

ಇನ್ನು ಈಗಾಗಲೆ ಇಶಾಂತ್​ ಶರ್ಮಾ, ಜಸ್ಪ್ರೀತ್​ ಬುಮ್ರಾ,ಮತ್ತು ಉಮೇಶ್​ ಯಾದವ್​ ಅಭ್ಯಾಸ ಶುರು ಮಾಡಿದ್ದಾರೆ. ಮೂರು ದಿನಗಳ ಹಿಂದೆಯಷ್ಟೇ ಭಾರತದ ವಿಕೆಟ್​ ಕೀಪರ್​ ಜೊತೆ ರೈನಾ ಬ್ಯಾಟಿಂಗ್​ ಅಭ್ಯಾಸ ನಡೆಸಿದ್ದರು.

ಭಾರತ ಕ್ರಿಕೆಟ್​ನಿಂದ ಕಳೆದ ಎರಡು ವರ್ಷಗಳಿಂದ ದೂರವಿರುವ ಸುರೇಶ್​ ರೈನಾ ಬ್ಲೂ ಜರ್ಸಿ ತೊಡಲು ಉತ್ಸಾಹ ತೋರಿತ್ತಿದ್ದಾರೆ. ಐಪಿಎಲ್​ನಲ್ಲಿ ಉತ್ತಮ ಪ್ರದರ್ಶನ ತೋರಿ ಮತ್ತೆ ಟೀಮ್​ ಇಂಡಿಯಾಗೆ ಮರಳಬೇಕೆಂದುಕೊಂಡಿರುವ ರೈನಾ ಆಸೆಯನ್ನು ಕೋವಿಡ್​ 19 ಸಾಂಕ್ರಾಮಿಕ ರೋಗ ಸ್ವಲ್ಪ ಸಮಯ ಮುಂದೂಡುವಂತೆ ಮಾಡಿದೆ.